Kuklaçılar festivala gedir

Tarix: 04.09.2025 / 17:13
Bölmə: Mədəniyyət

Azərbaycan Dövlət Kukla Teatrı dost Qazaxıstan Respublikasında keçiriləcək beynəlxalq teatr festivalında iştirak edəcək. "Aktau – Türk Dünyasının Mədəniyyət Paytaxtı" layihəsi çərçivəsində keçiriləcək "NOMAD PUPPET" adlı I Beynəlxalq Kukla Teatrları Festivalı 9-14 sentyabr 2025-ci il tarixlərində Qazaxıstan Respublikasının Manqistau vilayətinin Aktau şəhərində olacaq. Tədbir Türk Dünyası Mədəniyyət Təşkilatı (TÜRKSOY) və Qazaxıstan Respublikası Mədəniyyət və İnformasiya Nazirliyinin təşkilati dəstəyi ilə baş tutacaq. Yaradıcı heyət üzvləri qazax teatrsevərlər və münsiflər heyəti qarşısında tarixi irsimiz, soy kökümüzlə bağlı hazırlanan "Yalquzaq" tamaşasını nümayiş etdirəcəklər. Yazıçı-dramaturq Məhbubə Hacıyevanın "Yalquzaq və Simurq quşunun nağılı" hekayəsi əsasında hazırlanan birhissəli uşaq tamaşanın səhnələşdirəni və quruluşçu rejissoru Anaxanım Abdullayeva, quruluşçu rəssamı İqbal Əliyev, musiqi tərtibatçısı Əməkdar artist Vüqar Camalzadə, qum rəssamı Lalə Hüseynzadədir. Modern üslubda hazırlanan tamaşanın səhnə tərtibatında qum üzərində təsvirlər ön plana çıxır. Beləcə parket kuklalar (biri canlı plan olmaqla) və iri monitor vasitəsilə qum üzərində rəsmlərin sintezində vizual həllə nail olunub. Tamaşada rolları Rəhim Rəhimov (Ata qurd), Ramiz Qəmbərov (Yalquzaq), Səbinə Məmmədova (Ana Qurd), Könül Nəsibova (Simurq quşu), Araz Həsənli (Baybora, Bala qurd) və Yasin Abbasov (Bala qurd) ifa edirlər. Nümunə düşmənlər tərəfindən yandırılaraq məhv edilmiş türk qəbiləsindən təsadüfən sağ qalmış azyaşlının qurdlar tərəfindən xilas olunması və böyüdülməsi hekayəsi üzərində qurulub. Tamaşa vasitəsilə insanlarla heyvanların, ümumiyyətlə vəhşi təbiətlə cəmiyyətin təmasının müsbət hasilinə vurğu ön plana çıxır. Yalquzaqın timsalında qurdların insan övladına mərhəməti, həmçinin düşmənlərə qarşı intiqam ruhunda tərbiyəsi, güclü və ədalətli varlığa çevrilməsi də təsvir olunur. Məlumat üçün deyək ki, festival kukla teatrı üzrə əməkdaşlığın möhkəmləndirilməsi və beynəlxalq əlaqələrin inkişafı, kukla sənətinin təbliği, teatr aləmində yeni adların kəşfi, yaradıcı təcrübə mübadiləsi, eləcə də kukla sənəti rejissor və aktyorlarının peşəkarlıq səviyyəsinin artırılması, birgə yaradıcı layihələrin həyata keçirilməsi və Qazaxıstan kukla teatrı sənətinin beynəlxalq səviyyədə tanıdılması məqsədi daşıyır. Tanınmış teatr mütəxəssislərindən ibarət münsiflər heyəti qarşısında oynanılacaq iştirakçı tamaşalar - Manqistau vilayətinin hakiminin xüsusi mükafatı, eləcə də Qran-pri ilə dəyərləndiriləcəklər. Həmçinin, iştirakçılar "Ən yaxşı rejissor işi", "Ən yaxşı aktyor ansamblı", "Ən yaxşı aktyor", " Ən yaxşı aktrisa" və "Ən yaxşı kuklacı" nominasiyalarında qalib elan ediləcəklər.

DİGƏR XƏBƏRLƏR

Tarix: 08.12.2025 / 15:16

Bakıda İƏT Mədəniyyət Festivalının açılış mərasimi oldu

Tarix: 04.12.2025 / 16:21

Uşaqların sevimli “Aybolit”i gəlir

Tarix: 04.12.2025 / 16:05

Əbülfəs Qarayevin qızından ədəbiyyat irsimizə hörmətsizlik - Nazirlik hərəkətə keçdi...

Tarix: 03.12.2025 / 17:44

"Güllənən dərdin" poeziyası: Azadə Novruzova poeziyasında fərd və Vətən bütövlüyü fəlsəfəsi

Tarix: 02.12.2025 / 19:55

Taş Tepeler layihəsi – insanlıq tarixini yenidən yazan 5 il…

Tarix: 02.12.2025 / 09:11

"Səni bir ay toya aparmasalar, acından ölənin birisən!" - Əməkdar artist od püskürdü

Tarix: 01.12.2025 / 19:02

Müğənni Pünhan Piriyevin qəbahəti - ona haqq qazandırmaq olarmı?..

Tarix: 01.12.2025 / 09:11

1 dəqiqəlik görüş üçün 100 min təklif etdilər - Türk aktrisa ŞOKDA

Tarix: 30.11.2025 / 16:07

Laçında “MDB-nin Mədəniyyət Paytaxtı 2025” ilinin bağlanış mərasimi keçirildi

Tarix: 29.11.2025 / 11:25

“Keşikçidağ”da 17 abidənin dövlət qeydiyyatına alınması təklif olundu

Tarix: 28.11.2025 / 12:01

Mədəniyyət Nazirliyi kino sahəsində yeni elektron xidmət istifadəyə verib

Tarix: 27.11.2025 / 13:35

Gör hansı əclaflarla işləyirəm - Yunus Oğuz yazır

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.12.2025 / 15:09

Qərbi Azərbaycanlıların qayıdışı MİLLİ İDEYADAN beynəlxalq platformaya çevrilir...

Tarix: 05.12.2025 / 21:50

Qərbi azərbaycanlıların qayıdışı üçün səylər sürətləndirildi...

Tarix: 05.12.2025 / 20:56

Azərbaycan, Türkiyə, ABŞ və Pakistan birgə hərbi təlimdə - Ermənistan niyə vahimələnib...

77 min yeni iş yerinin 92 faizini özəl sektor açıb...