Türkiyənin mədəniyyət və incəsənət mərkəzi sayılan İstanbul 2026-cı ildə mühüm beynəlxalq tədbirə ev sahibliyi etməyə hazırlaşır.
Şəhərdə ilk dəfə keçiriləcək Qlobal Dizayn Forumu 13–16 may tarixlərində təşkil olunacaq.
Zəngin mədəni infrastruktura malik İstanbul 41 konqres mərkəzi, 225 incəsənət qalereyası və 27 universitetdə həyata keçirilən dizayn proqramları ilə regionun aparıcı yaradıcı mərkəzlərindən biri kimi tanınır. Bu imkanlar şəhərin hər il orta hesabla 20-dən çox beynəlxalq incəsənət və dizayn tədbirinə ev sahibliyi etməsinə şərait yaradır.
Yeni forumun keçirilməsi İstanbulun qlobal dizayn xəritəsində mövqeyini daha da gücləndirməsi baxımından mühüm addım kimi qiymətləndirilir. Tədbirin dünyanın müxtəlif ölkələrindən dizaynerləri bir araya gətirərək peşəkar əməkdaşlıq və fikir mübadiləsinə geniş platforma yaratması gözlənilir.
Qlobal Dizayn Forum İstanbulun beynəlxalq tədbirlər təqviminə əlavə olunması şəhərin mədəni və yaradıcı potensialını bir daha ön plana çıxarır.
Dizayn dünyasının aparıcı beynəlxalq fikir platformalarından biri olan Qlobal Dizayn Forumu 15 ildən artıqdır ki, London Dizayn Festivalı çərçivəsində Victoria və Albert Muzeyi tərəfindən təşkil olunur və qlobal dizayn düşüncəsinin formalaşmasında mühüm rol oynayır.
Forumun İstanbul mərhələsi isə Türkiyə Turizmin Təbliği və İnkişafı Agentliyi və digər beynəlxalq tərəfdaşların dəstəyi ilə həyata keçirilir. Məqsəd Türkiyənin yaradıcı sənaye potensialını beynəlxalq miqyasda ön plana çıxarmaq, İstanbulun isə dizayn sahəsində dinamik mərkəz kimi mövqeyini gücləndirməkdir.
Tədbirin kuratorluq yanaşması Melek Zeynep Bulut tərəfindən hazırlanıb və “məkan yönümlü yanaşma” prinsipinə əsaslanır. Bu konsepsiya çərçivəsində Qlobal Dizayn Forumu İstanbul sadəcə tədbir proqramı deyil, şəhərin özü ilə birləşən “şəhər performansı” kimi təqdim olunur.
Forum dörd gün ərzində şəhərin müxtəlif məkanlarında formalaşacaq dörd fərqli təcrübə mərhələsindən ibarət olacaq. Bu yanaşma İstanbulun mədəni və yaradıcı potensialını iştirakçılara daha dərin və çoxölçülü şəkildə təqdim etməyi hədəfləyir.
Qlobal Dizayn Forumunun proqramının ilk mərhələsi olan “Məkanın formalaşdırılması” çərçivəsində Topqapı Saray Kompleksi və tarixi yarımadanın müxtəlif özünəməxsus nöqtələrində Universitetlər ilə yerli və beynəlxalq dizayn studiyalarının əməkdaşlığı ilə hazırlanacaq bu sənət qurğuları şəhəri açıq hava dizayn tədqiqat laboratoriyasına çevirəcək. Proqramın “Yenidən düşünmək” mövzusu çərçivəsində isə İstanbulun bağçılıq və şəhər yaşıllıq mədəniyyətini yenidən təsəvvür etməyə yönəlmiş beynəlxalq dizayn müsabiqəsi keçiriləcək.
Digər tərəfdən, “İstanbullular” proqramı hekayə anlatımı yanaşması ilə həyata keçirilərək şəhərin yaradıcı insanları arasında vizual, səsli və mətn əsaslı interaktiv bir şəbəkə formalaşdıracaq. Bu platforma İstanbulun mədəni yaddaşını və yaradıcı ifadə imkanlarını daha geniş auditoriyaya çatdırmağı hədəfləyir.
Forumun mərkəzində isə “Dünyaların təması” mövzusu dayanır. Qlobal səviyyədə qarşılıqlı əlaqəli böhranların artdığı bir dövrdə dizaynın rolu və mənası müzakirə ediləcək.
Proqram çərçivəsində iki gün ərzində keçiriləcək sessiyalar, təqdimatlar və müzakirələrdə beynəlxalq və yerli dizaynerlər, sənətçilər bir araya gələrək dizaynın gələcəyinə dair fikir mübadiləsi aparacaqlar. İstanbul: incəsənət, mədəniyyət və dizaynın özünəməxsus şəhəri
İstanbul tarix boyu müxtəlif sivilizasiyalara ev sahibliyi etmiş, bu zəngin keçmişin formalaşdırdığı enerjisi ilə sənətçilərə və dizaynerlərə ilham verən unikal bir şəhər kimi seçilir. Burada tarix, sənətkarlıq və müasir dizayn eyni məkanda birləşərək güclü bir yaradıcı mühit yaradır.
Möhtəşəm tarixi memarlığı ilə tanınan İstanbul eyni zamanda yeni nəsil istedadlı dizayner və rəssamların yetişdiyi, eləcə də güclü mədəni institutlara ev sahibliyi edən bir mərkəzdir. Şəhərin dinamik yaradıcı səhnəsi isə beynəlxalq səviyyəli tədbirlərlə daha da zənginləşir.
İstanbul Beynəlxalq Biennalesi, Contemporary İstanbul, İstanbul Musiqi Festivalı, CI Bloom və İstanbul Film Festivalı kimi böyük miqyaslı tədbirlər, həmçinin müstəqil incəsənət təşəbbüsləri şəhərin mədəni həyatını davamlı olaraq hərəkətdə saxlayır.
Şəhərin yaradıcı mənzərəsi isə tələsmədən kəşf edilməyi tələb edir. İstanbulun ritmini formalaşdıran memarlıq abidələrindən tutmuş, ənənə ilə müasirliyin qovuşduğu canlı məhəllələrə qədər geniş bir kəşf spektri təqdim olunur.
Canlı metropolun bu il də çoxsaylı planlaşdırılmış tədbirlərlə zənginləşən incəsənət səhnəsi ziyarətçilərə unudulmaz mədəni təcrübələr vəd edir.
SAMİRƏ
