Rauf Zeyni: “Bununla bəşəriyyətə bir daha mesajlar verdik ki, heç bir qüvvə ədalətli məhkəməmizin qərarlarına təsir edə bilməz”
Bakı Apellyasiya Məhkəməsi Qarabağın keçmiş qondarma rejminin “hərbi və siyasi rəhbərləri”-Arayik Harutyunyan, Arkadi Qukasyan, Bako Sahakyan, Levon Mnatsakanyan və digər Ermənistan vətəndaşları barəsində Bakı Hərbi Məhkəməsinin 2026-cı il 5 fevral tarixli hökmlərini dəyişdirmədən qüvvədə saxladı.
Apellyasiya Məhkəməsinin o şəxslər barədə hökmü qüvvədə saxlamasının nə kimi anlamı və mesajları var?
Bu onu bir daha təsdiqləmirmi ki, onların məhkəmə araşdırması son dərəcə dəqiq, obyektiv, qərəzsiz aparılıb. Baxmayaraq ki, bu məhkəmə dünyanın diqqətində idi və o məhkəməni başqa yönlərə çəkmək istənlər vardı, hətta o qüvvələr məhkəmə prosesi dövründə separatçıların azad olunmasına çalışırdılar.
Məhkəmə hökmunun qüvvədə saxlanılması onların əleyhinə irəli sürülmüş bütün ittihamların-insanlığa, bəşəriyyətə qarşı cinayətlərinin, müharibə qanunlarını pozmalarının bir daha təsdiq edilməsidir.
Bakı İctimai Əməkdaşlıq Mərkəzinin sədri Rauf Zeyni baki-xeber.com-a bildirdi ki, Azərbaycan xalqı torpaqları 30 il işğal altında olanda səbirlə, təmkinlə, ümidlə, inamla torpaqlarımızın işğaldan azad oldunacağımız və tarixi zəfər əldə edəcəyimiz günü gözləyirdi. “Bunlar oldu.
Xalqımız ona da inanırdı ki, bir gün Azərbaycanda ədalət məhkəməsi qurulacaq. Simvolik olaraq biz onu “Nürnberg prosesi” adlandırırıq. Bəli, belə bir məqam da gəldi və Azərbaycan xalqına qarşı müharibə cinayətləri, işğalçılıq, terror, soyqırım və digər hərbi, bəşəri, insanlıq əleyhinə cinayətlər törədənlər ədalət məhkəməsi qarşısından çıxarıldı. Bu da Azərbaycan xalqı üçün gözlənilən, Azərbaycan məhkəməsi üçün də tarixi bir məqam idi. Çünki Azərbaycan xalqına qarşı dövlətinə qarşı cinayətlər törətmiş şəxsləri birbaşa beynəlxalq ictimaiyyətin qarşısında ədalət mühəkkiməsinə çıxartdıq. Bununla da Azərbaycan xalqı bütün dünyaya göstərdi ki, ona, onun müstəqilliyinə, dövlətçiliyinə, ərazi bütövlüyünə qarşı hər hansı bir cinayət törətmiş şəxsləri beynəlxalq hüquq, milli məhkəmə sistemi, milli ədalət çərçivəsində ədalət mühakiməsi qarşısına çıxardı. Onlar ədalətlə mühakimə oldundu və barələrində ədalətli qərar çıxarıldı”.
Z.Zeyninin sözlərinə görə, Bakı Apellyasiya Məhkəməsi Qarabağın keçmiş qondarma rejminin “hərbi və siyasi rəhbərləri” barəsində Bakı Hərbi Məhkəməsinin 2026-cı il 5 fevral tarixli hökmlərini dəyişdirmədən qüvvədə saxlaması gözlənilən idi. “Burada qeyri-adi heç bir şey yoxdur və təbii ki, bu Azərbaycan ədliyyə sisteminin tarixinə də qızıl hərəflərlə yazıldı. Bununla bəşəriyyətə bir daha mesajlar verdik ki, heç bir qüvvə ədalətli məhkəməmizin qərarlarına təsir edə bilməz. O mesajı da verdik ki, bizim heç kimin torpağında, ölkəsində, yurdunda gözümüz yoxdur, amma biz öz tariximizi, torpağımızı, ədalətimizi müdafiə etməyə hazırıq. Biz dünyaya mesaj verdik ki, xalqımıza, torpağımıza, dövlətçiliyimizə qarşı ağır cinayət törədənləri ədalət mühakiməsi qarşısına çıxardıq və onlara layiq olan cəzanı verdik”.
R.Zeyni qeyd etdi ki, hərbi yolla torpaqlarımız işaldan azad olundu, eyni zamanda sivil yolla, ədliyə, ədalət mühakiməsi yolu ilə biz öz hüquqlarımızı müdafiə etdiyimizi bəşəriyyətə göstərdik.
İradə SARIYEVA
