Tanınmış ictimai xadim Nazirliyin İctimai şurasının buraxılmasını tələb etdi...

Tarix: 21.11.2025 / 18:56
Bölmə: Mədəniyyət

"Mədəniyyətdə narazılıq uzun illərdi mövcuddur"

Kulturoloqdan da mədəniyyət nazirinə sərt sözlər – görməzdən gəlirlər…

Sosial şəbəkədə “Ali və Nino” kitab mağazalar şəbəkəsinin rəhbəri Nigar Köçərlinin Mədəniyyət Nazirliyini sərt tənqid edən paylaşımı gündəm yaradıb. O, müğənni Nura Surinin nazirlikdəki proseslərə etirazını dəstəkləyərək bildirib ki, mədəniyyət sahəsində baş verənlər, xüsusilə də kitab sektorunda durum daha acınacaqlıdır.

Köçərli deyir ki, nazirlik real iş görmək əvəzinə, intriqalarla məşğul olur və yaradıcı insanlara maneələr yaradır:

“Kitab bazarında həmkarlıq yaratmaq əvəzinə, elə intriqalarla məşğuldurlar ki, naşirlər bir-birinə nifrət edir. Xarici sərgilərdə stendlərimiz sönükdür, ən baha otellərdə özlərini və heç bir dəxli olmayan şəxsləri aparırlar.”

Onun sözlərinə görə, beynəlxalq kitab sərgilərinə dövlət hesabına təşkil olunan səfərlər “biabırçı şəkildə” həyata keçirilir. Siyahılara ya nazirlik əməkdaşları, ya da “özünü yaxşı aparan” naşirlər salınır. Köçərli əlavə edib ki, Azərbaycanda dünya bazarında təqdim ediləcək səviyyədə kitab olmadığı üçün ölkənin stendləri maraq doğurmur”.

Nigar Köçərlinin fikirlərinə münasibət bildirən Yeni Yazarlar və Sənətçilər İctimai Birliyinin sədri, www.kitabxana.net portalının yaradıcısı, yazıçı-kulturoloq Aydın Xan Əbilov NOCOMMENT.az-a açıqlamasında qeyd edib ki, Azərbaycanda mədəniyyət sahəsində narazılıq uzun illərdir mövcuddur və bu, təsadüfi deyil.

Onun sözlərinə görə, nazirlik yaradıcılıq adamlarına qayğı göstərmir, əksinə, eyni “seçilmiş” şəxsləri daim ön plana çıxarır:

“Mədəniyyət Nazirliyinin xətti ilə keçirilən tədbirlərdə həmişə eyni adamlar iştirak edir. İctimai Şura sıfır fəaliyyət göstərir, yalnız özlərinə qrant ayırmaqla məşğuldur.”

Əbilov bildirib ki, mədəniyyət sahəsinin inkişafı üçün ayrılan resurslar yanlış istiqamətlərə yönləndirilir və nəticədə gənc yaradıcı nəsil tamamilə diqqətdən kənarda qalır:

“Mədəniyyət Nazirliyi gənclərə, orta nəslə heç bir dəstək göstərmir. Eyni adamların kitabları, eyni məmur yazıçıların əsərləri nəşr olunur. Bu, sahəni dərin böhrana salıb.”

Yazıçı əlavə edir ki, mədəniyyət xadimlərinin ölkənin inkişafına verdiyi töhfələr lazımi şəkildə qiymətləndirilməyib:

“Yalçın Rzazadə, Baloğlan Əşrəfov kimi sənətkarlar milyonlar qazandırıb. Öləndə isə onları kənarda unudulmuş qəbiristanlıqlara aparırlar, nazirlik isə bunu görməzlikdən gəlir.”

Aydın Xan Əbilov Mədəniyyət Nazirliyində çalışan şəxslər üçün akkreditasiyanın, imtahan sisteminin tətbiq edilməsini təklif edir və hesab edir ki, sahəni yenidən dirçəltmək üçün köklü dəyişikliklərə ehtiyac var.

“İctimai şura buraxılmalı, Prezidentin rəhbərliyi altında yeni şura formalaşmalıdır. Bu vəziyyət belə davam edə bilməz”, – deyə kulturoloq bildirib.

Aynurə İsmayıl

https://nocomment.az/kulturoloqdan-da-medeniyyet.../

DİGƏR XƏBƏRLƏR

Tarix: 29.09.2026 / 09:12

Romada “Harmoniya” sənədli filminin təqdimatı olub - FOTO

Tarix: 26.09.2026 / 08:51

Qafqaz Albaniyası memarlığında heraldika və simvoloji nişanlar sistemi

Tarix: 25.09.2026 / 20:03

XALÇA VƏ SANDIQ: YADDAŞIN İKİ MƏDƏNİ FORMASI

Tarix: 25.09.2026 / 17:05

Tarix və Etnologiya İnstitutunun əməkdaşları Qəbəldə ekspedisiyada olublar...

Tarix: 24.09.2026 / 15:59

“Bakıya uçuş. İncəsənət həftəsonu. Gələcəyi İNDİ duy”

Tarix: 23.09.2026 / 14:08

Qafqaz Albaniyası və Efiopiya yazı sistemləri kontekstində erməni əlifbasının mənşəyi...

Tarix: 23.09.2026 / 13:11

Bodrumda yerli həyatın izində: Egey sahilinin fərqli üzünü kəşf edin - FOTOLAR

Tarix: 22.09.2026 / 16:57

Eldəniz Quliyev: “Yaranan situasiya ilə əlaqədar yeganə çarəmiz ölkə başçısına müraciət etmək idi” - MÜSAHİBƏ

Tarix: 22.09.2026 / 15:37

Kənan Musayev: “Tələbimiz odur ki, alternativ namizdələrin iştirakı ilə seçki yenidən keçirilsin”

Tarix: 22.09.2026 / 15:12

Maarif Məhərrəmbəyli: “Seçkinin nəticələri ləğv olunmalıdır”

Tarix: 22.09.2026 / 13:15

Qafqaz Albaniyasının möhür və damğaları

Tarix: 22.09.2026 / 12:22

Yasamal rayonunda 21 Sentybar-Beynəlxalq Sülh Gününə həsr olunmuş “Ağ göyərçinin izi ilə” adlı rəsm sərgisi keçirilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır