Azərbaycan Respublikasının Qırğız Respublikasındakı Səfirliyi Qırğız-Türk Manas Universitetinin konfrans salonunda Ulu Öndər Heydər Əliyevin vəfatının 18-ci ildönümü ilə əlaqədar anım tədbiri keçirib.
Türk dilində keçən tədbirdə Qırğız-Türk Manas Universitetinin rektoru Alpaslan Ceylan, prorektoru Asilbek Kulmırzayev, Qırğız Respublikası Xarici İşlər Nazirliyinin nümayəndəsi, universitetin professor-müəllim heyəti, tələbələr və yerli media mənsubları iştirak edib.
Azərbaycanın Qırğızıstandakı səfiri Lətif Qəndilov mərasimi açaraq, tarixin öz-özünə yazılmadığını, tarixi böyük şəxsiyyətlərin yazdığını bildirərək Heydər Əliyevin adının böyük dünya şəxsiyyətləri Den Syaopin, Franklin Ruzvelt, Vinston Çörçill və Atatürk ilə bir arada çəkildiyini qeyd edib. Azərbaycan xalqının Ümummilli Lideri Ulu Öndər Heydər Əliyevin xalqımıza, müstəqil dövlət quruculuğuna, müstəqilliyin möhkəmlənməsinə, xidmət edən şərəfli ömür yolundan, həyat və fəaliyyətindən ətraflı danışıb.
Diplomat Heydər Əliyevin neft strateqiyasının formalaşdırılmasından, Bakı-Tbilisi-Ceyhan neft kəməri, Bakı‐Tbilisi‐Ərzurum qaz boru xətti, Bakı–Tbilisi–Qars dəmir yolu layihələrini gündəmə gətirərək iki qardaş ölkəni bir birinə bağlamasından, öləmizin hərbi potensialının möhkəmləndirilməsindən, hələ sovet dövründə Azərbaycan dilinin ölkəmizdə dövlət dilinə çevirməsindən, elm və təhsilin inkişafına xüsusi diqqət yetirirdiyini, kadr potensialının gücləndirilməsi üçün gənclərimizi keçmiş ittifaqın nüfuzlu ali təhsil müəssisələrinə oxumağa göndəridiyinindən geniş söhbət açıb.
Səfir L.Qəndilov əlavə etdi ki, müstəqilliyimizin bərpası məhz sovet hakimiyyəti illərində Heydər Əliyevin Azərbaycanın sosial, iqtisadi, mədəni və digər sahələrdə yüksəlişi üçün həyata keçirdiyi tədbirlər, milli şüurun oyanması istiqamətində gördüyü işlər nəticəsində mümkün olub. Ulu Öndərin torpaqlarımızın işğaldan azad olunması istiqamətində əsasını qoyduğu işin Onun layiqli davamçısı olan möhtərəm Prezidentimiz, Ali Baş Komandan möhtərəm İlham Əliyev tərəfindən uğurla başa çatdırılması zəngin dövlətçilik ənənələrinə malik Azərbaycanın ən böyük qələbəsidir və ərazi bötövlüyümüzün təmin edilməsi Heydər Əliyev strateqiyasının təntənəsidir. Ulu Öndərin Azərbaycan xalqı qarşısında ən böyük xidməti İlham Əliyev kimi böyük siyasi xadimini yetişdirməsidir. Heydər Əliyev ilk dəfə Azərbaycan bayrağını 1990-ci ildə Naxçıvanda qaldırdı sonra isə bütün dünyaya ucaltdı, İlham Əliyev isə onu bu zirvədə saxladı.
Universitetin rektoru Alpaslan Ceylan Ümummilli lider Heydər Əliyevin Türkiyə-Azərbaycan dostluğunun, qardaşlığının əbədi və daimi olduğunu təcəssüm etdirən "Biz bir millət, iki dövlətik" müdrik kəlamı bu gün də hər iki dövlətin hər bir vətəndaşının dillər əzbəri olduğunu söylədi. O, qeyd edib ki, ulu öndər Heydər Əliyevin ruhu şaddır ki, övladı İlham Əliyev Qarabağ torpaqlarını düşməndən azad etdi.
Universitetin professoru Yunus Emre Gürbüz çıxışında Heydər Əliyevin Türkiyədə yaxşı tanınmasından, Azərbaycan-Türkiyə əbədi dostluğunun təməlini qoyan şəxs kimi onun xatirəsinin həmişə uca tutulduğundan danışıb. Heydər Əliyev kimi dahi siyasətçinin fəaliyyətinin, müstəqil Azərbaycan uğrunda çoxillik gərgin mübarizəsinin, onun heyrətamiz şəxsi keyfiyyətlərinin və bir çox digər maraqlı məqamların dərindən öyrənilməsinin vacib olduğunu söyləyib.
