Azərbaycan Respublikasının Prezidenti İlham Əliyevin yerli və xarici media nümayəndələri üçün keçirdiyi mətbuat konfransının gedişini mavi ekranlardan dəfələrlə izləmiş, əxz eləmək ücün qəzetlərdən də verilən cavabları bir dəfə yox, dəfələrlə oxumuşam. Videoformatda kecirilən konfransın ana xətti Azərbaycanın Qarabağ müharibəsindəki qələbəsi idi.
Ali Baş Komandan suallara cavablarında bir daha Azərbaycanın cahanşumul qələbəsini, müharibədən sonra baş verən proseslər barədə vəziyyəti həm yerli, həm də xarici auditoriyanın diqqətinə çatdırdı. Hər suala cavabından sonra ondakı böyük zəkaya, erudisiyaya, arqumentlərdən istifadə etmək bacarığına qibtə edir, belə bir siyasətçinin məmləkətimizə rəhbərlik etməsindən qürur duyurdum.
Mətbuat konfransında məni ən cox cəlb edən beynəlxalq media mənsublarının ölkəmizin başcısına olan maraqları, hörmət və ehtiramları idi. Bundan fərəh duymamaq mümkün deyildi. Ali Baş Komandan işgal altında inləyən torpaqlarımızın azad olunmasından hər dəfə söhbət açanda ürəyimi xoş bir həyəcan bürüyür, ordumuzun əldə etdiyi uğurlardan yana bir daha qürurlanırdım.
Oxuduğum kitablarda tez-tez bu fikrə rast gəlirəm. «Hər millət Ordusunu xəyallarının və ideallarının qoruyucusu kimi qəbul edir». Yəni millətin asayişi, rifahı və güvəni qılıncının gücünə dayanır. Məncə, dahiyanə fikirdir. Zəfər paradı keçirmiş çağdaş zamanımızın ölçü meyarıdır desəm, səhv etmərəm. Bu fikrə İlham Əliyevin informasiya sahəsində əldə etdiyi uğurları da əlavə etmək istərdim. Bu da bir qələbədir.
Böyük Britaniyadan olan jurnalist Tattersol mətbuat konfrasında dedi; Düşünürəm ki, mətbuat konfransının uzunluguna görə siz artıq dünya rekorduna imza atmısınız. Mən 25 ildir jurnalistika ilə məşgulam, amma hər hansı bir Prezidentin 4 dildə bu cür mətbuat konfransı apardığının şahidi olmamışam.
Bəli, dünya mediasını bu dəfə də öz intellekti ilə təəccübləndirməyi bacaran misilsiz liderimiz 4 saatdan çox davam edən mətbuat konfransında 35-dən çox media nümayəndəsinin 50-yə yaxın sualına cavab verməklə bir ilkə imza atdı.
Yadıma Vətən müharibəsi dövründə Prezident İlham Əliyevin oktyabr, noyabr aylarında 30-dan çox nüfuzlu media qurumuna müsahibə verməsi, canımız Azərbaycanın üstünə kölgə salmaq üçün beynəlxalq jurnalistlər tərəfindən verilən suallar düşdü. Bu bir faktdır ki, dünya erməniləri müharibə dövründə kütləvi informasiya vasitələrindən istifadə etməklə ölkəmizə total hücuma keçmişdilər. Nə qədər feyk xəbərlər və məlumatlar yayıldı. Cənab Prezidentimizlə görüşən beynəlxalq jurnalistlər öz sualları ilə Azərbaycanı sülh danışıqlarını pozmaqda, qadağan olunmuş silah və sursatların tətbiqində, muzdlulardan istifadə etməkdə suçlayırdılar. Və bu sualların cavabları, döyüş meydanı ilə yanaşı, informasiya sahəsində də mövcud təxribatların qarşısının alınmasını, çox yalanların ifşasını təmin etdi.
Bu gün isə mənzərə tamamilə başqa idi. Demək olar ki, əksər beynəlxalq jurnalistlərin sualları əslində təmsil etdikləri ölkə mətbuatının Prezidentimizə olan hörmətini, ehtiramını göstərirdi.
Yalnız İranın Mehr Agentliyinin sualı təxribat xarakteri daşıyırdı. Lakin Prezidentimiz burada da əsl ziyalı, peşəkar diplomat olduğunu göstərdi, bir zadəgan əsaləti nümayiş etdirdi. Dəlilləri ilə müxbirin tamamilə yalan məlumatlara malik olduğunu bildirən İlham Əliyev: – Siz bir xanım olaraq dost ölkədən gəlmisiniz, ona görə də mən mövzunun dərinliyinə getmək istəməzdim. Ancaq xahiş edirəm belə şayiələr yayarkən daha məsuliyyətli olun.
