Erməni mətbuatı yazır ki, erməni xalqının dostu, 1915-ci ildə Osmanlı İmperiyasında “erməni soyqırımı”nın beynəlxalq aləmdə qınanması uğrunda mübarizə aparmış türk mütərəqqi ziyalısı Ali Ertem Almaniyada vəfat edib.
Ermənilər onun ölümünü böyük üzüntü ilə qarşılayıblar. Bunu onunla əsaslandırırlar ki, Ertem və “yoldaşları” türk cəmiyyətində “erməni soyqırımı” ilə bağlı maarifləndirmə işinin öncüllərindən olub. Ertem mütərəqqi fikirlərinə görə Türkiyədən qovulduqdan sonra dostları ilə birlikdə Almaniyada uzun illər prezidenti olduğu “Soyqırıma Qarşı Birliy”i (SKD) qurub. Ertem cəsarətlə “erməni soyqırımı”nı bəyan edən türk ziyalılarının görkəmli nümayəndələrindən biri idi: “Türkiyə nəinki “erməni soyqırımı” faktını inkar edir, həm də tarixi saxtalaşdırır”.
Ertəm hər il aprelin 24-də İrəvanda qondarma “erməni soyqırımı”na qoyulan abidəni xarici vətəndaşlarla birlikdə ziyarət edib.
Heç şübhəsiz, belə bir satqın türkün olması və qondarma “soyqırım”ın baş verdiyini qəbul etməsi, bunu əlində bayraq edərək Türkiyəyə qarşı təbliğat aparması təəssüf doğurur. Ən azından ona görə ki, belələri türklərin adına utanc gətirir. Çünki olmayan “soyqırım”dan, onun baş verməsindən necə danışmaq olar? Maraqlısı həm də odur ki, belə satqın türklər necə olur ortaya çıxa bilir?
“... damarlarında türk qanı axan belə şərəfsizliyə getməz”
Məsələyə münasibət bildirən AVCİYA-nın vitse-prezidenti, professor Məhərrəm Zülfüqarlı da bildirdi ki, Ali Ertəm kimi şərəfsizlərin türk olmasına adam şübhə ilə yanaşır: “Nə edəsən ki, belə satqınlar var və ermənilər onlardan təbliğat məqsədi üçün istifadə edirlər. Mən Türkiyədə dəfələrlə olmuşam. O cümlədən, Almaniyada türk diasporunun nümayəndələri ilə görüşmüşəm. Bir dəfə Almaniyada Xocalı soyqırımı ilə bağlı 3 şəhərdə tədbirdə iştirak edərkən türk diasporunun nümayəndələri məni şəhərin bələdiyyələri ilə tanış edirdi. Mən hər bələdiyyədə 3-4 türk bələdiyyə üzvünün şəklini görəndə sevinirdim. Ancaq soruşan kimi, diasporun nümayəndələri yavaşca qulağıma deyirdilər ki, çox sevinməyin, bunlar PKK-nın nümayəndələridir. Deməyim odur ki, Almaniyada əsasən PKK-ya simpatiya bəsləyənləri o cür dəyərləndirirlər. Ona görə də Ali Ertəmin türk olmasına şübhəm var. Çünki damarlarında türk qanı axan belə şərəfsizliyə getməz. Azərbaycanda da belə problemlər var. Baxırsan adı, soyadı, atasının adı bizimkidir, amma beyni, şüuru tamam başqadır. Bu baxımdan Türkiyədə adını, soyadını dəyişən çoxlu sayda erməni ola bilər. Ona görə də A.Ertəmin o satqın davranışı bir daha onun kimliyini ortaya qoyur. Hər bir insana milliyətindən, dinindən asılı olmayaraq fəaliyyətinə görə qiymət verməliyik. Sadəcə olaraq, belə insanlar danışanda və bunların türklüyünə şübhə yarananda biz deyənlər ortaya çıxır. Ona görə də həm Türkiyədə, həm də Azərbaycanda elə bir siyasət yeritmək lazımdır ki, belələrinə yer olmasın”.
Professor onu da qeyd etdi ki, ictimaiyyət belələrinin kim olduğunu bilməlidir.
Vidadi ORDAHALLI
