Ermənistan parlamenti, Sürix protokolu, Sarkisyanın "Sürix qəsdi" qorxusu...

Tarix: 18.02.2015 / 03:36
Bölmə: Siyasət

Bir neçə gün əvvəl Ermənistan prezidenti 6 il əvvəl Türkiyə ilə Sürixdə imzalanmış və Türkiyə - Ermənistan sərhədinin açılmasını nəzərdə tutan protokolu parlamentdən geri götürüb. Məlumdur ki, Sarkisyan vaxtilə bu protokolu rəy vermək üçün parlamentə göndərmişdi. Təbii ki, bu bir oyun idi və Sarkisyana lazım olan ana qədər parlamentdə yatıb qalmalı idi. Bəs niyə məhz indi Sarkisyan protokolu parlamentdən geri götürdü? Sarkisyanın protokol oyunu, təbii ki, səbəbsiz deyil.
Səbəblər çoxdu. Bunlardan hansının həlledici olduğunu demək bizim üçün mümkünsüzdür, ancaq o səbəblərdən biri, təbii ki, həlledicidir. Bu günlərdə qardaş Türkiyənin baş naziri Əhməd Davudoğlu maraqlı bir bəyanat verdi. Ölkəiçi görüşlərinin birində dedi ki, Ermənistan indiyə qədər Azərbaycanın heç olmasa bir rayonunu azad etmiş olsaydı, biz sərhədləri açmaq barədə düşünə bilərdik. O günlərdə bəziləri bu sözə görə Davudoğluya "qılınc çəkdi" ki, niyə hamısı yox, tək bir rayon?! Məsələni bu qədər qatılaşdırmağa əsas yox idi. Davudoğlu bu saat Ermənistanla sərhəd açmır, ortada hörmətli Ərdoğanın da, Dovudoğlunun da çox aydın dediyi çoxdankı bir mövqe var ki, qardaş Azərbaycanın torpaqları işğaldan azad edilməsə, Ermənistanla sərhəd açılmayacaq. Dovudoğlu təkrar olaraq Ermənistana bir daha xatırlatdı ki, şərtimiz dəyişməyib, Azərbaycan torpaqlarının azad olunması bizim üçün sərhədlərin açılmasında yenə də əsas şərtdir.
Fikrimcə, Sarkisyan Davudoğlunun bu bəyanatından nəticə çıxardı, anladı ki, Sürix protokollarının gücü ilə Türkiyə-Ermənistan sərhədlərinin açılmasına bəslənən ümidlərin son parıltısının da üstünü torpaqlamaq lazımdır. Hamı bilir ki, Ermənistan heç bir ilkin şərt olmadan Türkiyə ilə sərhədlərin açılması və diplomatik münasibətlərin yaradılmasında iddialıdır, 2009-cu ildə imzalanmış Sürix protokolunun mahiyyətini də məhz bu cür başa düşür. Belədə Davudoğlunun "heç olmasa bir rayon cümləsi" ilə Sarkisyanın son ümidlərini dəfn etdiyi ortadadır.
Lakin Sarkisyanın yeni "Sürix oyununu" tək xarici faktorlarla bağlamaq məsələyə bitkin münasibət olmazdı. Ermənistanın içində gedən proseslər Sarkisyanın ümidlərinin, dəqiq desək, hakimiyyət ümidlərinin "burnunu ovmaqda" heç də Davudoğlunun məşhur cümləsindən az təsirli deyil. Fikir verin, son aylarda rus zabitinin qətlə yetirdiyi erməni ailəsinə görə ayağa qalxan cəmiyyət Sarkisyana həm birbaşa təhlükədir, həm də Sarkisyanın illər boyu isti qucağında xumarlanaraq hakimiyyət bəxşişi aldığı Rusiya kimi arxa-dayaqla münasibətlərini soyudan dolayı təhlükədir. İş o yerə çatıb ki, Rusiyada da erməni xalqına qarşı antipatiya baş qaldırıb, işə alimlər və jurnalistlər qoşulub, Rusiyasız Ermənistanın dövlətçiliyi "sabun köpüyüdür" kimi təhqiramiz bəyanatlar ölkəni bürüyüb.
İlham Əliyevin siyasəti, Davudoğlunun bəyanatının da göstərdiyi kimi, Azərbaycan-Türkiyə müttəfiqliyini daha da möhkəmləndirdiyi halda, Sarkisyanın siyasəti Ermənistanı 200 illik öz müttəfiqini itirmək həddinə gətirib, Rusiya-Ermənistan müttəfiqliyinə çox ağır zərbə vurulub. Sarkisyanın Avrasiya İttifaqına qoşulmaq qərarı erməni cəmiyyətini parçalayıb, onsuz da böyük olan işsizlər ordusuna bağlanmış bir zavodun yüzlərlə işçisi əlavə olunub, pensiyaçılar, müharibə veteranları ayağa qalxıb, Sarkisyanın şəklini küçələrdə izdihamla ayaq altına salıb üzünə tüpürürlər. Həmin cəmiyyət artıq açıq şəkildə müqayisələr aparmağa başlayıb ki, Sarkisyan kimdir, İlham Əliyev kimdir? Cəmiyyətin istehsal etdiyi cavablar onun özünə də çox maraqlı gəlir. Ermənilər görür ki, Sarkisyanın xarici siyasətdə atdığı son illərin ən