Rusiyanın «Zvezda» və «Bolşaya Asiya» mediaholdinqlərini təmsil edən jurnalistin fikirlərində isə Cənab İlham Əliyevə olan hörməti, etimadı görmək çox xoş idi.
-Siz bütün dünyanın gözü qarşısında nadir presedent yaratdınız. Cünki siz Qarabag münaqişəsi zamanı mütləq mənada sülhməramlı kimi cıxış etdiniz. Siz sülh haqqında danışdınız, halbuki, digər tərəf bir dəfə də olsun, bu cür bəyanat vermədi.
«Ukraina-24» telekanalının jurnalisti sualını səsləndirməmişdən əvvəl dedi: -Sizin təcrübəniz bizim üçün çox vacibdir.
Prezidentimiz haqqında xoş fikirlər söyləyən Türkiyənin CNN televiziya kanalının müxbiri bu ifadələrində necə də haqlı idi:- Xocalı soyqırımı törədilərkən, Qarabağ müharibəsində dinc insanlar öldürülərkən bir çox ölkələr susdular.
Ukraynanın «İnter» telekanalının müxbiri deyir: Mən hərbi jurnalist kimi bütün planetdə onlarca müxtəlif hərbi münaqişələri işıqladırmaq imkanına malik olmuşam. Demək istəyirəm ki, Azərbaycanın işğal olunmuş rayonlarının azad edilməsi üçün xüsusi əməliyyat, mənim fikrimcə, həm hərbi texnologiyaların tətbiqi baxımından, ən başlıcası, dinc əhali və hərbçilər arasında tələfatın minimuma endiriməsi, həm də yeni hərbi texnologiyanın tətbiqi baxımından nümunəvi əməliyyat idi. Azərbaycan bütün dünyaya göstərdi ki, səngər müharibəsi artıq keçmişdə qalıb və mən əminəm ki, bu, bir çox hərbi məktəblərin dərsliklərinə daxil ediləcək.
Bəli, ölkəmizin Prezidenti öz dürüstlüyü, haqq işi ugrunda mübarizəsi ilə zamanın xeyrimizə işləməsini təmin etmişdir.
Hamımızın sevimlisi Ali Baş Komandan İlham Əliyevin cahanşumul qələbəsi, onun qətiyyəti, arqumentlərə söykənən cavab və çıxışları sayəsində bütün dünya xalqımızın ədalət uğrunda, təkrar edirəm, yalnız ədalət uğrunda mübarizə apardığını təsdiq etməli oldu və onun dediyi: Biz hələ bundan sonra da güclənəcəyik, hərbi və iqtisadi potensialımız artacaq, beləliklə Azərbaycan revanşist mövqedən çıxış edən tərəflər bilməlidilər ki, ölkəmizin dəmir yumruğu hər zaman hazır vəziyyətdədir, onların başını bundan sonra da əzəcək. Sadəcə, izləyib nəticə çıxarmaq lazımdır.
Bu mətbuat konfransının Azərbaycan həqiqətlərinin təbliğində, ermənilərin əsl simalarının bir daha dünya ictimaiyyətinə çatdırılmasında böyük rol oynayır. Konfransın erməni qəddarlığının təzahürü olan Xocalı faciəsinin 29-cu ildönümünə təsadüf etməsi olduqca böyük əhəmiyyət kəsb edirdi. Bu səpgidə aparılan təbliğatların nəticəsidir ki, Xocalı soyqırımı 10-dan çox ölkədə rəsmi soyqırım kimi tanınmışdır.
Və nə gözəl ki, Prezident İlham Əliyevin yerli və xarici media nümayəndələri üçün keçirdiyi mətbuat konfransı xarici ölkələrin kütləvi informasiya vasitələri tərəfindən geniş işıqlandırılır. Xarici KİV-lər 4 saatdan çox davam etmiş mətbuat konfransında İlham Əliyevin jurnalistlərin suallarını ətraflı cavablandırdığını, çox vacib məsələlərə toxunduğunu, önəmli mesajlar verdiyini qeyd etmişlər.
