Xaqani Cəfərli: “...Müharibə əleyhdarı kimi çıxış edən “Yabloko” Partiyasının seçkilərdə iştirakı qorxulu idi”
Rusiya Ali Məhkəməsi Yabloko-nun Dövlət Duması seçkilərində qeydiyyatını ləğv edib. İnterfaks müxbirinin verdiyi məlumata görə, Rusiya Ali Məhkəməsi Rodina partiyasının Yabloko partiyasının Dövlət Dumasına namizədlərin federal siyahısının qeydiyyatını ləğv etmək iddiasını təmin edib.
Hakim elan edib ki, "iddialar təmin edilib".
İddiaçının nümayəndələri məhkəmə iclasında Yabloko-nun sənədlərin təqdim edilməsinin və təşviqatının "əqli mülkiyyət, müəllif hüquqları, ekstremizmə qarşı qanunlar və maliyyələşdirmə qanunlarını pozduğunu" bildirdilər.
Mərkəzi Seçki Komissiyasının nümayəndəsi komissiyanın Rosfinmonitoringdən bəzi namizədlərin xarici maliyyələşdirilməsi ilə bağlı məlumat aldığını bildirdi.
MSK nümayəndəsi bildirib ki, "Rosfinmonitoringin cavabı: seçki kampaniyasına qədər olan dövrdə, 2026-cı ilin iyul-avqust aylarında, namizədlərin federal siyahısında xarici maliyyələşdirmə alan şəxslərin olduğu barədə məlumatlar var". Xüsusilə, bəzi partiya nümayəndələri ABŞ, Almaniya, BƏƏ və bir sıra digər ölkələrdən vəsait alıblar.
Yabloko xarici mənbələrdən vəsait almayıb; partiyanın vəkili Hacı Əliyevin sözlərinə görə, pul ruslardan ianə kimi köçürülüb və onlar da öz növbəsində bu vəsaitləri xaricdən alıblar.
Yabloko-nu seçkidən niyə uzaqlaşdırdılar? Putinin bu partiya ilə nə hesabı var?
Politoloq Xaqani Cəfərli baki-xeber.com-a bildirdi ki, Rusiya Ali Məhkəməsi iqtidaryönlü “Rodina” (Vətən) Partiyasının iddiasına, Maliyyə Monitorinqi üzrə Federal Xidmətinin rəsmi cavabına əsaslanaraq “Yabloko” Partiyasını seçkidən kənarlaşdırması iddia deyildiyi kimi, “əqli mülkiyyət, müəllif hüquqları, ekstremizmə qarşı və maliyyələşdirmə qanunlarının pozulması bağlı deyil.
““Yabloko” Partiyasının nəticəsi əvvəlcədən bəlli olan seçki prosesindən kənarlaşdırılması heç şübhəsiz ki, iqtidarın seçkini uduzacağı qorxusu ilə bağlı deyil. “Yabloko” Partiyasının seçkidən kənarlaşdırılması seçki kampaniyası zamanı müharibə əleyhinə səslənə biləcək fikirlərin cəmiyyətdə müharibə əleyhinə güclü hərəkat doğracağı ehtimalının qarşısının başlanğacda alınmasıdır. Rusiya ictimai rəyi müharibə qızışdırıcılarının çıxışları əsasında formalaşdığı üçün cəmiyyət cinayətkar müharibəyə qarşı etiraz hərəkatı formalaşdıra bilmir. Nəhəng büdcə kəsrinə və sosial-iqtisadi vəziyyətin ağırlaşmasına baxmayaraq Putin adminstrasiyası müharibə qızışdırıcıları olan təbliğat maşının maliyyələşməsini müharibədən əvvəlki 2021-ci il müqayisədə üç dəfə artırıb. Buna baxmayaraq ən kiçik bir dalğanın ictimai rəyi dəyişə biləcəyi qorxusu var. Rusiya müxalifətinin lideri Aleksey Navalnın həbsxanada öldürülməsi, təşkilatının dağıdılması, müstəqil mətbuatın qapadılması və youtubu kimi platformaların qadağan olunması müharibə əleyhinə çıxışların qarşısını almağa yönəlib. Ona görə də müharibə əleyhdarı kimi çıxış edən “Yabloko” Partiyasının seçkilərdə iştirakı qorxulu idi. Putin adminstrasiyası cəmiyyətin müharibə əleyhinə çıxışlarını bir müddət ləngidə bilər, ansaq sonsuza qədər qarşısını ala bilməz”-deyə X.Cəfərli bildirdi.
İradə SARIYEVA