böyük addımı olan Avrasiya İttifaqına qoşulmaq ölkə əhalisini, hətta xaricdə qüdrətli lobbini belə parçalayıb. Kasıb insanlar ittifaq çərçivəsində daha da yoxsullaşaraq "it gününə" qalacaqlarının əsas müqəssiri kimi Sarkisyanı və onun komandasını görürlər. Görürlər ki, Azərbaycanda isə əksinə, ölkə iqtisadiyyatı inkişaf etməklə yanaşı, Prezidentin atdığı xarici siyasət addımları nəinki Azərbaycanın vətəndaşlarını öz çevrəsində daha da sıxlaşdırır, eyni zamanda bütün Avropa İlham Əliyevə doğru daha da isinişir. Tək Cənub Qaz Dəhlizi ilə bağlı İlham Əliyevin apardığı prosesi əsas götürərək ona və Sarkisyana öz xalqlarının münasibəti arasında nə qədər dərin fərq olduğunu görə bilərik. Sadə erməni çox fərqindədir ki, Sarkisyanın portretləri Ermənistan küçələrində ayaq tapdağı olduğu bir vaxtda Azərbaycanda tam əks proseslər gedir. Ermənilər görür ki, Qarabağ problemi kontekstində bir vaxtlar tək Azərbaycan Prezidentinin özünün dediyi "status-kvo dəyişməli, böyük sülh sazişi üzərində iş başlamalıdır" sözləri indi həm də aparıcı "dünya prezidentlərinin" qətiyyətli bəyanatlarına çevrilib. İlham Əliyev "tək enerji marşrutları yox, həm də enerji mənbələri şaxələnməlidir" deyərək, faktiki şəkildə Avropaya yeni enerji strategiyası tezisi verəndə erməni cəmiyyətinin öz prezidentlərinə qarşı nifrətlərinin qat-qat artdığına mənim qəti şübhəm qalmır. İlham Əliyevin Avropanın Artasında erməni rəsmilərinə sərt şəkildə "Ermənistan əsgərləri Ağdamda nə gəzir ki, orada öldürülsünlər" deməklə yoxsulluqdan, korrupsiyadan, sabaha ümidsizlikdən, özgəsinin torpaqları üstündə ölməkdən bezmiş erməni cəmiyyətinin anti-Sarkisyan kin-küdurətini alovlandırdığına da şübhə etmirəm. Siyasət bir yana qalsın, Ağdamda öz təxribatlarının qurbanı olmuş erməni pilotlarının meyiti əvəzinə daş-çınqılı tabutlara yığdırıb basdırması erməni cəmiyyətinin gözü önündə üstü açılmış bir mənəvi rüsvayçılıq faktı kimi Sarkisyanı heç vaxt rahat buraxmayacaq. Bütün bunlara son vaxtlar ortaya çıxmış Moskvanın, şəxsən Putinin Sarkisyan hakimiyyətindən bezdiyi barədə ciddi mülahizələri də əlavə etsək, Sarkisyanın şəxsi faciəli gününə ağlamaqdan adamı bircə şey saxlayır - axı o, erməni faşistidir və əlləri günahsız Xocalı qurbanlarının qanına bulanıb...
Son günlər İrəvanda Sarkisyanın ən böyük siyasi müttəfiqi və Ermənistanın ən varlı oliqarxı sayılan partiya rəhbərinin barışmaz müxalifətə keçməsi, üç əjdahanın - "Çiçəklənən Ermənistan", Milli Konqres və "İrs" partiyalarının birləşməsi, dünyanın ən çoxbilmiş ermənisi Ter-Petrosyanın yenidən siyasi səhnəyə atılması, bütün bunların "Putin artıq Sarkisyandan yorulub" mülahizələri ilə eyni vaxtda baş verməsi, nəhayət Ermənistan parlamentinin böyük bir qrup deputatının istefaya hazırlaşması barədə xəbərlər Sarkisyanı dərin bir uçurumun gözlədiyinə ciddi işarədir. Bax, parlament, deputat istefası məsələsi ilə yazının əvvəlində hədəflədiyimiz çox ciddi mətləblərdən birinin üstünə gəlirik. Sarkisyan Sürix protokolunu niyə geri istədi? Ən incə təxminlərdən birinə görə, Sarkisyan parlamentdə ona qarşı daxili müxalifətyönümlü, hətta Rusiya, Qərbyönümlü əks düşərgənin yarandığından artıq şübhələnib. İndi Sarkisyan əmin deyil ki, Sürix protokolu məsələsində parlament sona qədər ona lazım olan mövqeni yekdilliklə nümayiş etdirəcək, ya yox. İstisna deyil ki, artıq içinə "xal düşmüş" parlament Sürix protokolunu Sarkisyanın özünə qarşı "qəsd protokoluna" çevirə bilər. Məsələn, Sarkisyanın həmin protokolun imzalanmasına razılıq verməsini "milli xəyanət" kimi dəyərləndirə, bununla da onun barəsində bədnamedici impiçment davası aça bilər. Sarkisyan üçün ciddi təhlükə deyilmi? Deyəsən, parlamentlə Sarkisyanın vuruşu yetişir...

