Avropa İttifaqının Xarici Əlaqələr və Təhlükəsizlik Siyasəti üzrə ali nümayəndəsi Cozep Borrel tərəfindən son günlər Azərbaycan əleyhinə səsləndirilən yalan və qərəzə dolu ittihamlar artıq əndazəsini aşmağa başlayıb. Bu qoca siyasətçinin Fransanın yürütdüyü təxribat siyasətinə açıq dəstək verməklə, açıq-aşkar ermənilərin ruporuna çevrilməsi birbaşa Avropa ittifaqına olan inam və etibarı da yerlə yeksan edir.
"Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində bu barədə fikirlərini bölüşüb. Politoloq yazır: "Avropanın təhlükəsizlik komissarı Josef Borrelin və Ermənistanın baş naziri Nikol Paşinyanın müxtəlif yerlərdə səsləndirdikləri 2 bəyanat prinsipcə bir- birini tamamlayır. Cəsarətlə iddia etmək olar ki, onlar qarşılıqlı razılaşma ilə səsləndirilib. Cəmi son 3 gündə baş vermiş 2 fakt nəzərdə tutulur.
1.J.Borrel bəyanat verərək Azərbaycanı Ermənistana qarşı ərazi iddialarından əl çəkməyə çağırdı. Cəmi 3 il əvvəl işğalçı erməni qoşunlarını qovaraq öz bütövlüyünü və süverenliyini bərpa etmiş bir ölkə olaraq Azərbaycan Borrelin nəzərində "ərazi iddiaları saxlayan" bir ölkəymiş....Yalana baxın. Demək ki, 30 il Azərbaycanın ərazi bütövlüyünü "dəstəkləyən " Avropa diplomatları əslində ürəklərində Azərbaycanı təcavüzkar sayırdılar..
2.Paşinyan dedi ki, Azərbaycan - Ermənistan sərhədlərini yaratmaq yox, bərpa etmək lazımdır .
Bu iki bəyanat mahiyyətcə bir- birini necə də tamamlayır, necə də Azərbaycanın əleyhinə idarə olunan "xor kapellası" kimi görsənir. Onlar
bir- biri ilə razılaşaraq bu bəyanatları veriblər. Paşinyan demək istəyir ki, Azərbaycanla Ermənistanın arasında guya sərhədlər var, guya onları bərpa etməliyik, guya Azərbaycan mövcud olan həmin sərhədlərdən irəliyə gedərək Ermənistanın hansısa ərazilərini zəbt edib, guya sülh danışıqlarının başlanması üçün ilkin şərt olaraq hər iki tərəf "güzgü edfekti" ilə həmin "mifik sərhədlərdən" geri çəkilməlidir.
Paşinyanın "Azərbaycan mövcud sərhəd xəttindən önə çıxaraq bizim torpaqlarımızı zəbt edib" fikrini Borrel və onun dəstəsi ciddi cəhdlə müdafiə edir və tələb edir ki, Azərbaycan ərazi iddialarından əl çəksin...
Əslində bu absurd "duetin" bir- birini dəstəkləməsi çoxlarının sezə bilmədiyi incə və yanlış bir siyasi məqamdan başlayır. Bu hansı məqamdır?
Kimlərsə düşünə bilər ki, əgər Azərbaycan və Ermənistan bir- birilərinin ərazi bütövlüyünü 1991- ci ilin Alma- Ata bəyannaməsi ilə tanıyıblarsa, deməli sərhədlər Paşinyanın dediyi kimi mövcuddur, mövcud olan şeyi isə yaratmağa nə ehtiyac var ki?!...Ancaq , xeyr, Paşinyanın ən böyük yalanı budur ki, Azərbaycanla Ermənistanın arasında sərhəd yoxdur. Necə ola bilər ki?! 1991- ci ildə hər iki ölkə öz müstəqilliyini elan edəndə Ermənistan zatən Azərbaycana qarşı təcavüzə artıq başlamışdı və hələ çəkilməmiş sərhədləri məhv etmişdi. Əgər həmin sərhədlər 1991- ci ildə Alma- ata bəyannaməsi imzalananda mövcud idisə, Ermənistan həmin sərhəd xətlərinə niyə əməl etmədi və vurub Azərbaycanın içərilərinə keçdi? Demək, o sərhədlər yox idi, onların mövcudluğu virtual xarakter daşıyırdı, erməni işğalçıları 1991- ci ildə Alma- ata bəyannaməsini heç tanımırdılar və üstündən 31 il keçəndən sonra Azərbaycan onları 2022- ci ildə bu bəyannaməni tanımağa məcbur etdi. Azərbaycanın prezidenti İlham Əliyev məhz bu incə nüansları əsas tutaraq iddia edir ki, Azərbaycan Ermənistanla hazırda üz-üzə dayandığı heç bir mövqedən bir addım da çəkilməyəcək, çünki sərhəddin haradan keçdiyini hələ kimsə bilmir, əsas məqsəd də onu müəyyən etməkdir. Prezident sonuncu müsahibədə təklif etdi ki, bunun üçün hər iki tərəfdən Ekspert Qrupları yaradılsın və Qruplar bütün təmaslar boyunca sərhədd xətlərini yaratsın. Ən düzgün yanaşma elə budur. Paşinyan isə deyir ki, gəlin sərhədləri bərpa edək. Nəyi bərpa edəcəksən, Paşinyan? Məgər o sərhəd nə vaxtsa olub ki, onu bərpa edəsən? 1991- ci ildə sənin "işğalçı əmioğlun- əmiqızın" aramızda sərhəd xətlərini çəkməyə imkan verdi ki?....
Paşinyan dediyi bu yalanla Borreli də salıb dalına aparır, əslində Borrel özü də belə yalanların dalına düşüb getməyə meyllidir. Belə olmasaydı, Paşinyanın "sərhədləri bərpa etməliyik" yalanına uymaz və deməzdi ki " Azərbaycan ərazi iddiasından əl çəkməlidir" ...
Yalan sizin ikinizi də məhv edəcək.."
Mətləb
