Bazarımızı tərk edəcək banklar barədə rəsmi etiraf...

Tarix: 27.10.2014 / 02:11
Bölmə: İqtisadiyyat

İlin sonuna çox az müddətin qaldığı bir dönəmdə bank sektorunda cərəyan edən hadisələr getdikcə daha çox diqqət cəlb etməkdədir. Xatırladaq ki, cari ilin sonuna qədər ölkədə fəaliyyət göstərən bütün bankların nizamnamə kapitalı minimum 50 milyon manata çatdırılmalıdır. Bu şərtə əməl etməyən banklar isə fəaliyyətini dayandırmalı olacaq. Bu xüsusda verilən proqnozlar artıq rəsmi səviyyədə də təsdiqini tapmaqdadır.
Mərkəzi Bankın baş direktoru Rəşad Orucov qeyd edir ki, Azərbaycanda bank sektorunun aktivlərinin 99%-nə malik olan banklar ilin sonuna qədər məcmu kapitallarını 50 milyon manata çatdıra biləcək. Bununla belə, onun sözlərinə görə, bir neçə bank var ki, kapitalla bağlı tələbi yerinə yetirə bilməcəyək. Söhbət əmanət qəbul etmək hüququna malik olmayan banklardan gedir: "Bu baxımdan həmin bankların bazarı tərk etməsi nə əhali, nə də kreditorlar üçün bir əhəmiyyət kəsb edir. Həmin banklar yalnız birləşməklə bazarda qala bilər".
Mərkəzi Bank rəsmisi onu da deyib ki, bankların məcmu kapitalına qarşı tələbnamənin bir daha artırılması gündəmdə deyil: "Biz hesab edirik ki, bank sistemi kifayət qədər yaxşı kapitallaşıb. 50 milyon manatdan da artıq kapitala malik olmaq hər bir bankın daxili işidir və istənilən bank kapitalını özünə lazım olan qədər artıra bilər". Beləliklə, bir neçə bankın fəaliyyətini dayandırması artıq qaçılmaz sayılır. Hazırda ekspertlər hesab edir ki, qeyd edilənlər fonunda banklara əmanət yatıran şəxslər kifayət qədər ehtiyatlı olmalıdır. Çünki bağlanan banklarda sığorta olunmayan əmantələrin geri qaytarılması heç də asan məsələ deyil. Bağlanması gözlənən bankların birləşdirilməsini ölkənin baş bankı istəsə də, bu istiqamətdə hansısa addımlar atılmır. Təhlillər göstərir ki, Mərkəzi Bank son illər bankların birləşdirilməsi ilə bağlı təşviqedici addımlar atsa da, bu baş tutmayıb. Aydın olur ki, Azərbaycan kommersiya bankları bu məsələdə maraqlı deyil. Bu isə bir neçə bankın bağlanmasına gətirib çıxara bilər. Bu fonda ən çox diqqət çəkən məsələlərdən biri kommersiya banklarında əhalinin əmanətlərinin taleyi ilə bağlıdır. Mövcud qaydalara əsasən, əmanətlərinin məbləği 30 min manat olan və illik göstəricisi doqquz faiz və ya daha az olan əmanətlər sığortalanır. Müflisləşmə baş verərsə, əmanətlər sığortalanma fondu tərəfindən geri qaytarılacaq. Yəni vətəndaşın banklardakı əmanəti 30 min manatdan azdırsa və sığorta faizi fondun müəyyən etdiyi faizə uyğundursa, o zaman heç bir problem olmayacaq. Ən böyük narahatlıq məbləği 30 min manatdan artıq olan və daha yüksək faizlə qoyulan əmanətlərdir. Aparılan tədqiqatlar göstərir ki, banklarda olan əmanətlərin üçdə biri məhz sığortalanmayan əmanətlərdir. Ona görə də bankların birləşdirilməsi baş verərsə, bu zaman əmanətlərin saxlanması daha asan olacaq, vətəndaşın əmanəti müqavilədə olan şərtlərlə başqa bir banka avtomatik olaraq transfer ediləcək. Eyni zamanda, vətəndaş bundan sonra əmanəti götürmək və ya bankda saxlamaqla bağlı sərbəst qərar verə bilər. Sığortalanmayan əmanətlər isə həmin bankın aktiv və passivlərinin müqayisəsi nəticəsində aparılacaq. Bankın aktivləri passivlərindən çoxdursa, bu zaman sığortalanamayan əmanətlərin qaytarılmasında heç bir problem olmayacaq. Eyni zamanda, bankın öhdəlikləri banka olan borcdan çoxdursa, bu halda problemin olacağı istisna edilmir.
Onu da bildirək ki, banklarda müflisləşmə təhlükəsi və məcmu kapitalın yerinə yetirilməsi ilə bağlı problem olduqda əmanətlər zamanında verilmir. Yeri gəlmişkən qeyd edək ki, bu gün məcmu kapitalla bağlı tələbi yerinə yetirə bilməyən banklarda problemli kreditlərlə bağlı məsələ də kifayət qədər ciddidir. Mərkəzi Bankın son məlumatına görə, Azərbaycanda problemli kreditlərin həcmi 1 milyard manata çatıb. Problemli kreditlər kredit portfelinin 6 %-dən çoxunu, bank aktivlərinin isə 4 %-dən çoxunu təşkil edir. Beləliklə, nizamnamə kapitalının 50 milyon manata çatdırılması fonunda bəzi banklar bazarı tərk etməli olacaq, digərləri də birləşmə yolunu tuta bilər. Lakin belə görünür ki, bazarı tərk edənlər mütləq olacaq, birləşmək istəyənlər isə hələ yoxdur.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...