Tarixdə ox və qılıncla başlayan, top və tüfənglə davam edən müharibələr üçün indi super güclər yeni sahələr yaradır. ABŞ-ın Rusiyanın kosmosa peyk əleyhinə nüvə bombası yerləşdirməyi planlaşdırdığı iddiasından sonra İngiltərədə yeni bir nəzəriyyə irəli sürülüb. Buna görə, "düşmən dövlətlər", xüsusən də Rusiya növbəti müharibələri dəniz altında aparacaq. Britaniyanın "Policy Exchange" beyin mərkəzi tərəfindən nəşr olunan Britaniyanın sualtı kabellərinin Rusiya, İran və Çindən gələn hücumlara qarşı çox həssas olduğu ifadə edilib.
"Yaxınlıqdakı sularda Rusiyanın müntəzəm olaraq şübhəli fəaliyyəti, müəmmalı kabel kəsmə insidentləri və müttəfiqlərimiz arasında sualtı infrastrukturun zəifliyi ilə bağlı artan narahatlıqlar sualtı döyüşlərdə yeni dövrə işarə edir", - deyə hesabatda bildirilib. Mütəxəssislər qeyd ediblər ki, sualtı kabelləri hücumlardan qorumaq üçün "dəniz dibi müharibəsi" strategiyası hazırlanmalıdır. Strateqlərin fikrincə, Kreml Vaşinqtonun Rusiyanın müharibəni kosmosa aparacağı ilə bağlı iddiasını rədd etsə belə, peyk əleyhinə silah bütün dünyaya təsir edər, Kosmosa yerləşdirilən nüvə silahları ilə peyklərə hücum etmək və elektromaqnit impulsları yaratmaq həyatı iflic edər.
Qeyd edilir ki, Rusiyanın kosmosdan düşmənləri vurmaq üçün hazırladığı iddia edilən texnologiya 1967-ci ildə imzalanmış Beynəlxalq Astronavtika Müqaviləsini ziddir. Lakin 1983-cü ildə ABŞ prezidenti Reyqan Sovet İttifaqının raketlərinin kosmosdan idarə olunan lazer şüaları ilə məhv edilməsinə əsaslanan "Ulduz müharibələri" adlı "Strateji Müdafiə Təşəbbüsü"nü açıqlayıb. Bu da müqavilənin pozulması idi. Daha sonra ABŞ peyk əleyhinə raketləri də sınaqdan keçirib. Rusiya isə 2021-ci ildə "anti-peyk raket sistemini" sınaqdan keçirmək üçün öz peyklərindən birini qəsdən məhv edib. Bu zaman ortaya çıxan dağıntı buluduna görə, Beynəlxalq Kosmik Stansiyanın heyəti bir kupeyə sığınmalı olub.
Nəzəriyyəyə görə, əgər Rusiya ABŞ-ın peyklərinə nüvə bombası ilə hücum etsə, bu, elektrik enerjisinin və rabitənin kəsilməsinə səbəb ola bilər, baza stansiyaları, internet, GPS, bank sistemləri, elektrik şəbəkələri və hərbi əməliyyatlar təsirlənə bilər. Bundan əlavə, cib telefonları, İnternet və digər rabitə sistemləri Yer ətrafında orbitdə olan bir sıra peyklərdən asılıdır. Ona görə də başqa bir ölkənin peyki zədələnəndə dünyada rabitə pozula və qlobal xaos yarana bilər.
Qeyd edək ki, dənizin altından 1,3 milyon kilometrdən çox, yəni Yerdən Aya qədər uzana bilən fiber optik kabel çəkilib.
Tahir TAĞIYEV