DİGƏR XƏBƏRLƏR

Tarix: 08.12.2025 / 21:45

Kreml ATƏT dövrü Qarabağ sənədlərinin açılmasından narahat olub...

Tarix: 08.12.2025 / 21:31

"Yeddi Yara" kilsəsi katolikosa qarşı mübarizənin mərkəzinə çevrildi - erməni keşişlərinin pornovideoları yayıldı...

Tarix: 08.12.2025 / 21:16

Rəsmi İrəvan Dohada da "dəhliz" sözündən qıcıqlandı - "niyə"sinə izah verilmir...

Tarix: 08.12.2025 / 21:02

Azərbaycan neft diplomatiyasında yeni yol açır - Hikmət Hacıyev anons verdi...

Tarix: 08.12.2025 / 20:49

Amerika alimi Ermənistanda türk yer adlarının kütləvi silindiyini ifşa etdi...

Tarix: 08.12.2025 / 20:35

Qərbi azərbaycanlıların qayıdışına BMT də cəlb olunur...

Tarix: 08.12.2025 / 20:21

“Trampın təhlükəsizlik qarantiyası əvəzinə Ukrayna torpaqları Rusiyaya verilir" - Zelenskini nəyə məcbur edirlər...

Tarix: 08.12.2025 / 19:54

Ramiz Mehdiyev-Əli Kərimli xəyanət birliyinin 1990-cı illərin əvvəlinə dayanan şok məqamları üzə çıxır...

Tarix: 08.12.2025 / 19:40

Hikmət Hacıyev Taker Karlsona çox düz tövsiyə verib - ədalətli olmağın üsulu elə budur...

Tarix: 08.12.2025 / 19:27

Azərbaycan və Slovakiya prezidentləri mətbuata bəyanatlarla çıxış ediblər

Tarix: 08.12.2025 / 19:25

"Bizdə kifayət qədər böyük enerji potensialı var" - Prezident

Tarix: 08.12.2025 / 19:21

Prezident İlham Əliyev: "Bağlantılar və nəqliyyat sahəsinə əlavə vəsait qoyaraq imkanlarımızı genişləndirəcəyik"

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.12.2025 / 15:09

Qərbi Azərbaycanlıların qayıdışı MİLLİ İDEYADAN beynəlxalq platformaya çevrilir...

Tarix: 05.12.2025 / 21:50

Qərbi azərbaycanlıların qayıdışı üçün səylər sürətləndirildi...

Tarix: 05.12.2025 / 20:56

Azərbaycan, Türkiyə, ABŞ və Pakistan birgə hərbi təlimdə - Ermənistan niyə vahimələnib...

77 min yeni iş yerinin 92 faizini özəl sektor açıb...