Faiq Ələkbərli: “Tolqə kimiləri də məhz İran agenturasına xidmət edirlər”
Sosial şəbəkələrdə anti-Azərbaycan təbliğatı ilə məşğul olanlar içində çox təəssüf ki, özünü “azərbaycanlı”, “türk” adlandıranlar da tapılır.
Son vaxtlar Güntay Tölqə deyilən birisi sosial şəbəkələrdə ant-Azərbaycan, anti-azərbaycançılıq, anti-dövlətçilik, anti-Xətai mövzusunda absurd çıxışlar edir.
Güntay Tolgə kimdi ki, neçə gündür bizim sosial şəbəkə seqmentində onun dediyi "azərbaycançılıq ideologiyası çöküş dövrünə girib" sözləri hallandırılır.
Bu adam Şah İsmayıl Xətaini, Azərbaycançılığı, Azərbaycan dövlətini hədəfə alır.
Azərbaycançılıq bizim üçün əziz ideologiyadır, dövlətçiliyin sütunudur. Ancaq bu Tolgə nə sambalın, nə elmi çəkinin, nə nüfuzun, nə sosial bazanın, nə beynəlxalq əlaqələrin sahibidir ki, onun bir köksüz cümləsi ilə 100 ilərin sınaqlarlna sinə gərmiş azərbaycançılıq ideologiyası bu cümlədən zədə ala bilsin?
Ümumiyyətlə, bu adam kimdir ki, Azərbaycançılığa, Şah İsmayıl Xətaiyə, bizim dəyərlərimizə dil uzadır?
Ekspertlər deyirlər ki, onun türk, yaxud fars olduğu bilinmir. Ekspertlər qeyd edir ki, bu adamın elə bir sambalı, nüfuzu, çəkisi yoxdur onun bir çürük sözü ilə azərbaycançılığa xələl gəlsin. Ekspertlər bildirirlər ki, beləsinin yazdıqlarından narahat olmağa dəyməz, çünki onun heç bir çəkisi, sözünün təsiri yoxdir.
AMEA-nın Fəlsəfə və Sosiologiya İnstitiutunun şöbə müdiri, fəlsəfə doktoru, siyasi ekspert Faiq Ələkbərli baki-xeber.com-a bildirdi ki, G.Tolqa elə ciddi bir adam deyil və bu baxımdan onun sözlərini ciddiyə almaq lazım deyil.
F.Ələkbərli hesab edir ki, bütün hallarda həmin şəxs İranın molla rejiminin agenturasına xidmət edir. “Güntay Tolqə və onun kimiləri molla-fars rejiminin agenturasına aid olmaqdan başqa bir şey deyillər. Vaxtilə molla rejimi Güntay kimi agentlərini Azərbaycana göndərirdi. Bu adamlar əvvəlcə özlərini “türkcü”, “Azərbaycançı” kimi tanıtdırırdılar ki, bu ideyalar uğrunda guya İranda mübarizə aparırlar. Zaman-zaman bunların əsl üzləri meydana çıxmağa başladı. İndi bunlar azərbaycançılığa, türkçülüyə dil uzadırlar, yaxud da təhrif edirlər. Məqsəd İran islam rejiminin ideyalarına xidmət edərək Azərbaycan dövlətçiliyinə zərbə vurmaqdır, onu aradan qaldırmaqdır. Çünki Azərbaycan adı elə bir müqəddəs bir addırb ki, o milyonları özündə birləşdirir. Türklükdə azərbaycançılıqla bir yerdə şübhəsiz, böyük bir ideologiyadır. Azərbaycanın varlığına qəsd etmək istəyənlər bəllidir. Molla fars rejimi bunun başında gəlir. Tölqə kimiləri də məhz İran agenturasına xidmət edirlər”.
F.Ələkbərli qeyd etdi ki, belələri əvvəlcə bizim içimizə soxulub özlərinə etimad qazanırlar, sonra isə tariximizə, tarixi şəxsiyyətlərimizə, milli ideologiyamıza qarşı absurd iddialar irəli sürür, hədyanlar yağıdrırlar. “Bu kimi cəfənğ fikirlərlə azərbaycançılığa, türkçülüyə, tariximizə və tarixi şəxsiyyətlərimizə ziyan vurmaq mümkün deyil. Yaşı minilləri aşan və bu gün də xalqımızın, dövlətçiliyimizin dayağı olan azərbaycançılığa heç kim kölgə sala bilməz.
Tölqə kimilərinin hədəfi gənc nəsildir ki, məqsədləri onların beyinlərini qarışdırmaqdır. Sosial çəbəkələr vasitəsilə belə absurd iddialarda bulunurlar. Biz isə həmişə belələrinin əsl mahiyyətini ifşa etmişik, onların iç üzünü ortaya qoymuşuq. Buna da davam edirik. Yolumuz əcdadlarımızın, türklüklə azərbaycançılığın vəhdətindən çıxış edənlərin, Əli bəy Hüseynzadələrin, Məhəmməd Əmin Rəsulzadələrin, Həsən bəy Zərdabilərin, Seyid Cəfər Pişəvərilərin və başqa böyüklərimizin yoludur. Bu anlamda biz azərbaycançılığı, türkçülüyü bütün mahiyyəti ilə obyektiv şəkildə cəmiyyətə çatdırırıq ki, Güntay Tolqə kimilərinin uydurmalarına inanmasınlar, uymasınlar.
Azərbaycançılığın, türklüyün elə dərin qatları, ideoloji zəminləri var ki, vaxtilə ona dil uzadanlar, əleyhinə yazanlar heç bir şey əldə etmədikləri kimi, Güntay Tolqə kimiləri də heç nəyə nail ola bilməyəcək. Bu günkü Güntay Tölqələr dünənin Əhməd Kəsrəvilərindən, Əliheydər Qarayevlərindən, Mahmud Əfşarlardan, Ruhulla Axundovlarından başqa bir şey deyillər. Bu kimi adamlar dünən də olub, bu gün də var, sabah da olacaqlar. Amma biz əcdadlarımızın yolu ilə gedib öz milli dövlətçilik ideologiyamızı daha dərindən təbliğ etməliyik ki, beələrinin əlləri yenə də boşa çıxsın. Necə ki, çıxıb da”-deyə F.Ələkbərli qeyd etdi.
İradə SARIYEVA
