Rusiya prezidenti Vladimir Putin dünyanın ən varlı 2-ci adamı olduğu iddia edilir. Baki-xeber.com xəbər verir ki, "Celebritynetworth” adlı internet saytı, Vladimir Putinin təxminən 70 milyard dollar sərvəti olduğunu iddia edir. Bu iddia Putini "Microsoft”un qurucusu Bill Qeytsdən sonra dünyanın ən varlı 2-ci adamı olduğunu deməyə əsas verir.
Atası hərbçi, anası isə fabrik işçisi olan Putin, iddiaya görə sovet ittifaqının çökməsindən sonra "Qazprom”dan 4.5 faizlik pay alıb. Eyni zamanda "Surgutneftegas” adlı enerji şirkətində də 50 faizi paya sahib olduğu deyilir.
"Qazprom”un illik gəliri 100 milyard dollardan çıxdur. "Qazprom”un 4.5 faiz hissəsinə sahib olmaq isə milyonlarla dollar gəlir deməkdir. Putinin sərmayələri yalnız Rusiya ilə məhdudlaşmır. Rusiya liderinin İsveçrənin neft şirkəti "Guvnor”da da hissəsi olduğu bildirilir.
Putinin eyni zamanda bahalı saat həvəskarı olduğu da bildirilir. Onun taxdığı Philippe Patek markalı saatlardan ibarət kolleksiyanın dəyərinin 700 min dollar olduğu deyilir. Özünün sahib olduğu deyilən 40 milyon dollarlıq yaxta isə sərvətinin ən nadir parçalarından biridir. Bundan başqa ölkə daxilində onun 20 villasının olduğu deyilir. Bunların arasında bir dənə də tarixi qalanın olduğu iddiaları sıslənir.
Rəsmi açıqlamalarda illik qazancı 187 min dollar olan Putinin 500 min dollarlıq sərvətinin olduğu bildirilir.
Bir müddət əvvəl isə Hedge fondunun meneceri Bill Brauder Putinin dünyanın ən zəngin adamı olduğunu iddia etmişdi. Brauder görə, Putinin şəxsi sərvətinin dəyəri 200 milyard dollardır: "Rusiyada 14 ildir iqtidardadır, ölkədə çoxlu pul qazandı. Bu pullar məktəblərə, yollara xərclənmədi. Bu pullar İsveçrədəki bank hesablarındadır".