Fransa prezidenti Emmanuel Makron Brüsseldə keçirilən “Şərq Tərəfdaşlığı” sammiti çərçivəsində Ermənistanın baş naziri Nikol Paşinyanla videogörüşünü müşayiət edərkən, özünün “Twitter” səhifəsində Ermənistana dəstək göstərib:“Biz erməniləri heç vaxt tərk etməyəcəyik. Biz həmişə davamlı sülhün bərqərar olması üçün həll yolları axtaracağıq. Mən qarşıdan gələn bayramları sülh və humanitar sahədə nailiyyətlər dövrünə çevirməyə çağırıram”.
Fransa prezidenti həm bəyan edir ki, “biz erməniləri heç zaman tərk etməyəcəyik”, həm də tvitterdəki hesabında Azərbaycan Prezidenti İlham Əliyevlə görüşü ilə bağlı paylaşım edib və Azərbaycan dilində status yazıb:“Biz davamlı sülh üçün həll yolları tapmalıyıq. Dünən axşam Prezident Əliyevlə, sonra da Baş nazir Paşinyanla birgə irəlilədik”.
Makronun Azərbaycan dilində paylasımı hansı mənaya gələ bilər? Bu qədər ermənipərəstlikdən sonra Azərbaycan dilində tvit atmaqla Makron nə demək istəyir?
“Bu eyni zamada o mənanı da ifadə edir ki, Ermənistan həyata keçirdiyi yanlış siyasət nəticəsində bu gün təklənib və Ermənistan da, Fransa da bunu anlayır”
Makronun paylaşımlarını “Bakı-Xəbər”ə şərh edən millət vəkili Ceyhun Məmmədovun sözlərinə görə, ümumiyyətlə, yaxşı olar ki, ilk növbədə Fransa prezidenti Ermənisan rəhbərliyinə düzgün istiqamət versin. “Fransa ilk gündən Ermənistana öz dəstəyini ifadə edib. Bu gün də Fransa Emənistan üçün “böyük bacı” rolunu oynamağa davam edir. Azərbaycanın istədiyi odur ki, bölgəyə sülh, əminamanlıq, birgəyaşayış gəlsin. Buna da təkcə Azərbaycan yox, bütün bölgə və dünya ölkələri çalışmalıdır ki, münasibətlər normallaşsın, normal məcraya doğru gəlsin. Yəni Fransa prezidenti də anlamalıdır ki, bu kimi ifadələrlə, bu kimi yanaşma ilə Ermənistan yanlış yolda hərəkət etməyə davam edir. Bu eyni zamanda o mənanı da ifadə edir ki, Ermənistan həyata keçirdiyi yanlış siyasət nəticəsində bu gün təklənib və Ermənistan da, Fransa da bunu anlayır və Fransa “biz Ermənistanı tək qoymayacağıq” deyir. Bütün hallarda bu ilk hal deyil ki, Fransa prezidenti gah erməni, gah da Azərbaycan dilində statuslar yazır, tvit atır. Əslində, hesab edirəm ki, bu gün bütün ölkələrin hədəfi və məqsədi o olmalıdır ki, bölgəyə sülh və əminamanlıq gəlsin. Yəni dərindən məsələyə baxanda Ermənistan özü-özünü təkləyib, heç kəs Ermənistanı təkləməyib, Ermənistan həyata keçirdiyi yanlış siyasət nəticəsində bu gün təklənib, bunun da bilavasitə günahkarı yalnız Ermənistan özüdür. Yəni bunu başqa kiminləsə əlaqələndirmək lazım deyil. Bu səbəbdən Fransa da Ermənistana düzgün istiqamət verməlidir”.
Ermənistanın öz siyasətini dəyişməli olduğunu deyən millət vəkili hesab edir ki, bu ölkə 30 ildir etdiyi yanlışlıqlardan nəticə çıxararsa və düzgün addım atarsa bölgəyə sülh, əminamanlıq gələr, yox, Ermənistan eyni yanlışılıqları davam edəcəksə hər zaman tək qalacaq: “Ermənistanı bu ağır durumdan heç kim çıxara bilməyəcək. Burada, yenə də deyirəm, bilavasitə günahkar Ermənistan özüdür və Ermənistan öz siyasətini, məsələyə baxışını dəyişməlidir. Belə olan təqdirdə Ermənistan ağır durumdan çıxar, bölgəmizə sülh və əminamanlıq gələr. Bu gün əsas müzakirə mövzusu da bu olmalıdır. Yəni heç kim Ermənistana hücum edərək onu təkləməyib. Təcavüzkar Ermənistandır, torpaq işğal edən Ermənistandır. Ancaq Ermənistan siyasətini dəyişməlidir ki, tək qalmağa davam etməsin və xalqı bundan əziyyət çəkməsin”.
İradə SARIYEVA
