Ərazilərimiz işğaldan azad edildikdən sonra qarşılaşdığımız acı və dəhşətli mənzərə bütün dünyaya məlumdur. Ən acınacaqlı hallardan biri də qəbiristanlıqlarımızın yerlə yeksan edilməsi, məzarların eşilməsi və cəsəd qalıqlarının necə gəldi ətrafa səpələnməsi idi. Ermənilərin hansı səbəbdən azərbaycanlıların qəbirlərini dağıtdıqları, goreşən kimi eşdikləri sual olaraq qalırdı.
Düzdür, hələ illər əvvəl YouTube və başqa internet platformalarında yayılan videolarda keçmiş erməni döyüşçüləri deyirdilər ki, azərbaycanlıların məzarlarını qızıla görə eşirdik və skeletlərin ağzından qızıl dişləri sökürdük. Çoxları hətta buna qeyri-ciddi yanaşırdı. Amma bu gün deyilənlərin gerçək olduğu elə ermənilərin özləri tərəfindən təsdiq olunur. Belə ki, erməni publisist və bloger Nairi Axverdi öz sosial şəbəkə hesabında yazıb ki, ermənilər Qarabağdakı qəbirlərdə qızıl diş axtarırdılar. O yazır ki, Birinci Qarabağ döyüşlərində iştirak etmiş ermənilər yaşadıqlarından və etdiklərindən dürüst və açıq şəkildə danışırlar: “ 40 yaşlı veteran mənə danışdı ki, müharibə zamanı komandiri azərbaycanlıların məzarlarını qazıb, orda qızıl dişləri axtarmaq üçün onlara əmr vermişdi. Veteranın sözlərinə görə, komandirin və əsgər yoldaşlarının acgözlük və “məzar həvəsi” çox qorxuducu idi...”
Qeyd edək ki, 2020-ci ilin noyabrında “Bakı-Xəbər”də bu mövzuda yazı hazırlamışıq. Həmin yazıda qeyd edilirdi ki, Ermənitsanın dünya bazarına ixrac etdiyi qızılın mənbələrindən birini də azərbaycanlı qəbirlərindən götürülən qizil dişlər təşkil edir. Həmin yazıda ekspertlər deyirdi ki, bu, Ermənistanın dünya bazarına çıxardığı qızılın müəyyən faizini təşkil edir. Amma bütövlükdə, Ermənistan dünya bazarına Azərbaycanın torpaqlarından qanunsuz yolla çıxardığı qızılları istehsal edərək ixrac edib, bununla da böyük cinayət törədib.
“Ermənilər goreşəndirlər, bunlar normal millət, normal cəmiyyət, toplum deyillər”
Ermənilərin bu rüsvayçılıqları haqda əvvəlcədən məlumatlar dolaşdığını deyən “Müasir İnkişaf” Birliyinin sədri, siyasi şərhçi Mübariz Göyüşlü “Bakı-Xəbər”ə bildirdi ki, erməni əsgərlərinin və onlara rəhbərlik edənlərin rüsvayçı hərəkətlərinin erməni blogerlərin özləri tərəfindən ifşa edilməsi yaxşı haldır. “Bu olduqca diqqətçəkən bir məsələdir və ermənilərin nə qədər rəzil, nə qədər qəddar bir toplum olduğunu bir daha ortaya qoyur. Biz əvvəldən bu faktları bilirdik və ermənilərin nəyə görə məzarlıqlarımızın altını üstünə çevirdiyi haqda informasiyamız vardı. Amma erməni hərbiçilərinin və onlara rəhbərlik edənlərin bu rəzilliklərinin yenidən təsdiqlənməsi yaxşı oldu ki, onların çirkin əməllərindən xəbəri olmayanlar da bundan xəbər tutdular. Mən “erməni hərbiçilərinin çirkin əməllərindən xəbəri olmayanlar” dedikdə ermənilərin özlərini nəzərdə tuturam, çünki onlar illərdir ki, öz hərbi-siyasi rəhbərlərinin yalanlarına inanıblar. Onlara həmişə yalan danışılıb. Eyni zamanda beynəlxalq ictimaiyyət də görsün ki, erməni hərbiçiləri Azərbaycan qəbiristanlıqlarında goreşənlik edib ölülərin qızıl dişlərini söküb qarət ediblər. Evlərimizi, var-dövlətimizi yağmalayıb qarət etməkdən doymayan ermənilər ölülərimizin qızıl dişlərini də qarət ediblər. Mütərəqqi bəşəriyyət erməni hərbçilərinin goreşənlik fəaliyyətlərini, bu yöndəki cinayətlərini bilməlidir. Dünya nəhayət bilməlidir ki, ermənilər goreşəndirlər və bunlar normal millət, normal cəmiyyət, toplum deyillər. Ermənilərin fikri-zikri dağıtmaqla, yandırmaqla, öldürməklə, qarət etməklə, hətta qəbirləri soymaqla bağlıdır. Onlar hər zaman var-dövlət, qızıl-ziynət əşyaları toplamağa meyl edirlər. Bu faktların gündəmə gəlməsi çox yaxşı haldır ki, bizlər də bunu ictimailəşdiririk”.
M.Göyüşlünün sözlərinə görə, məqsəd də odur ki, dünya birliyi də, sadə ermənilər də erməni hərbçilərinin əməllərini bilsinlər. “Dünyadaki ermənipərəst qüvvələr bilməlidir ki, erməniləri müdafiə etməkdən əl çəkməlidirlər, çünki ermənilər müdafiəyə layiq toplum deyil. Qəbirləri goreşən kimi eşmək biabırçılıqdır. Vaxtilə biz eşidirdik ki, ermənilər Azərbaycan məzarlıqlarında qəbirləri eşirlər və orada cəsədlərin ağızından qızıl dişləri sökürlər, əridib ondan qızıl əşyaları düzəldirlər. Deyilənlərin doğru olduğu təsdiqləndi”-deyə M.Göyüşlü qeyd etdi.
İradə SARIYEVA
