Cəmiyyətin təkanverici qüvvəsi olan gənclərin fəal seçici rolunda çıxış etməsi və cəmiyyətin digər təbəqələrini də passiv müşahidəçidən fəal iştirakçılığa keçməyə təşviq etmək gənclərin ölkə vətəndaşı olaraq əsas vəzifələrindəndir.
"Gəncin səsi, Gələcəyin səsi!" şüarı ilə Azərbaycanın bölgələri üzrə həyata keçirilən səyyar görüşlər gəncləri bu vətəndaşlıq vəzifəsinin icrasına məsuliyyətlə yanaşmağa həvəsləndirmək məqsədi daşıyır.
Ptezident İlham Əliyev yerli telekanallara müsahibəsində dedi ki, seçkinin irəli çəkilməyini zəruri edən faktorlardan biri də onu prezidentlik dönəminin 20 illiyinin ramam olmasıdır. Az müddət deyil. Müasir Azərbaycan gəncliyinin orta yaş həddinin 20 yaş götürsək, deməli, Azərbaycan gəncliyi məhz İlham Əliyevin prezidentliyi dönəmində formalaşıb. Həm də hesabat xarakteri daşıyan bu 20 illik dönəm üçün Azərbaycan gəncliyi özü üçün nələri əxz etməlidir və həncliyin bu seçkidəki rolu hansı dərəcədədir?
"Gəncin səsi, Gələcəyin səsi!" şüarı ilə baş tutan səfərlər…
2024-cü il fevralın 7-nə təyin edilmiş növbədənkənar Prezident seçkilərində ilk dəfə səs verəcək region gəncləri üçün seçki hüququ ilə bağlı maarifləndirici səyyar görüşlərin keçirilməsinə başlanılıb. "Gəncin səsi, Gələcəyin səsi!" şüarı ilə baş tutan səfərlər Azərbaycan Respublikasının Gənclər Fondunun dəstəyi və Azərbaycan Könüllü Təşkilatları İttifaqının (AKTİ) təşkilatçılığı ilə icra edilir. Avtobuslar vasitəsi ilə təşkil edilən səyyar görüşlərin əsas məqsədi bölgələrdə, xüsusilə də kəndlərdə yaşayan gənclərin seçki sistemi, seçicinin hüquq və vəzifələri barədə maarifləndirməsi, habelə baş tutacaq seçkilərdə ilk dəfə seçici kimi iştirak edəcək gənclərin məlumatlılıq səviyyəsinin və seçici fəallığının artırılmasıdır. Qeyd edək ki, 28 dekabr tarixindən başlayan səyyar görüşlər ölkəmizin bir çox bölgəsini əhatə edəcək. Maarifləndirici-əyləncəli formatda təşkil olunan görüşlər ilk olaraq Şirvan, Sabirabad və Şamaxıda baş tutub. Gənclər üçün səyyar platformalar qurularaq rəqəmsal alətlər barədə məlumat sessiyaları, intellektual yarışlar, fərdi və peşəkar inkişafa, eləcə də səsvermə hüququndan istifadəyə dair təlimlər, müxtəlif oyunlar keçirilib və musiqili əyləncələr təşkil edilib.
Seminarlar səsvermə hüququna malik 3500-dən çox tələbəni əhatə edib
Azərbaycan Tələbə Gənclər Təşkilatları İttifaqının təşkilatçılığı və Mərkəzi Seçki Komissiyasının (MSK) dəstəyi ilə 2024-cü il fevralın 7-nə təyin edilmiş növbədənkənar Azərbaycan Respublikası Prezident seçkilərində ilk dəfə səs verəcək tələbələr üçün seçki hüququ ilə bağlı maarifləndirici seminarlar davam edir. Azərbaycan Memarlıq və İnşaat Universiteti, Azərbaycan Texniki Universiteti və 1 nömrəli Bakı Tibb Kollecində 8 yanvar tarixində baş tutan məlumat sessiyalarında səsvermə hüququna malik yüzlərlə tələbə iştirak edib. MSK nümayəndələrinin iştirakı ilə reallaşan görüşlərdə gənclərə səsvermə proseduru, eləcə də seçki gününədək və seçkilər zamanı bilməli olduqları zəruri hüquqi məsələlər çatdırılıb, tələbələri maraqlandıran suallar cavablandırılıb.
