Müvəqqəti olaraq Rusiya sülhməramlılarının nəzarəti altında olan ərazilərimizdə yaşayan ermənilər separatçı fəaliyyətlərini davam etdirirlər. Saxta tarix düzəltməyi özlərinin əsas peşəsinə çevirən ermənilər Azərbaycana qarşı qondarma ittihamlar irəli sürməkdə davam edirlər.
Azərbaycanı şərləyərək Qarabağın “erməni irsini mənmsəməkdə” suçlayan ermənilər indi də hədyan dolu yeni kitab yazıb çap ediblər. Belə ki, dekabrın 14-də Xankəndinin “Mesrop Maştoç adına erməni universiteti”ndə “Azərbaycan – sivilizasiyanın düşmənidir” silsiləsinin nəşrinə həsr olunmuş mətbuat konfransı keçirilib. Bu haqda erməni mediası məlumat yayıb. “Elmi nəşr” olduğu iddia edilən, əslində isə cəfəngiyatdan və makulaturadan ibarət olan üzdəniraq cızma-qara qondarma “tarixi şəxsiyyət” Mesrop Maştoç “universiteti”nin “Qafqaz araşdırmaları mərkəzi”, “mədəni irsin qorunması üzrə ictimai şura” ictimai təşkilatı və “Qolos Armenii” müstəqil ictimai-siyasi qəzetinin birgə layihəsidir. Xəbərdə bildirilir ki, hələlik rus dilində nəşr olunmuş bu yalan və saxtakarlıq topası başqa dillərə də tərcümə edilərək yayılacaq. Bunların iddiasına baxın ki, yeni yalanları ilə dünyanı yenidən aldatmağa başlamağı hədəfləyirlər.
“Xankəndi universiteti”nin rus dilində hazırladığı bu “kitab” erməni həyasızlığının növbəti nümunəsidir”
AMEA-nın Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev “Bakı-Xəbər”ə bildirdi ki, əslində o kitabın adı “Ermənistan – sivilizasiyanın düşmənidir” olmalı idi, çünki müasir dövrdə bəşər sivilizasiyasına ermənilər və Ermənistan qədər zərər vuran, terror edən ikinci bir dövlət və toplum yoxdur. “Çox qəribədir ki, ermənilər heç zaman yalan danışmaqdan və qondarma kitablar yazmaqdan əl çəkmək istəmirlər. XIX əsrin sonlarından başlayaraq XX əsrin əvvəllərində, Sovet dövründə və hazırda müxtəlif qondarma təşkilatlar yaradıb özlərinə qondarma tarix quraşdıran ermənilər eyni zamanda Azərbaycan tarixini, tarixi proseslərini də qaralamağa, ləkələməyə çalışıblar. Anti-Azərbaycan mövqeyindən çıxış edən erməni tarixçiləri, həmişə olduğu kimi, yenə də ortaya şikəst, məzmunsuz, faktsız, cəfəngiyatlardan ibarət cızma-qara çıxarıblar. Uzun illərdir Azərbaycanın tarixi-mədəni irsini, arxeoloji və memarlıq abidələri saxtalaşdıraraq erməniləşdiriblər və qondarma kitablar çıxarıblar. İndi onların əlinə saxtalaşdırma üçün daha çox imkan keçib. Ermənistan müharibədə məğlub oldu və Qarabağdakı erməniləri ərazisində yaşadıqları Azərbaycan dövlətinə qarşı qaldıran separatçıların başı əzildi, sadə erməniləri separatçılar ağır duruma saldılar. İndi də, görünür, hər şeydən əlləri kəsilən Xankəndidə oturan separatçılar oradakı tarixçiləri məcbur ediblər ki, Azərbaycan dövlətinə qarşı qondarma ittihamlarla dolu cızmaqara hazırlasınlar. Bilirsiz ki, Mesrop Maştoçun özü də qondarmadır, onun adını daşıyan “universitet”in də fəaliyyəti qanuni deyil. Separatçılar bu “universitet”də işləyən “tarixçi alim”lərin əli ilə Azərbaycanı ləkələməyə cəhdlər edir. Separatçı “tarixçi”lər unutmasınlar ki, sivilizasiya düşməni Azərbaycan deyil, birbaşa Ermənistan və ermənilərdir. Qafqaz