Elşad Həsənov: “Bu reallığı qəbul etmək istəməyən və Azərbaycanın həyata keçirdiyi mühüm işləri həzm edə bilməyən Rusiya bizə qarşı çamur atmağa çalışır”
Rusiyanın Azərbaycana münasibəti son dövrlərdə daha da kəskinləşib. Azərbaycan diasporunun rəhbərlərini həbs edirlər, deportasiyaya məruz qoyurlar, vətəndaşlarımıza aqressiv davranırlar. Rusiya televiziyalarında, radiolarında, YouTube kanallarında jurnalistlər, dövlət məmurları, hətta nəqliyyat nazirinin müşaviri belə, antiazərbaycan kampaniyasına qoşulub və Azərbaycana qarşı belə aqressiv addımlar atırlar. Dövlət başçısını təhqir kəskin tənqid edirlər və sair.
Son 6 ildə baş verənlərin sırasında Azərbaycanın TRIPP sazişini imzalaması da var ki, Rusiya bunu da həzm edə bilmir. Çünki Zəngəzur dəhlizindən əli çıxır. Azərbaycanın Vətən müharibəsindən sonra Cənubi Qafqazda Ermənistanın timsalında işğal faktoruna son qoyması, bu bölgədə sülh və əmin-amanlıq üçün yeganə ən böyük təhlükəni ortadan qaldırılması, Qarabağ problemini həll etməsi, Qarabağ probleminin həll olunması ilə Rusiyanın hərbi cəhətdən Rusiyanın bu bölgədə mövqenin zəifləməsi, Qarabağdan çıxıb getməsi, Ermənistan “Dağlıq Qarabağ” kimi iddiaların ağır yükündən azad olması, nəticədə bu bölgədə Rusiyanın müttəfiqliyindən imtina edərək Qərbə doğru daha fəal şəkildə istiqamət götürməsi kimi məsələlərin səbəbini Rusiya tərəf Azərbaycanda görür. Azərbaycanı müqəssir bilirlər ki, əgər Azərbaycan bütün bunları etməsəydi Rusiya bu bölgədə yenə də mövcudluğunu davam etdirirdi.
Belə demək olarmı ki, son 6 ildə gedən proseslərin və ortada olan nəticələrin Rusiya qisasını Azərbaycandan alır? Yəni demək olarmı ki, Rusiya bütün bunlarla Azərbaycandan artıq daha kəskin və aqressiv formada qisas almağa başlayır?
Siyasi ekspert Elşad Həsənov baki-xeber.com-a bildirdi ki, 44 günlük Vətən müharibəsindən sonra Cənubi Qafqazda Rusiyaya münasibət dəyişdi. “Buna səbəb Azərbaycan xalqının Müzəffər Ali Baş Komandanın ətrafında birləşərək torpaqlarımızı işğaldan azad etməsi, ərazi bütövlüyümüzün bərpa edilməsi oldu.
Həmin dövrdə də Azərbaycanın apardığı doğru-düzgün siyasət nəticəsində biz Rusiyanın o zamankı “sülhməramlı qüvvələri”nin fəaliyyətini müharibə dövründə gördük, onlar Ermənistanına yardım edirlər, silah daşıyırdılar. Azərbaycan Prezidentinin uzaqgörən siyasəti nəticəsində Rusiyanın “sülhməramlı qüvvələrini” müqavilədə göstərilən müddətdən əvvəl çıxarmağa müvəfəq olduq və ondan sonra da Ermənistanla münasibətlər normallaşmağa başladı. Yəni, sülh müqaviləsinin mətnini Azərbaycan hazırlayıb ortaya qoydu və bu da bütün beynəlxalq aləmdə müsbət qarşılandı. Nəhayət keçən ilin avqust ayının 8-də Vaşinqtonda, Ağ Evdə Azərbaycan və Ermənistan liderlərinin və ABŞ prezidenti Donald Trampın iştirakı ilə Vaşinqton bəyənilməsi qəbul olundu. TRIPP marşrutu haqqında da qərar verildi. Yəni Zəngəzur dəhlizinin açılması barədə nəticə əldə olundu. Bütün bunlar təbii ki, Rusiyanın imicinə, apardığı siyasətə ağır zərbə idi. Çünki 2020-ci ildə müharibə bitəndən sonra Rusiya, Ermənistan və Azərbaycan arasında imzalanan üçtərəfli bəyannamənin 9-cu maddəsinə əsasən Zəngəzur dəhlizinə Rusiyanın Federal Təhlükəsizlik Xidmətinin sərhəd qoşunları nəzərət etməli idi. Sonra ermənilər bundan imtina etdi. Nəhayət, Amerikada TRIPP marşrut təsdiqləndi. Bəli, Rusiyanın TRIPP-Zəngəzur dəhlizindən əlləri çıxdı, Cənubi Qafqazlar mövqeləri əsaslı surətdə zəiflədi. Bir daha deyirəm ki, buna səbəb də Azərbaycandan apardığı uzaqgörən bir siyasət oldu.