Maarifləndirici seminarların keçirilməsində əsas məqsəd seçki sistemi, seçicinin hüquq və vəzifələri barədə gənclərin maarifləndirilməsi, habelə baş tutacaq seçkilərdə ilk dəfə seçici kimi iştirak edəcək tələbələrin məlumatlılıq səviyyəsinin və seçici fəallığının artırılmasıdır.
Qeyd edək ki, seminarlar ötən ilin 27 dekabr tarixindən etibarən təşkil edilməyə başlanılıb və səsvermə hüququna malik 3500-dən çox tələbəni əhatə edib. Bu günədək ümumilikdə 20 təhsil müəssisəsində həyata keçirilən maarifləndirici seminarlar davamlı xarakter daşıyır və ölkə üzrə fəaliyyət göstərən ali və orta ixtisas təhsili müəssisələrində davam etdirilməsi nəzərdə tutulub.
Hədəflərimizə yalnız bizim namizədimiz olan cənab İlham Əliyevlə çata bilərik
Bakı Gənclər Mərkəzinin sədri Nərgiz Babayeva "Bakı-Xəbər" qəzetinə bildirdi ki, Prezident İlham Əliyevin 20 illik siyasi hakimiyyəti dövründə Azərbaycan misilsiz inkişaf yolu qət edib və bu dövrdə ölkə başçısının xalqa verdiyi vədləri, qarşısındakı hədəfləri bütünlüklə yerinə yetirib: "Ölkəmizin bütün sahələrdə sürətli inkişafa nail olunub, insanların rifah halı daha da yaxşılaşıb. Azərbaycanın siyasi, iqtisadi imkanları genişləndirilib, müasir Ordumuz yaradılıb, ölkəmizin beynəlxalq arenadakı mövqeləri möhkəmləndirilib. İlham Əliyevin çoxşaxəli fəaliyyəti nəticəsində sağlam, müasir, vətənpərvər gənclik modeli formalaşdırılıb. Heç təsadüfü deyil ki, cənab İlham Əliyevin prezidentlik dövründə yetişən gənclər 44 günlük Vətən müharibəsi dövründə böyük şücaət, qəhrəmanlıq göstərərək böyük Zəfərdə böyük pay sahibi oldu. İndi bütün gənclərimiz, xalqımız ətrafında sıx birləşdiyi, lideri vasitəsilə qələbə ruhunun, haqq mübarizəsinin nəticələrini dünyaya bəyan edir. Fəaliyyətinin 20-ci ildönümü ərəfəsində şanlı bayrağımızı Xankəndi, Xocalı, Xocavənd və digər ərazilərdə ucaldan Prezident, Ali Baş Komandan İlham Əliyev xalqımızı bir daha qürurlandırdı, gənclərə müdriklik , qətiyyət, liderlik keyfiyyətləri aşıladı. Biz qarşıdan gələn seçkilərin əsas favoriti olaraq cənab İlham Əliyevi görürük. Prezident kimi öz fəaliyyətinin 20 ilini tamamlandı. Bu da bir dövrdür və bunu da biz həm də bir hesabat kimi qəbul edə bilərik.
Bu 20 illik zaman kəsiyində Prezidenimiz çox böyük işlər görüb. Müxtəlif sahələrdə ciddi uğurlara imza atıb.
Bizim əsas milli ideyamız ərazilərimizi azad etmək idi. Yəni, bütün xalq bu ideya ətrafında, bu amal ətrafında birləşmişdi, biz bunu artıq əldə etmişik. Təbii ki, yeni dövrün yeni hədəfləri olmalıdır. Biz gənclər olaraq əminin ki, hədəflərimizə yalnız bizim namizədimiz olan cənab İlham Əliyevlə çata bilərik".
Məhəmmədəli QƏRİBLİYazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
