Rusiya xüsusi təyinatlıları Ukrayna üçün işləyən və sərhədə sızan Qərb diversantlarından ibarət dəstəni pusquya salaraq məhv ediblər. Bu barədə Rusiya Federal Təhlükəsizlik Xidmətinin (FSB) video yayıb.
Bildirilir ki, Rusiyanın Bryansk vilayətində öldürülən Ukrayna təxribat-kəşfiyyat qrupunun bir üzvündə ABŞ ordusunun 75-ci gözətçi alayına aid fərqli döymə var. FSB amerikalının bazar günü Bryanskda sərhəd reydi zamanı öldürülən 4 nəfərdən biri olduğunu bildirib.
FSB əlavə edib ki, onların üzərindən xarici ölkələrə aid silah və texnika, habelə onların "üçüncü ölkələrə" aid olduğunu göstərən şəxsi əşyalar, məsələn, Kanada bayrağı, Polşa dua kitabı və ingilis dilində taktiki qeydlər olan bloknot aşkar edilib.
Ölənlərdən birinin əlində tüfəng tutan mələyin döyməsi və üzərində ABŞ Ordusunun 75-ci Ranger Alayının 2-ci Batalyonuna aid "Ranger" və "2d Bn" yazılmış pankart tapılıb.
FSB-nin yaydığı videoda döymə və həmin şəxsin Amerika istehsalı olan döyüş geyimi nümayiş etdirilib.
Rusiya Xarici İşlər Nazirliyinin sözçüsü Mariya Zaxarova da jurnalistlərə bildirib ki, ilkin məlumatlara görə, Bryansk vilayətində zərərsizləşdirilən muzdlular arasında ABŞ, Polşa və Kanada vətəndaşları da var.
Reyncerlər hava əməliyyatları, düşmən xətlərinin arxasında kəşfiyyat və təxribat, axtarış-xilasetmə, aviabazanın ələ keçirilməsi, mühüm obyektlərin tutulması və ya öldürülməsi üzrə təlim keçmiş xüsusi təyinatlı elit əsgərlərdir.
Bir çox ordu bölmələri tarix boyu 'Ranger' titulunu daşısa da, Vyetnam Müharibəsindən bəri yalnız 75-ci Ranger Alayının üç batalyonu və bir neçə Milli Qvardiya bölməsi bu tituldan istifadə edir.
Bryanskda öldürülən şəxsin ümumiyyətlə alayın üzvü olub-olmadığı aydın deyil. Bununla belə, heç vaxt xidmət etmədiyi bir bölmənin fərqlənmə nişanlarını və ya döymələrini daşımaq Amerika hərbi mədəniyyətində normal qarşılanmır və bunu edənlər veteranlar tərəfindən "oğurlanmış şərəf"də ittiham olunurlar.
Qanadlı mələk 2-ci Ranger Batalyonunun və ya 75-ci Ranger Alayının rəsmi simvolu deyil, lakin oxşar simvollar ABŞ silahlı qüvvələrinin bütün qollarındakı döymələrdə geniş yayılıb.
Amerika xüsusi təyinatlı qüvvələrinin, ABŞ Dövlət Departamentinin bu bölməyə yardım göstərməyi qadağan etməsinə baxmayaraq, ötən il Polşada Ukraynanın neonasist Azov briqadasına təlim keçdiyi bildirilir.
Çoxsaylı amerikalı hərbi veteran Ukrayna ordusunda döyüşərək həyatını itirib.
Ən diqqət çəkən ölümlərdən biri, ötən ilin yayında Artyomovskda (keçmiş Baxmut) Rusiya artilleriyasının atəşi nəticəsində öldürülən keçmiş ABŞ Ordusu Yaşıl Beret Nikolas Maymerin ölümü idi. Maymerin cəsədi "Vaqner"in həmtəsisçisi Yevgeni Priqojin tərəfindən yayımlanan videoda göstərilib və o, "cəsədi basdırılmaq üçün ABŞ-a çatdırmağı" təklif edib.
Rusiya Müdafiə Nazirliyinin mart ayında açıqladığı məlumatlara görə, 1113 amerikalı muzdlu Ukrayna tərəfdə döyüşlərə qatılıb. Nazirlik onlardan ən azı 491 nəfərin öldürüldüyünü bildirib.
TAHİR