2022-ci ilin 22 fevralında Rusiya və Azərbaycan arasında “müttəfiqlik qarşılıqlı fəaliyyəti haqqında” Bəyannamə imzalanıb. Bu bəyənnamənin şərtlərinə uyğun Azərbaycan həmişə Rusiya ilə münasibətləri normal saxlayıb, xoş qonşuluq münasibətlərini qoruyub. Ancaq Rusiya tərəfi 2024-cü ilin dekabrında Azərbaycan təyyarəsinin Rusiya samasında vurulması və buna görə kompensasiya ödənilməsi və təyyarəmizi vuranların cəzalandırılması illər çəkdi. Nəhayət Azərbaycanın beynəlxalq səviyyədə təzyiqləri nəticəsində onlar kompensasiyanı ödəyib bitirdilər.
Həmin dövrdən də Azərbaycanın təpki göstərməsinə görə ölkəmizə qarşı aqressiv münasibət sərgiləməyə, Azərbaycan diaspor fəallarını orada cəzalandırmağa başladılar. Yekaternburqda azərbaycanlılara qarşı hücum etdilər və onlardan bir neçə nəfəri öldürdülər. Bu da haqlı olaraq Azərbaycan cəmiyyətində ciddi narazıq doğurdu. Yəni Rusiyada rus şovnizmi baş qaldırdı. Bu, təkcə bizə qarşı deyil, ruslar öz qardaşları olan ukraynalılara qarşı illərdir ki, müharibə aparırlar.
2022-ci il fevralın 24-də Rusiya Ukraynaya təcavüz etdi. Bir sıra bölgələri işğala məruz qoydu. Ancaq baxın, 4 il yarımdan artıqdır müharibə gedir və ordusuna və ərazisinə görə dünyanın ikinci ən böyük ölkəsi sayılırdı. Təsəvvür edin ki, Rusiya hələ də Dombası tam işğal edə bilməyib.
İndiki Rusiya rəhbərliyinin apardığı amansız və təcavüzkar siyasət dünyada ikrah hissi doğrur.
1990-cı ilin 20 Yanvar hadisəsini ruslar törətdi. Aprelin 9-da Gürcistana hücum etdilər, orada hərbi lapatka ilə gürciləri öldürdülər. Litva hadisələri, qətliamı, sonra da Dombasdakı hadisələr və sair rusların törətdiyi əməllərdir ki, bunlar da keçmiş sovet ölkələr arasında ikrah hissi doğurur. Yəni, Rusiya apardığı siyasətlə özlərinə hörməti yox, nifrət qazanırlar. Məhz buna görə də dünya Rusiyaya “izqoy ölkə”, yəni eybəcər bir insan kimi artıq rusları Avropaya bıraxmırlar.
Yəni bunlar özləri üçün belə bir imic qazanıblar. Artıq onlar başa düşür ki, Rusiya apardığı siyasət nəticəsində dünyadan geri qalıb. Hətta rus ziyalılarının çoxu bildirir ki, artıq Rusiya Avropa və digər ölkələrinin yox, Afrika ölkələrinin yanında qalıb.
Bu gün Rusiyada təhsilə qoyulan pul Afrika ölkələri ilə bərabərdir.
Halbuki, günə 1 milyard dollardan artıq pul müharibə xərclənir. Etiraf etmək lazımdır, Rusiya çox böyük ölkədir, çox varlı ölkədir, çox böyük təbii imkanları var. Təəssüf ki, onun rəhbərlərinin apardığı təzavüzkar siyasət nəticəsində bu gün ruslar ölkələrdən qaçırırlar”.
