Çinin Dünya Bankına alternativ yaratmasının Azərbaycana təsiri olmayacaq

Tarix: 28.10.2014 / 02:51
Bölmə: İqtisadiyyat

Vüqar Bayramov: "Bunun dünya iqtisadiyyatına heç bir mənfi təsiri olmaz"

"Azərbaycana gəldikdə isə, onu deyə bilərəm ki, ölkəmiz həmin qurumla bərabər əsaslarla əməkdaşlıq edə bilər"

Asiya qitəsində yeni maliyyə nəhənginin qurulmasına başlanıb. Verilən məlumatlara görə, Çin 20 Asiya ölkəsi ilə birlikdə yeni bir bankın qurulmasına start verib. Yeni qurulan bankın ABŞ və Yaponiyanın nəzarətindəki Dünya Bankı və Asiya İnkişaf Bankına rəqib olacağı gözlənir.
Asiya İnfrastruktur və İnvestisiya Bankının (AIIB) qurulması ilə bağlı niyyət razılaşması Çinin paytaxtı Pekində imzalanıb. Müşahidəçilər Çinin bank vasitəsilə bölgədəki fəaliyyətini artıracağına işarə edir.
Dövlət başçısı Şi Cinping bu mövzunu təxminən bir il əvvəl gündəmə gətirmişdi. Pekin 50 milyard dollarlıq ilkin sərmayənin böyük qismini qarşılamağı öhdəsinə götürür. Yeni bankın qurulmasında iştirak edən ölkələr arasında Hindistan, Pakistan, Filippin və Vyetnam da var. Bankın gələn ilin sonuna qədər Pekində fəaliyyətə başlaması nəzərdə tutulur.
ABŞ Asiyada Çin liderliyində yeni bir bankın yaradılması fikrinə soyuq yanaşır. ABŞ Dövlət Departamentinin sözçüsü Psaki bu vəzifəni yerinə yetirən başqa təşkilatların olduğunu deyir.
"New York Times" qəzeti isə amerikalı diplomatların bağlı qapılar arxasında AIIB-ə qarşı fəaliyyət göstərdiyini iddia edir. Vaşinqtonun təzyiqi ilə Cənubi Koreya, Avstraliya və İndoneziyanın bununla bağlı razılaşmanı imzalamaqdan imtina etdiyi bildirilir. ABŞ dövlət katibi Con Kerrinin də bank fikrindən daşındırmaq üçün Avstraliya baş naziri Tony Abbotta təzyiq etdiyi iddialar arasında yer alır.
1966-cı ildə qurulan Asiya İnkişaf Bankı (AİB) da buna tənqidi yanaşır. Bununla bağlı açıqlama verən AİB sədri Takehiko Nakao bildirib ki, "bundan məmnun oldum deyə bilmərəm".
AİB-də Yaponiya və ABŞ-ın hər biri 15,6, Çin isə yalnız 6,5 faizlik paya sahibdir. Çin hökumət nümayəndələri beynəlxalq maliyyə müəssisələrində ABŞ-ın fəaliyyətindən narazılıqlarını tez-tez dilə gətirirdi. Bir müddət əvvəl isə Braziliya, Rusiya, Hindistan və Cənubi Afrikadan ibarət BRİCS ölkələri iyul ayında Yeni İnkişaf Bankı (NDB) adını verdikləri bir bank qurmuşdular. NDB-nin mərkəzi də Çinin Şanxay şəhərində olacaq. Bankın idarəçiliyi isə 4 qurucu ölkənin nəzarətində olacaq. Hər üzv ölkənin bankın qurulması üçün 10 milyard dollar sərmayə ayırması nəzərdə tutulur.
Yeni maliyyə qurumunun yaradılmasının dünya və Azərbaycan iqtisadiyyatına nə kimi təsirləri ola bilər?
İqtisadçı-ekspert Vüqar Bayramov qəzetimizə açıqlamasında bildirdi ki, dünya səviyyəsində rəqabətdə olan qurumların çoxalmasının əslində xeyri var: "İqtisadi anlayışlara görə, rəqabət olan yerdə inkişaf olur. Bu baxımdan da Asiya ölkələrinin yeni bir qurum təsis etməsində narahatedici heç bir amil yoxdur. Həmin ölkələrin çoxu yüksək templə inkişaf edir. Belə qurumda isə kifayət qədər maliyyə cəmləşəcək ki, bunun da ətraf ölkələrin inkişafına böyük təkanı olacaq. Məlumdur ki, hazırda Avropanın bir sıra ölkələrində ciddi maliyyə böhranı yaşanır. Bu da həmin ölkələrdə təsis edilən maliyyə qurumlarının likvidliyini aşağı salır. Belə olanda böyük maliyyə qurumları problem yaşamalı olur. Alternativ bir qurum isə onların üzərinə düşən bir çox sahələrin maliyyələşdirilməsini davam etdirə bilər. Bunun dünya iqtisadiyyatına heç bir mənfi təsiri olmaz. Azərbaycana gəldikdə isə, onu deyə bilərəm ki, ölkəmiz həmin qurumla bərabər əsaslarla əməkdaşlıq edə bilər. Çünki bizim dövlət gəlirlərimizin artım həcmi çox böyükdür və bu bizə imkan verir ki, xarici borc almadan ölkəmizi sürətlə inkişaf etdirək. Bizim təsisçi olacaq ölkələrdən də heç bir asılılığımız yoxdur".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...