Qiymət qalxımı Azərbaycanda siqaret çəkənlərin sayını xeyli azalda bilər

Tarix: 23.10.2014 / 02:55
Bölmə: İqtisadiyyat

Oqtay Haqverdiyev: "Siqaret çəkməni azaltmaq üçün qiymət artımından bir çox ölkələrdə istifadə edilir"

Samir Əliyev: "2015-2016-cı illərdə ölkədə siqaretin 2 dəfəyədək bahalaşacağını proqnozlaşdırmaq olar"

Eyyub Hüseynov: "Qiymətlərin qalxması siqaret çəkən insanların cibinə mənfi təsir göstərəcək"

Məlumatlara görə, Azərbaycanda siqaret və tütün məhsullarının qiyməti bahalaşacaq. "European Tobacco Baku" ASC tütün şirkətinin idarə heyətinin sədri Rüfət Quliyev mətbuata açıqlamasında bildirib ki, bütün dünyada siqaretçəkmə ilə mübarizə üzrə görülən tədbirlər nəzərə alınmaqla, tütün məmulatlarının qiymətinin artması tendensiyası müşahidə olunur.

Onun dediyinə görə, Azərbaycan gec-tez siqaretin qiymətini yüksəltmək zərurəti ilə qarşılaşacaq. O bildirib ki, siqaretin qiymətinin artması xammalın bahalaşması ilə də əlaqədar ola bilər.
Siqaretin satış qiymətinin bahalaşacağı barədə iqtisadçı - ekspert Oqtay Haqverdiyevin münasibətini öyrəndik. O, "Bakı-Xəbər"ə açıqlamasında qeyd etdi ki, son zamanlar siqaret çəkməyə qarşı mübarizə tədbirləri gücləndirilir. Xüsusilə də ictimai yerlərdə, yaşayış obyektlərində və sair məkanlarda siqaret çəkmənin qadağan edilməsi istiqamətində aparılan müzakirələrdə əsas məqsəd isə əhalinin sağlamlığının qorunmasıdır: "Siqaret çəkməni azaltmaq üçün qiymət artımından bir çox ölkələrdə istifadə edilir. Hətta bəzi ölkələrdə siqaret və tütün məmulatlarına qarşı mübarizəni gücləndirmək və siqaret çəkənlərin və çəkilən siqaretlərin sayını azaltmaq üçün xammalın qiyməti də artırılır. Amma xammal çatışmazlığı və onun qiymətinin baha olması ucbatından siqaret və tütün məmulatlarının qiymətlərinin artırılması bazar iqtisadiyyatı qanunlarına uyğun gəlmir. Yəni sözügedən bazar iqtisadiyyatı qanunlarına əsasən, adətən hər hansı bir məhsulun və ya malın qiyməti o zaman artırılır ki, ya həmin məhsullar və ya mallar çatışmır, ya da onların ölkəyə idxalı yox dərəcəsindədir. Ancaq Azərbaycanda siqaret kifayət qədər olduğu üçün xammal çatışmazlığı, yaxud xammalın qiymətinin bahalığı ucbatından siqaretlərin və tütün məmulatlarının qiymətlərini artırmağa ehtiyac yoxdur".
İqtisadçının fikrincə, xarici ölkələrdən siqaretlər gətirildiyi və yerli istehsal da mövcud olduğu üçün siqaretlərin və tütün məmulatlarının bahalaşdırılması məqsədəuyğun deyil: "Azərbaycanda siqaret və tütün məmulatları inhisarçılıqdadır. Ona görə də siqaretlərin bahalaşması bu inhisarçıların əlindədir. Onlar siqareti neçəyə alıb, neçəyə satacaqlarını özləri müəyyənləşdirir".

İqtisadçı-ekspert Samir Əliyevin sözlərinə görə, artıq Rusiya buna gedir: "Rusiyada siqaret təxminən 3 dəfə bahalaşa bilər. Hazırda orta qiymət 64 rubl olduğu halda, 216 rubla kimi qalxa bilər. Bunun Azərbaycana da təsiri olacaq. Çünki ölkəmizə Rusiyadan siqaret idxal olunur və təbii ki, artım bizə də çatacaq. Digər tərəfdən, Azərbaycanda da hökumət Dünya Səhiyyə Təşkilatının tövsiyəsini nəzərə alaraq aksiz vergilərini artıra bilər. Düzdür, manatın möhkəmlənməsi Rusiyadakı qiymət artımını bir az azalda bilər. Ümumilikdə getdikcə siqaretlərin bahalaşması davam edəcək. Siqareti daxili istehsal hesabına tam təmin etsə belə, bu o demək deyil ki, ölkədən kənarda qiymət artımının bizə aidiyyəti yoxdur. Azərbaycan hökuməti də gec-tez 179 ölkənin imzaladığı Dünya Səhiyyə Təşkilatının tövsiyələrini qəbul etməli olacaq. Ona görə də 2015-2016-cı illərdə ölkədə siqaretin 2 dəfəyədək bahalaşacağını proqnozlaşdırmaq olar".
Azad İstehlakçılar Birliyinin sədri Eyyub Hüseynov isə qeyd etdi ki, ölkədə siqaretin bahalaşması bir neçə səbəblə bağlı ola bilər: "Onlardan birincisi dünya bazarında tütünün qiymətinin qalxması, digəri dünyada və Azərbaycanda aksiz vergilərinin artması və Azərbaycan bazarında bu sahə ilə məşğul olan şəxslərin sövdələşməsidir.
Bir sözlə, bu bazarın monopoliyada olması qiymət artımının əsas səbəblərindəndir.
Qiymətlərin qalxması siqaret çəkən insanların cibinə mənfi təsir göstərəcək. Hazırkı qiymətləri qonşu ölkələrlə müqayisə etsək, Azərbaycan istehlakçıları üçün normal hesab etmək olar".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...