Zaman-zaman türklərin himayəsində yaşasalar da, ev-eşik sahibi olsalar da, heç zaman xəyanəti əldən buraxmayan ermənilər türk xalqına qarşı açıq düşmən münasibəti bəsləyiblər. XX əsrin əvvəllərindən başlayaraq Cənubi Qafqazda, eləcə də Mərkəzi Asiyada yaşayan türkdilli xalqlara qarşı soyqırım cinayətləri törədiblər.
Daşnakların antitürk siyasəti nəticəsində yüzlərlə qan qardaşımız həyatını itirib. Məlum olduğu kimi, erməni daşnakları Qazaxıstanda, Qırğızıstanda, Özbəkistanda və digər Mərkəzi Asiya Respublikalarında türklərə qarşı genosid siyasəti, repressiyalar törədiblər. Yerli türk əhaliyə divan tutan daşnaklar onları öz vətənlərində etnik təmizləməyə məruz qoyublar. Erməni daşnaklarının Mərkəzi Asiyada türklərinə qarşı ermənilərin böyük soyqırım cinayətləri törətdikləri son illərin elmi araşdırmaları zamanı üzə çıxarılıb. Ermənilərin Orta Asiya türklərinə qarşı da tükürpədici cinayətlər törətməsi faktı özü onu göstərir ki, onların hədəfi türk etnosu olub.
Bilirik ki, ermənilərin Özbəkistanda törətdikləri soyqırım barədə sənədlər toplanıb, kitablar yazılıb, film çəkilib. Ekspertlərin şərhlərinə görə, türklərə qarşı soyqırım törətmək ermənilərdə bir ənənədir.
“…Minlərlə Mərkəzi Asiya türkü erməni terrorunun, qətliamının qurbanı olub”
AMEA-nın Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev “Bakı-Xəbər”ə şərhində bildirdi ki, XX əsrdə ermənilərin türk xalqlarına qarşı törətdikləri soyqırım cinayətləri üzə çıxdıqca bu toplumun terrorçu xisləti bir daha özünü göstərir. Q.Hacıyevin sözlərinə görə, bir neçə il bundan əvvəl Mərkəzi Asiya ölkələrinin alimləri ortaya arxiv sənədləri çıxardılar ki, erməni daşnakları qazaxlara, özbəklərə, qırqızlara, türkmənlərə qarşı da soyqırım aktı törədib. “Bütün dünyanı qondarma “erməni soyqırımı” iddiası ilə aldadan ermənilər özləri XX əsrdə Mərkəzi Asiya xalqlarına qarşı genosid aktları həyata keçirib. Əsl soyqırın faciəsini ermənilər deyil türk xalqları yaşayıb. Daşnaklar Orta Asiyada elə tükürpədici cinayətlər törədiblər ki, onu sözlə ifadə etmək çətindir. Erməni daşnakları Buxarada, Daşkənddə, eləcə də digər Mərkəzi Asiya şəhərlərində türklərə qarşı tükürpədici genosid aktları həyata keçiriblər. Bu proses XX əsrin 20-ci illərində daha da genişlənib, minlərlə Mərkəzi Asiya türkü erməni terrorunun, qətliamının qurbanı olub”.
