Paşinyanın arvadı Anna Akopyanla bağlı yeni biabırçı məlumat yayılıb. Bununla bağlı Rusiyada yaşayan erməni media maqnatı Aram Qabrelyanov bir sıra məlumatlar yayıb.
Qabrelyanov radio efirdə Vladimir Solovyovun qonağı olarkən deyib ki, Annanın iki gündən bir Qarabağda peyda olmasının səbəbi başqa olub. Belə ki, hərbi əməliyyatlarla bağlı keçirilən müzakirələrdə Anna aktiv iştirak edirmiş. Həmçinin, bütün göstərişləri Anna verib. Qabrelyanov onu da deyib ki, həmin iclasların birində Paşinyanın arvadı ona etiraz edən general Movses Akopyanın üstünə bərk çığırıb. İclasda müxbir kimi iştirak edən Qabrelyanovun tulası bloger Semyon Peqov da bütün bunları lentə alıb. İclasdan sonra separatçı qurumun rəhbərinin mətbuat katibi Vaqram Poqosyan videoçəkilişin ona verilməsini tələb edib. Lakin Peqov Poqosyanı eşitməyib. Bildirib ki, onun ağası Poqosyan yox, Qabrelyanovdur. Bundan sonra Poqosyanla Peqovun münasibətləri kəskin şəkildə pisləşib.
Aram Qabrelyanov Poqosyanın Peqova olan düşmənçiliyinin səbəbini Solovyova tam deməsə də, özünün sosial səhifəsində bunu yazıb. Bildirib ki, mətbuat katibinin Peqovla düşmənçiliyinin əsas səbəbi Anna Akopyanla Poqosyan arasında olan “isti” münasibətlərdən blogerin xəbər tutması və bu xəbəri bəzi adamlara, o cümlədən, Qabrelyanova ötürməsidir. Qabrelyanov bildirib ki, bununla bağlı faktlar var. Həmin faktların da yayılmasından Poqosyan çox narahatdır.
Belə məlum olur ki, əslində, Anna Akopyanın tez-tez Qarabağa gəlməsinin və orada bir qrup qadınla müharibə şousu göstərməsinin arxasında başqa məqsədlər var imiş.
“Fikrimcə, bütün bunlar Paşinyanın siyasi karyerasını süquta aparır”
Sözügedən məsələ ilə bağlı fikirlərini “Bakı-Xəbər”lə bölüşən siyasi ekspert Ramil Hüseynovun sözlərinə görə, bu, Paşinyanın üzləşdiyi növbəti biabırçılıqdır: “Bundan əvvəl onun və ailəsinin adı qanunsuz siqaret, silah ticarətində hallanıb. Bu dəfə isə o, tamam başqa məsələ ilə gündəmə gəlib ki, bu, Paşinyanın karyerasına son qoya bilər. Nəzərə almaq lazımdır ki, Qabrelyanov Rusiyada yaşayan media maqnatıdır. O, Paşinyana qarşı olan şəxsdir. Döyüşlər başlayandan sonra isə Paşinyana qarşı nəinki tənqidlərin dozasını artırıb, hətta onu bir neçə dəfə təhqir edib. Qarabağda döyüşlərdən sonra Qabrelyanov Paşinyanı və onun komandasını sərt tənqid edib, onları erməni xalqının maraqlarına xəyanət etməkdə günahlandırıb. Onun sözlərinə görə, günahkar kabinetlərdə oturan və Sorosun əlindən qidalanan siyasi fahişələrdir. Bundan bir qədər əvvəl Qabrelyanov Paşinyanı saqqallı təlxək adlandırıb. Bütün hallarda, Annanın Poqosyanla eşq yaşaması barədə məlumatların yayılması çox ciddi məqamlardan xəbər verir. Fikrimcə, bütün bunlar Paşinyanın siyasi karyerasını süquta aparır”.
Siyasi ekspert onu da qeyd etdi ki, məhz Rusiyada yaşayan Qabrelyanovun belə fikirlərlə çıxış etməsi təsadüfi deyil.
Vidadi ORDAHALLI
