"Əsas hədəf effektiv işləməyən və ya zəif fəaliyyət göstərən idarəetmə mexanizmlərinin müasir tələblərə uyğun şəkildə yenilənməsidir" - Mədəniyyət Nazirliyi

Tarix: 27.01.2026 / 17:51
Bölmə: Mədəniyyət

Mədəniyyət Nazirliyi dövlət teatrlarında idarəetmə islahatları ilə bağlı açıqlama yayıb və nazirlik mətbuatın vaxtaşırı olaraq bu quruma ünvanladığı suallara aydınlıq gətirib. Azərbaycanda dövlət teatrlarında hansı dəyişikliklərin başladığına dair suala cavab olaraq bildirilib ki, Azərbaycanda dövlət teatrlarının idarəetmə sistemində əsaslı islahatlara başlanılıb: "Bu islahatlar çərçivəsində teatrların əsasnamələri, idarəetmə strukturları və ştat cədvəlləri yenilənib və müasir idarəetmə prinsiplərinə uyğunlaşdırılıb. İslahatların əsas məqsədi dövlət teatrlarında idarəetmə mexanizmlərini daha səmərəli, çevik və şəffaf etmək, qərar qəbuletmə prosesini təkmilləşdirmək və yaradıcılıq potensialının daha effektiv şəkildə reallaşdırılmasına şərait yaratmaqdır". Hansı vəzifələrin ləğv edildiyinə və bunun hansı səbəbdən baş verdiyinə gəlincə, qurumdan bildirib ki, yeni yanaşmaya uyğun olaraq mövcud idarəetmə strukturunda yer alan baş rejissor, baş rəssam, bədii rəhbər və digər oxşar vəzifələr yeni struktura daxil edilməyib: "Bu qərar vəzifələrin formal mövcudluğundan deyil, funksional effektivliyindən çıxış edərək qəbul olunub. Daxil edilməyən vəzifələrin funksiyaları daha çevik və nəticəyönümlü idarəetmə modeli çərçivəsində yenidən bölüşdürülüb". Bu vəzifələrin funksiyalarının necə icra olunacacağı məsələsinə də aydınlıq gətirilib. "Həmin funksiyalar kollegial idarəetmə prinsipləri əsasında və yeni yaradılmış struktur bölmələri vasitəsilə həyata keçiriləcək. Məqsəd qərarların bir nəfər üzərində cəmlənməsi deyil, kollektiv məsuliyyət və aydın funksional bölgü mexanizminin formalaşdırılmasıdır. Yenilənmiş strukturda teatrların fəaliyyətinin daha sistemli təşkili üçün strategiya və kommunikasiya şöbəsi, yaradıcı şöbə, artist heyətinin idarəedilməsi və digər funksional bölmələr yaradılıb. Bu bölmələr teatrın həm yaradıcılıq, həm də təşkilati fəaliyyətinin daha effektiv idarə olunmasına xidmət edir". "Hazırda bədii rəhbər vəzifəsində çalışan şəxslərin taleyi necə olacaq?" sualına cavab olaraq nazirlikdən bildirilib ki, hazırda teatrların bədii rəhbər vəzifələrində çalışan şəxslər yeni struktur çərçivəsində fəaliyyətlərini davam etdirə bilərlər. "Onlar teatr direktorlarının təqdimatı və təsdiqi ilə quruluşçu rejissor, yaradıcı şöbə müdiri və ya digər müvafiq vəzifələrə təyin oluna bilərlər". Nazirlik qeyd edir ki, bu islahatlar ixtisar və ya kütləvi ştat azaldılması demək deyil:"...Qeyd edilməlidir ki, islahatların məqsədi hər hansı ştatın mexaniki şəkildə ləğvi deyil. Əsas hədəf effektiv işləməyən və ya zəif fəaliyyət göstərən idarəetmə mexanizmlərinin müasir tələblərə uyğun şəkildə yenilənməsidir". Yeni idarəetmə modeli teatrların yaradıcılığına necə təsir edəcəyinə gəlincə, qurumun açıqlamasında vurğulanıb ki, yeni model teatrların yaradıcılıq potensialını artırmaq, yaradıcılıq azadlığını daha sağlam institusional çərçivədə təmin etmək və idarəetmədə məsuliyyət bölgüsünü aydınlaşdırmaq məqsədi daşıyır. "Bu yanaşma teatrların həm yaradıcılıq, həm də idarəetmə baxımından daha dayanıqlı inkişafına zəmin yaradır" - deyə Mədəniyyət Nazirliyindən bildirilib.

İradə SARIYEVA

DİGƏR XƏBƏRLƏR

Tarix: 26.09.2026 / 08:51

Qafqaz Albaniyası memarlığında heraldika və simvoloji nişanlar sistemi

Tarix: 25.09.2026 / 20:03

XALÇA VƏ SANDIQ: YADDAŞIN İKİ MƏDƏNİ FORMASI

Tarix: 25.09.2026 / 17:05

Tarix və Etnologiya İnstitutunun əməkdaşları Qəbəldə ekspedisiyada olublar...

Tarix: 24.09.2026 / 15:59

“Bakıya uçuş. İncəsənət həftəsonu. Gələcəyi İNDİ duy”

Tarix: 23.09.2026 / 14:08

Qafqaz Albaniyası və Efiopiya yazı sistemləri kontekstində erməni əlifbasının mənşəyi...

Tarix: 23.09.2026 / 13:11

Bodrumda yerli həyatın izində: Egey sahilinin fərqli üzünü kəşf edin - FOTOLAR

Tarix: 22.09.2026 / 16:57

Eldəniz Quliyev: “Yaranan situasiya ilə əlaqədar yeganə çarəmiz ölkə başçısına müraciət etmək idi” - MÜSAHİBƏ

Tarix: 22.09.2026 / 15:37

Kənan Musayev: “Tələbimiz odur ki, alternativ namizdələrin iştirakı ilə seçki yenidən keçirilsin”

Tarix: 22.09.2026 / 15:12

Maarif Məhərrəmbəyli: “Seçkinin nəticələri ləğv olunmalıdır”

Tarix: 22.09.2026 / 13:15

Qafqaz Albaniyasının möhür və damğaları

Tarix: 22.09.2026 / 12:22

Yasamal rayonunda 21 Sentybar-Beynəlxalq Sülh Gününə həsr olunmuş “Ağ göyərçinin izi ilə” adlı rəsm sərgisi keçirilib

Tarix: 21.09.2026 / 17:20

Qafqaz Albaniyasının yazılı irsi: Alban əlifbasının genezisi, məhv edilməsi və tarixi saxtalaşdırma cəhdləri

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 24.09.2026 / 18:37

1500 il alban patriarxlığının iqamətgahı olmuş yerləri ermənilər necə mənimsəyə bilər?!...

Tarix: 24.09.2026 / 16:09

Azərbaycan mədən sənayesini yenidən qurur - qızıl, mis, dəmir...

Tarix: 24.09.2026 / 15:15

İrəvana gedən azərbaycanlı ekspertlər düşmən hesab edildi.... Fakt...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır