Sosial şəbəkələrdə Xocavənd rayonunda fəaliyyət göstərən “Avo” adlı futbol klubunun üzvlərinin Azərbaycan bayrağına qarşı təhqiramiz davranışı barədə video yayılıb. Belə ki, onlar oyuna çıxarkən qapının önünə Azərbaycan Bayrağını sərərək, onun üzərindən keçir, ayaqqablarını təmizləyir, hətta şərəfsizcəsinə tüpürürlər.
Hələ üstəlik, bu qeyri-insani, qeyri-əxlaqi davranışlarını çəkib internetdə də yayır, sosial şəbəkələrdə də paylaşırlar. Amma rus sülhməramlılari onlara bir söz demir. Xocavənd Azərbaycan ərazisidir və burada bizim bayrağımızin təhqir olunması yolverilməzdir.
Bütün bu hallar rus sülhməramlılarinin gözləri qarşısında baş verir, onlar niyə buna yol verirlər?
“Qaldı Rusiya süllhməramlılarının bu məsələyə etinasızlıq nümayiş etdirmələrinə, əslində bu məsələ də artıq onların diqqətinə rəsmi qaydada çatdırılmalıdır...”
Siyasi ekspert Rövşən Rəsulov “Bakı-Xəbər”ə şərhində bildirdi ki, rəsmi və sərt cavablar verilməzsə daha betər faktlarla qarşılaşcağıq: “Sosial şəbəkələrdə Xocavənd rayonunda fəaliyyət göstərən “Avo” adlı futbol klubunun üzvlərinin Azərbaycan bayrağına qarşı təhqiramiz davranışını əks etdirən videonun yayılmasına iki tərəfdən yanaşma etmək olar. Birincisi, bu, separatçı-quldur rejimin acizliyini, qorxaqlığını və nə qədər ucuz ünsürlər olduğunu sübut edir. Müharibə meydanında Azərbaycanın rəşadətli ordusunun qarşısından qaçaraq gizlənməyə siçan deşiyi axtaran düşmən indi Rusiya sülhməramlılarının arxasından bizə tərəf “daş” atmağa cəhdlər göstərir. Amma unudurlar ki, bu “xına o xınadan deyil”, Bakı gərəkli halda dərhal öz qəti və sərt addımlarını atmaq gücündədir – istər ermənilərin “təhlükəsizliyini” qoruyan Rusiya sülhməramlıları olsun, istərsə də digərləri. Bu gün Xankəndidə bir ayaqları Ermənistana tərəf qaçaraq olan, hər an, hər saniyə xüsusi xidmət orqanlarımızın nəzarətində olan separatçılar çox yaxşı bilirlər ki, antiterror əməliyyatları daim Bakının gücü və qərarı daxilindədir. Ancaq göründüyü kimi, RSK-nın oradakı mövcudluğuna da güvənirlər”.
R.Rəsulovun sözlərinə görə, ikincisi isə budur ki, nə qədər separatçılar Njdenin abidəsini orada saxlamağa davam edəcək, nə qədər terrorçu Avo Melkonyanın şəkillərini, yaxud əski parçalarını ərazilərimizdə asmağa davam edəcəklər, nə qədər bütün bunlara susqun qalınacaqsa, rəsmi və sərt, gərəkdirsə lap xüsusi əməliyyatlarla burunları ovulmayacaqsa daha da həyasızlaşacaqlar: “ Bəli, ola bilsin ki, hələlik hər hansı tədbirlər görülmür, amma unutmamalıyıq ki, 44 günlük müharibədən sonra Hadrutda və daha bir neçə istiqamətdə antiterror əməliyyatları keçirildi və bundan sonra da onlar ağıllanmadılar. Qaldı Rusiya süllhməramlılarının bu məsələyə etinasızlıq nümayiş etdirmələrinə, əslində bu məsələ də onların diqqətinə rəsmi qaydada çatdırılmalıdır ki, artıq bəsdir, yetər, ya öz işinizi üzərinizə düşən məsuliyyətinizlə görürsünüz, ya da görə bilmirsinizsə, bunu Azərbaycanın Silahlı Qüvvələri həyata keçirməlidir. Onlar yaddan çıxarmamalıdırlar ki, Azərbaycanın dəvəti ilə buradadırlar və rəsmi mandata sahib deyillər. Nəticədə isə əldə edilən üçtərəfli bəyanatın müddəaları əvvəl-axır icra olunmalıdır və şübhə etmirik ki, olunacaq. Sadəcə, vaxt uzanır, müddət keçir və belə davam etdikcə onlar quduzlaşırlar, azğınlaşırlar, təxribatlarını davam edirlər. Azərbaycan xalqının və dövlətinin isə səbri tükənməz deyil, bir gün bütün bunlar erməni separatçılarının və quldurlarının başında çox pis partlayacaq, bayrağımızı tapdalayan ayaqları yerdə qalan ərazilərimizdən kəsiləcək, bax, buna 100 faiz əminəm. Demək istədiyim budur ki, vaxt ötdükcə bu murdar oyunbazlıqlar davam edir və bütün bunların ənənəyə çevrilməməsi üçün zamanında qərar verilməlidir. Biz Azərbaycan xalqı olaraq hər zaman müzəffər Ali Baş Komandanımızın ətrafında birləşmişik və onun dəmir yumruğunun düşmən tör-töküntülərinin başına enəcəyinə şübhə etmirik”.
İradə SARIYEVA