Yaponiyanın nüfuzlu «JIJI PRESS» Agentliyi Prezidentimizin mətbuat konfransına istinadən Azərbaycanın işğaldan azad edilmiş ərazilərində aparılan böyük quruculuq işləri barədə yazıb. Yazının məğzi elə başlıqdan məlumdur: Böyük aeroportun inşası Azərbaycanın Dağlıq Qarabağ regionuna nəzarətini daha da gücləndirəcək.
Türkiyənin, Rusiyanın, Ruminiyanın, Çinin, Livanın, Qırğızıstanın, Gürcüstanın, İspaniyanın… və sair ölkələrin qəzetlərinin, xəbər portallarının, informasiya agentliklərinin və digər KİV-lərin verdiyi informasiyalarda xüsusilə dövlət başçımızın şəxsiyyəti, İkinci Qarabağ müharibəsindən sonra regionda yaranmış vəziyyət, hazırda Ermənistanda gedən proseslərlə bağlı fikirlərinə yer verilib.
Prezident İlham Əliyevin mətbuat konfransında Ermənistanla bağlı fikirləri, verdiyi mesajlar erməni mediasının, sosial şəbəkə istifadəçilərinin də nəzərindən qaçmayıb. Və ermənilərin sosial şəbəkələrdəki şərhləri, statusları göstərir ki, onlar ölkənin məhfə getməsi, Ali Baş Komandanımızın Ermənistan üzərində üstünlüyünün artması barədə fikirlərinə şərikdirlər. «VKontakte» sosial şəbəkəsində bir istifadəçi başqa bir istifadəçiyə yazıb: Sənin dünyadan xəbərin yoxdur? Mətbuatı izləmirsən? Yalançı vədlər, Qarabağ müharibəsinin yaratdığı problemlər, bizim taleyimiz Tanrının ümidinə qalıb.
Barsıq Alaverdyan adlı biri «İnstaqram» hesabında yazıb: İlham Əliyev Bakıdan, Qarabağdan Paşinyana, Sarkisyana, Köçəryana od püskürür, bizimkilər isə hakimiyyəti qorumaq və hakimiyyətə gəlməyin yollarını axtarırlar.
Əslində elə belə də olmalıdır. Hələ onların bir-birlərini qarşılıqlı ittiham etmələrinin çox şahidi olacağıq. Haradan gəldikləri, kimdən törədikləri müammalı olan ermənilər hər yerə özləri ilə bəla gətirirlər. Getdikləri yerdə onların halına acıyıb cörək, su verən əlləri həmişəki kimi qapmağa adət ediblər. Onlara qucaq açan insanlara az qala qul, kölə olan ermənilər, sonralar yaşamaq üçün verilən yerlərin iddiasında olublar. Ona görə də bu kəslərin özləri ilə vuruşması qaçılmazdır.
Konfransda möhtərəm Prezidentimizin qalib lider kimi Azərbaycanın gələcəyi haqqında səsləndirdiyi fikirlər də bir daha son 17 ildə Ulu Öndərin siyasi kursunun uğurla davam etdirildiyini nəzərdən keçirməyə geniş imkanlar açır və heç şübhəsiz hər bir xalq arzu edər ki, İlham Əliyev kimi lideri olsun. Bu isə bizlərin bəxtinə çıxıb, biz azərbaycanlıların şansıdır.
Həqiqətləri faktlar əsasında təmkinlə beynəlxalq auditoriyaya çatdırılması çox heyranedici olmaqla, Azərbaycanın informasiya mübarizəsində növbəti qələbəsidir. Xalqımız əmindir ki, müzəffər Ali Baş Komandan İlham Əliyev Böyük Qayıdışa da nail olacaq, möhtəşəm uğurları ilə dünyanın bir qismini sevindirəcək, heç şübhəsiz qələbəmizi gözü götürməyənləri məyus edəcəkdir. Məğrur, qürurlu xalqıma da ancaq Qələbə, Zəfər yaraşır.
Sonda üzümü sevimli Prezidentimizə tutub deyirəm: Sizin bu gün xalq tərəfindən verilmiş xeyli adlarınız var: Qurucu, Xilaskar, Böyük Azərbaycanlı, Siyasi lider, İşıqlı insan… Bu adları sizə hər birimiz, bütün Azərbaycan xalqı verib, möhtərəm Ali Baş Komandan. Özü də məhəbbətlə, sevgi ilə. Dediyini yerinə yetirən, sözünün sahibi olduğunuzu bildiyimizdən, Qarabağımızı tamamilə dirçəldərək, tezliklə cənnətə çevirəcəyinizə əminik.
Əminə YUSİFQIZI,
Respublikanın əməkdar jurnalisti