sivilzasiyasını, Qafqazın mədəni irsini elə erməni tarixçiləri saxtalaşdırmağa başlayıb. Azərbaycan dünyada qədim insan sivilzasiyasının mövzud olduğu bir ölkədir və Ermənistanın işğalına qədər burada mövcud olan bütün abidələri, tarixi-mədəni irsi biz qorumuşuq. Azərbaycan ərazisində mövcud olan bəşər sivilizasiyasının ən nadir abidələri Ermənistanın, ermənilərin vandalizminə məruz qalıb məhv olub. İndi ermənilər niyə hay-küy salmaq istəyirlər, anlamaq olmur. Saxtalaşdırmanın əsasını özləri qoyub, özləri də o yanlış tendensiyanı hərtərəfli davam etdirir. Onlar bu saxtakarlıq işinə Sovet dövründən başlamışdılar. Azərbaycan xalqı da daxil olmaqla, bütün yerli xalqların folklorundan tutmuş mətbəx mədəniyyətinə qədər hamısını ermənilər oğurlayıb, mənimsəyib. Qarabağakı Azərbaycan abidələrinə qarşı elə vəhşiliklər törədiblər ki, xaricdən gələn nümayəndələr, mütəxəssislər belə bu dəhşətli mənzərələri görüb şoka düşürlər. Ermənilər hansı haqla Azərbaycana qarşı belə qondarma ittiham irəli sürüb saxta, uydurma məlumatlar quraşdırıb kitab yazıblar? Bir də deyirəm ki, bəşər sivilizasiyasının düşməni Ermənistandır, inanmırlarsa, gəlib azad edilən ərazilərimizə baxsınlar”.
Q.Hacıyev deyir ki, Mesrop Maştoç özü saxta bir obrazdır, Mesrop Maştoç da, Moyisey Xorenli də erməni alimləri tərəfindən yaradılıb. Q.Hacıyevin sözlərinə görə, bunlara baxmayaraq, ermənilər yalandan və şər-böhtandan əl çəkmək istəmirlər. “Mesrop Maştoçun uydurma obraz olduğu gizlin deyil, onun adını daşıyan “universitet” də saxtadır və saxtakarların da öz adlarına uyğun işlər gördüyü təəccüblü deyil. Bu qondarma qurumun ortaya saxta bir cızmaqara çıxarmasına qeyri-adi bir hal kimi yanaşmırıq. Bu, erməni xislətinə xasdır. Çünki bu qondarma qurumların hamısının bir hədəfi olub - saxta tarix yaratmaq, Azərbaycana qarşı qondarma ittihamlar, şər-böhtan, hədyan yağdırmaq, bunu kitablaşdırıb dünyaya çatdırmaq. Xankəndi “universiteti”nin rus dilində hazırladığı bu “kitab” erməni həyasızlığının növbəti nümunəsidir. Onlar bu cızmaqara ilə özlərini ifşa edirlər, ermənilərin yalançı hay-küyləri daha dünyada keçmir. Bu gün Azərbaycan dövləti həqiqəti bütün dünyaya yayıb və ermənilərin bu cəhdləri daha baş tutmayacaq”.
Q.Hacıyev deyir ki, bütün dünya Azərbaycanın necə ölkə olduğunu yaxşı bilir və burada bəşər sivilizsiyasına verilən dəyərin, qiymətin parlaq nümunələri, təzahürləri minlərlədir. “Saxta Mesrop Maştoçun adını daşıyan “universitet”də xaricdən ianə toplamaq üçün yaradılan qondarma təşkilatlar və qondarma qruplar Azərbaycana qarşı belə bir cızmaqara çap etməklə öz əməllərini ifşa edirlər. Bu həm ikrah doğurur, həm də gülməli görsənir. Separatçılar lap min dənə cızmaqara çap etdirsinlər, heç nə edə bilməyəcəklər, çünki bütün dünya Azərbaycanın sivilizasiyanın düşməni olmadığını, dostu olduğunu onsuz da bilir. Azərbaycan Prezidentinin çıxışlarına, müsahibələrinə bütün dünya baxır, Azərbaycanın necə bir dövlət olduğunu bilir. Erməni separatçıları indən sonra neçə saxta kitab yazırlar-yazsınlar, Azərbaycanı heç zaman ləkələyə bilməzlər” - deyə Q.Hacıyev bildirdi.
İradə SARIYEVA
