ABŞ prezidenti Donald Tramp Vaşinqtonun İrana "əjdaha sanksiyalar" tətbiq edə biləcəyini bildirib. Associated Press agentliyinin məlumatına görə, Hörmüz boğazındakı vəziyyətlə bağlı Tramp qeyd edib ki, hələ də bir çox gəmi oradan keçir, lakin o, trafikin "müəyyən bir anda bir az azala biləcəyini" etiraf edib. ABŞ prezidenti həmçinin gəmiçilikdəki fasilələrin dünyanı alternativ neft təchizatı yolları axtarmağa məcbur etdiyini bildirib. O hesab edir ki, Hörmüz boğazı gələcəkdə əvvəlkindən daha az əhəmiyyət kəsb edə bilər. Tramp yüksək neft qiymətlərinin təsirini azaltmağa çalışaraq qeyd edib ki, bir barelin qiyməti hələ 350 dollara çatmayıb. Lakin o, qiymətin belə kəskin artımını kimin proqnozlaşdırdığını dəqiqləşdirməyib. Müharibədən əvvəl qlobal neft ticarətinin təxminən beşdə biri gündəlik olaraq Hörmüz boğazından keçirdi. Münaqişədən bəri bu strateji su yolu ilə gəmiçilik trafiki kəskin şəkildə azalıb, baxmayaraq ki, ABŞ bəzi tankerlərin keçidini təmin etdiyini iddia edir.
SAMİRƏ
