Qədim Ordubad şəhəri ICESCO-nun İslam Dünyası İrsinin İlkin Siyahısına daxil edilib

Tarix: 13.02.2026 / 10:51
Bölmə: Mədəniyyət

9–13 fevral 2026-cı il tarixlərində Özbəkistan Respublikasının Daşkənd şəhərində İslam Dünyası Təhsil, Elm və Mədəniyyət Təşkilatının (ICESCO) İslam Dünyası İrs Komitəsinin 13-cü sessiyası keçirilir. Sessiya çərçivəsində fevralın 11-də "Ordubad Tarix-Memarlıq Qoruğu"nun ICESCO-nun İslam Dünyası İrsinin İlkin Siyahısına daxil edilməsi barədə qərar qəbul olunub. Bu barədə baki-xeber.com-a məlumat Mədəniyyət Nazirliyindən verilib. Qeyd edək ki, 1977-ci ildən tarix-memarlıq qoruğu elan edilmiş Ordubad şəhəri 24 oktyabr 2001-ci ildə UNESCO-nun Ümumdünya İrsinin İlkin siyahısına daxil edilmişdir. Ordubad şəhərinin ərazisində yerləşən abidələrin daha yaxşı qorunması, təbliği və idarə olunmasının təkmilləşdirilməsi məqsədilə Azərbaycan Respublikasının Prezidenti cənab İlham Əliyev tərəfindən 21 fevral 2024-cü ildə "Ordubad" Dövlət Tarix-Mədəniyyət Qoruğu yaradılmışdır. Ümummilli Lider Heydər Əliyevin Azərbaycanın incisi adlandırdığı Ordubadın adına ilk dəfə V əsrin yazılı mənbələrində rast gəlinir. Ordubad şəhəri qədim tarixə malikdir. XVII əsrin əvvəllərində Ordubadda Cümə məscidi, mədrəsə, buzxana, qeysəriyyə, hamam və karvansaralar tikilmiş, Anbaras, Kürdatal, Üçtürləngi, Mingis və Sərşəhər məhəllələri, Ərasət meydanı ansamblı, üç meydan ətrafında örtülü bazar kompleksi salınmışdır. Ordubadın əsas su təchizatı olan kəhriz sistemi də bu dövrdə yaradılmışdır. Şəhərin küçə şəbəkəsi Cümə məscidinin yerləşdiyi mərkəzi meydandan şüa şəklində şaxələnərək müxtəlif məhəllələrin əsasını təşkil edir. XVII–XVIII əsrlərdə inşa edilmiş Cümə, Anbaras, Sərşəhər, Dilbər və Təkeşiyi məscidləri öz tarixi və mədəni əhəmiyyətini bu gün də saxlayır. Qədim Azərbaycan şəhərlərindən olan Ordubadın ICESCO-nun İlkin Siyahısına daxil edilməsi həmçinin 2026-cı ildə ölkəmizdə elan edilmiş "Şəhərsalma və Memarlıq İli"nə də mühüm töhfədir. Növbəti mərhələdə Mədəniyyət Nazirliyi tərəfindən nominasiyanın ICESCO-nun Əsas Siyahısına daxil edilməsi istiqamətində işlər aparılacaqdır.

DİGƏR XƏBƏRLƏR

Tarix: 07.03.2026 / 10:43

Nadir Qafarzadədən iddia: "Ailələr var ki, 8 Marta görə boşanır"

Tarix: 06.03.2026 / 14:03

“Quyruqsuz dovşan” səhnəyə çıxır

Tarix: 05.03.2026 / 11:08

“New York Post” Heydər Əliyev Mərkəzinin beynəlxalq incəsənət mərkəzinə çevrilməsindən yazdı - FOTO

Tarix: 04.03.2026 / 16:16

Rəhim Hüseynzadə: “Çox gizli yollarla gedib dədə-baba kəndim Nünəkəranı gördüm” - MÜSAHİBƏ

Tarix: 03.03.2026 / 20:13

“Namiq Dəlidağlı – Sözdə görünən adam” kitabının təqdimatı oldu

Tarix: 03.03.2026 / 15:49

Türkiyənin Qara dəniz bölgəsinin qış sehri...

Tarix: 27.02.2026 / 14:39

Şəhid 8 polisdən biri, qaçqın düşəndə 11 aylıq idi - Mahmudov Seymur...

Tarix: 27.02.2026 / 11:29

Cahangir Cahangirov adına 90 yaşlı Dövlət Xoru

Tarix: 26.02.2026 / 22:19

Xocalı və ətraf ərazilərdə qaranlıq irsin arxeologiyası və elmi məsuliyyət

Tarix: 26.02.2026 / 18:36

“Övladlarımızın xatirəsini bu gün özümüz yaşadırıq, sabah "Xatirə kitabı" yaşadacaq - kövrək anlar yaşandı...

Tarix: 25.02.2026 / 16:20

“44 gün – Tarixi zəfər” adlı çoxcildliyin IV cildinin təqdimatı keçirləcək

Tarix: 24.02.2026 / 16:44

"Atam ögey anamın adını mənə qoyub"

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 06.03.2026 / 13:50

Azərbaycan İrandakı diplomatlarını geri çəkir - göstəriş verildi

Tarix: 05.03.2026 / 12:43

İran Naxçıvan aeroportunu vurdu... Yaralılar var, İran səfiri XİN-ə çağırıldı... - FOTO/VİDEO/YENİLƏNDİ

Tarix: 02.03.2026 / 16:20

Özəl məktəblərdə “kəllə-çarx təhsil qiymətləri” araşdırılır...

Demoqrafiya təhdidi Azərbaycanda da böyüyür...