Q.Hacıyev vurğuladı ki, XIX əsrin sonlarına qədər nəinki Azərbaycan ərazisində, bütövlükdə Cənubi Qafqazda kütləvi şəkildə erməni yaşamayıb. Q.Hacıyevin sözlərinə görə, Türkmənçay, Gülüstan, Ədirnə müqavilələlərindən sonra İrandan və Türkiyədən kütləvi surətdə ermənilər bizim torpaqlarına köçürülüb gətirilib, yerləşdirilib. Q.Hacıyevin qeyd etdiyinə görə, ermənilər burada nə kütləvi yaşayıb, nə də onların dövlətləri olub, amma bura köçürüldükdən sonra bizim torpaqlara sahib olmaq istəyiblər, bu yöndə fəaliyyətə başlayıblar: “Onların da fəaliyyətinin güclənməsi “Daşnaksütyun”la başlayıb. Xarici ölkələrdə erməni terror təşkilatları, Hnçaq və başqa partiyalar vardı. Amma “Daşnaksütyun” ermənilərin yaratdığı ən qyırtıcı, ən terrorçu qurum olub və hətta o nizamnaməsinə terror törətməyi maddə kimi daxil edib. “Daşnaksütyun” 1890-cı ildə təəssüf ki, qonşu dövlət olan Gürcüstanda yaradılıb. Bu partiya Gürcüstanın özünə də, Azərbaycana da, başqa region ölkələrinə də, hətta Mərkəzi Asiya dövlətlərinə də böyük zərbələr vurdu. Yadımdan çıxmamış deyim ki, XX əsrin əvvəllərində yaşamış gürcü yazıçısı, tədqiqatçısı Qaribi yazır ki, “Daşnaksütyun” yaranana qədər Qafqazda dinclik var idi, Qafqazın dincliyi bu partiya yaranandan sonra pozuldu. Beləliklə, bütün erməniləri Qriqoryan dini “Daşnaksütyun” partiyası ətrafında birləşdirdi. Bu partiyanın amalı bizim torpaqlarda erməni dövləti yaratmaq, guya ermənilərin “haqq işini müdafiə etmək” idi. Halbuki, daha çox türk xalqlarına qarşı terror, genosid daşnakların platformasına daxil idi. “Daşnaksütyun” Azərbaycan xalqına qarşı silsilə terror aktları, soyqırımlar törədib. Azərbaycanlılara qarşı nə qədər qırğınlar, soyqırımlar törədildiyi məlum idi. Biz bilirik ki, 1905-1906-cı, 1918-1920-ci illərdə və sonrakı dövrlərdə xalqımıza qarşı törədilən genosidlərin başında daşnaklar dururub.
Erməni daşnaklarının törətdiyi cinayətlər, soyqırımlar təkcə Cənubi Qafqazla məhdudlaşmadı, bu cinayətkar, terrorçu şəbəkənin əli çox yerə çatırdı. Qriqoryan kilsəsinin “xeyir-duası” ilə daşnaklar soyqırımlar törədib bu torpaqları türksüzləşdirmək istəyirdilər. Cənubi Azərbaycanda, Anadoluda, Borçalıda və başqa bölgələrdə soyqırımlar törədən daşnaklar Mərkəzi Asiya ölkələrinə də əl atdılar. Bununla bağlı sənədlər indi ortaya çıxır. Sovet dövründə daşnakların özbəklərə, qazaxlara, qırğızlara və başqa türk xalqlarına qarşı soyqırım cinayətləri barədə danışılmırdı. Amma indi hamısı məlum olur. Mən Özbəkistan Turan Akademiyasının akademikiyəm, məni onlar seçib. Eyni zamanda Mərkəzi Asiya xalqlarının tarixi ilə bağlı məlumatım var. Bir məqamı xüsusi vurğulayım ki, Mərkəzi Asiya ölkələrində Rusiya işğalları ilə bərabər, daşnakların soyqırım cinayətləri də həyata keçirilib. Erməni daşnaklarının Mərkəzi Asiyada törətdiyi qanlı cinayətləri, o dəhşətli hadisələri üzə çıxarıb yazmaqla, yaymaqla ermənilərə çox ciddi zərbə vurmaq olar. Yadımdadır ki, özbək alimlərinin yazdıqları ilə bağlı ermənilər yalançı hay-küy qaldırdılar, Özbəkistan hökumətinə müraciət etdilər və sair. Lakin nə qədər çalışsalar da, bu sənədlərin yayılmasının qarşısını ala bilmədilər”-deyə Q.Hacıyev vurğuladı.
İradə SARIYEVA