E.Həsənov qeyd etdi ki, bu gün Rusiyada ruslar dilənçi vəziyyətində yaşayırlar, Rusiyanın yalnız Moskva, Sankt-Peterburq və bəzi iri şəhərlərində həyat var. “Amma digər kiçik şəhərlərində həyat ölü vəziyyətindədir. “Rusiya “alqaqoliklər”in, ölüm sayında görə dünyada birinci yerdədir, həyat səviyyəsinə görə axıncı yerlərdən birini tutur. Yəni Rusiya bu gün əlində olan imkanlardan istifadə edib xalqın, dövlətin sosial vəzətinin yaxşılaşılmaq əvvəzinə təcavüzkər siyasət aparır və müharibəyə əsassız pullar xərcləyir. Bütün bunlar rusların hazırkı dövrdə apardığı siyasətin nəticəsidir. Bu gün artıq Rusiyanın özündə də ziyalılar buna ciddi etiraz edirlər. Ancaq təsəvvür edin ki, orada da söz demək mümkün deyil. Ona görə onların çoxlu xaricə qaçıblar, oradan çıxış edirlər. Rusiyanın, Putinin bu siyasətini tənqid edirlər.
Azərbaycana qarşı onların apardığı bu siyasət Azərbaycanın beynəlxalq hüquq çərçivəsində apardığı mübarizənin nəticəsidir və Azərbaycan hər şey real olaraq adlandırır, bildirir, Rusiyanın təcavüzkar siyasətini pisliyir. Ukraynanın özünü müdafiə etməsini, ərazi bütövlüyünü dəstəkləyir, humanitar yardım göstərir. Bütün bunlar da Rusiyanı qıcıqlandırır. Eyni zamanda Şuşada keçirilən V Media Formda Azərbaycan Prezidenti bildirdi ki, biz Sovet hökmətinin işğalına məruz qalmışıq. Azərbaycan neftinin bütün gəliri ruslara, mərkəzə gedib. Azərbaycan rus işğalından azad olandan sonra müstəqillik dövründə təkcə Azərbaycanın paytaxtı Bakı yox, bütün rayon və şəhərlərimiz inkişaf edib.
Şəhərlərimizin sifəti dəyişib. Gözəl-gözəl binalarımız, sosial obyektlərimiz var, infratruktur yenilənib, yenidən qurulub. İşğaldan azad olunan torpalarımızda quruculuq-bərpa işləri aparırıq, Qarabağı və digər ərazilərimizi cənnət məkanı çevirdik. Bütün bunlar təbii ki, rusların xoşuna gəlmir. Həm də Azərbaycanın aparlıq siyasət əsasında ermənilərlə münasibətlər normallaşır. Hesab edirəm ki, yaxın zamanlarda da Ermənistanda referendum olacaq, konstitusiyalarına dəyişiklik edəcəklər, münasibətlər
normallaşacaq, sülh müqaviləsi imzalanacaq. Bütün bunlar da Rusiyanın Cənubi Qafqazdan ayağını kəsir. Ermənistan da bizim apardığımız düzgün siyasəti qəbul edir və onlar da Rusiyadan canlarını qutarmaq üçün bütün vasitələrə əl atır.
Bu mənada da elə Canubi Qafqazı Avropa da, Amerika da dəstəkləyir və lazım olan yardımı edir.
Ona görə hesab edirəm ki, Rusiyanın apardığı bu təbliğat yenə də onların öz nüfuzuna mənfi təsir göstərəcək. Azərbaycan isə tutduğu doğru-düzün yoldan çəkinməyəcək. Hesab edirəm ki, onların apardığı bu siyasət, Azərbaycana qarşı bəslədikləri aqressiv münasibət yenə də Rusiyanın özünə ziyan vuracaq”.
E.Həsənov qeyd etdi ki, Azərbaycan hər çətinliklərdən çıxaraq bu gün dünya səviyyəsində tanınan, Avropanın enerji təhlükəsizliyini təmin edən ölkədir və bu gün biz Rusiyanın qarşısında əyiləsi dövlət deyilik. Ona görə də bütün bunları Rusiya həzm edə bilmir. Onların ən böyük proyektləri əllərindən çıxır. Əvvəllər Rusiya Ermənistanla Azərbaycan arasında “Dağlıq Qarabağ” məsələsini çözürdü və hər iki ölkəni təhsil altına saxlayırdı. Ancaq bütün bunlar Azərbaycan tərəfindən həll olundu. Ona görə də bu reallığı qəbul etmək istəməyən və Azərbaycanın həyata keçirdiyi mühüm işləri həzm edə bilməyən Rusiya bizə qarşı çamur atmağa çalışır. Ancaq təbii ki, bütün o çamurlar onların öz üzərində gedir”-deyə E.Həsənov qeyd etdi.
İradə SARIYEVA
