Mənzil bazarımızda misilsiz proses başlayır

Tarix: 28.10.2014 / 04:02
Bölmə: İqtisadiyyat

Neftin qiymətinin aşağı enməsi fonunda ölkəmizə idxal edilən bir çox məhsulların ucuzlaşması gözlənir. Çünki məhsulların maya dəyərində enerji xərcləri xüsusi yer tutur. Lakin indi neftin qiymətinin azalması məhsulların maya dəyərinin aşağı düşməsinə gətirib çıxarır. Məhz bu fonda da əsasən idxal mallarının ucuzlaşması gözlənir.
Eyni zamanda, daşınmaz əmlak bazarında da neft amilinə görə qiymətlərin enməsi proqnozlaşdırılır. Əslində, artıq bu bazarda qiymətlərin enməsi az da olsa özünü göstərir. Lakin ekspertlərə görə, qiymətlərin enməsi bundan sonra da davam edəcək. Ümumiyyətlə, ilk mərhələdə daşınmaz əmlak bazarında qiymətlərin azalması ən azı gələn ilin əvvəlinədək davam edəcək. Sonradan isə qiymətlərin enməsinin davam etməsi istisnalıq təşkil etmir. Çünki müşahidələr göstərir ki, neftin satış qiyməti ilə daşınmaz əmlakın satış qiymətləri arasında gizli bir asılılıq var. Aparılan araşdırmalar göstərir ki, neft birjalarında qiymətlərin davamlı dəyişməsi 5-7 ay gecikmə ilə daşınmaz əmlakın qiymətlərində özünü əks etdirir. Azərbaycana da daxil olan neft pulları ilə Bakıda mənzillərin qiyməti arasında birbaşa əlaqə var. Belə ki, neft gəlirləri azaldıqca paytaxtda bahalı mənzillərə tələbat da azalır. "MBA Consulting Group"un rəhbəri Nüsrət İbrahimli də bildirib ki, neft bazarında qiymətlər yüksəldikdə bu, 7-8 ay gecikmə ilə daşınmaz əmlak bazarına təsir göstərir. Yəni qiymətlər yüksəlir. Neftin qiyməti ucuzlaşdıqda isə eyni müddətdə gecikmə ilə bazarda bu öz təsirini büruzə verir. Ekspertin sözlərində görə, bazarlar arasındakı bu əlaqə özünü daha çox neft hasil edən ölkələrdə göstərir: "Bunun da iki səbəbi var. Daşınmaz əmlak bazarı pul sevən sektordur. Neftdən gələn pulların bir hissəsi dolayı yolla bu bazara axır. Nəticədə bazarda qiymətlərin qalxması baş verir. Digər səbəb də odur ki, neftin qiyməti artanda ölkədə bir sıra investisiya layihələri həyata keçirilir. Bu pulların da bir hissəsi daşınmaz əmlak bazarında qiymət təzyiqini artırır. Neftin qiyməti düşdükdə isə əks proses baş verir".
Bundan əlavə, kommersiya banklarının əksəriyyəti kütləvi kreditləşməni dayandırdığından, tikinti şirkətlərinin mənzilləri satmaqla vəsait cəlb etməkdən başqa maliyyə mənbələri yoxdur. İndiki şəraitdə isə onlar yalnız ciddi qiymət azalmalarına getməklə alıcı cəlb edə bilər. Digər tərəfdən, mənzil alqı-satqısı artıq gəlirli biznes olmadığından, kommersiya məqsədilə evlərin alınmasında kəskin azalmalar müşahidə edilir. İndi kommersiya məqsədilə mənzil alanların əksəriyyəti tamam fərqli sahədə biznes qurmağa çalışır. Ekspertlərin fikrincə, əhalinin real gəlirlərinin indiki səviyyəsi ilə Bakıda mənzillərin qiymətində yeni sıçrayışlar mümkün deyil. Bu isə qiymətlərin artımını deyil, azalmasını diqtə edir. Bütün bunlar göstərir ki, artıq mənzillərin qiymətinin azalması daha da kəskinləşəcək və evlərin qiyməti düşəcək. Qeyd edək ki, hazırda təkrar əmlak bazarında mənzillərin kvadrat metrinin orta qiyməti 2088 dollar, ilkin bazarda 1296 dollardır.
Neftin hələ bundan sonra ucuzlaşması fonunda mənzil bazarında qiymətlərin enməsi isə qaçılmaz sayılır. Rusiyanın "Rostneft" şirkətinin rəhbəri İqor Seçin bildirib ki, neftin ucuzlaşmasının günahı dollardadır. O qeyd edib ki, dolların məzənnəsi möhkəmləndikcə neftin qiyməti düşür: "2014-cü ilin ikinci yarısında Amerika Birləşmiş Ştatları Federal Ehtiyatı "kəmiyyət asanlaşma" həcmini azaltdı. Tarazlıq səviyyəsində olan pul kütləsinə dəstəyin dayandırılması digər valyutalara qarşı dolların güclənməsinə gətirib çıxardı. Məsələn, avroya qarşı dollar 10% bahalaşdı". Seçinin sözlərinə görə, ABŞ-ın pul siyasətində belə bir dəyişiklik aktivlərə və məhsulların dəyərinə təsir etməyə bilməzdi. Məhz bu fonda dünya iqtisadiyyatında, o cümlədən daşınmaz əmlak bazarında ciddi dəyişikliklər baş verir. Ekspertlər hesab edir ki, qiymətlərin ucuzlaşması ilə yanaşı, əmlak bazarında aktivliyin artması baş verə bilər. İndiyə qədər isə əmlak bazarında müşahidə edilən psixoloji və eləcə də süni qiymət artımlarından sonra bazarda aktivliyin azalması müşahidə edilib.
Maraqlıdır ki, mənzillərə tələbatın artması müşahidə edilsə də, sonradan bu tendensiya durğunluqla əvəz edilib. Belə ki, Bakıda aparılan söküntülər fonunda paytaxtın mənzil bazarında nağd pulların daxil olacağı gözlənilsə də, əmlak bazarında daha çox psixoloji təzyiq müşahidə edilib. Nəticədə qiymətlərin artması bazara pulun daxil olması ilə müşahidə edilməyib, qiymət artımları isə azalma ilə əvəzlənib. İndi isə neftə görə bu azalmanın daha böyük miqyas alması gözlənir.

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...