Beynəlxalq təşkilatın Azərbaycan bankları barədə 40 faizi və bəzi dairələrin yeni devalvasiya spekulyasiyaları...

Tarix: 11.09.2015 / 02:43
Bölmə: İqtisadiyyat

"Hesab edirəm ki, narahatlığa elə bir əsas yoxdur"

Rəsul Cahangirli: "Ölkənin bank sistemi nəinki 40, hətta bundan da böyük faizlərlə ölçülən devalvasiyaya tab gətirmək iqtidarındadır"

"Fitch Ratings" beynəlxalq reytinq agentliyi Azərbaycan bank sektorunun milli valyutanın əlavə 40 faizlik devalvasiyaya tab gətirə biləcəyi kapitala sahib olduğunu bəyan edib. "Fitch"in analitikləri qeyd edir ki, Azərbaycan bank sistemi neftin ucuzlaşması və devalvasiyanın təsiri amillərinin təzyiqi altındadır.

Bu risqlər nəticəsində banklar zərərlərin örtülməsi üçün məhdud maliyyə vəsaitlərinə malikdir. Agentlik hesab edir ki, neft ixracına əsaslanan Azərbaycan iqtisadiyyatında bu il 1,5 faizlik artım gözlənir. Buna səbəb isə ölkənin bank sistemindəki aktivlərin keyfiyyətinin aşağı düşməsidir.

Pozitiv məqam kimi isə "Fitch" Azərbaycan tədiyyə balansının güclü olmasının hökumətə bank sisteminə likvidlik və kapital dəstəyi vermək imkanını göstərib. Agentliyin bu hesabatına əsasən, iyul ayının əvvəlinə Azərbaycan Beynəlxalq Bankı bank sektorunda 35 faiz paya malikdir və minimum kapital adekvatlığı tələbnaməsini (12%) yerinə yetirib. İlin sonuna qədər ABB-də bir dəfə kapital qoyuluşu və dəyərdən düşən aktivlərin satışı ehtimal olunur. Bununla yanaşı, "Fitch" 2015-ci ildə bank sektorunun borc öhdəliklərinin artmayacağını proqnozlaşdırır. Analitiklər bildirir ki, kreditlərə olan tələbatın da zəifləməsi prosesi 2016-cı ildə davam edəcək.

Ancaq çox qəribədir ki, bəzi mətbuat orqanlarında sözügedən agentliyin hesabatını spekulyasiya edərək əks formada təqdim etməyə çalışıblar. Yəni bunu təhrif edərək belə bir rəy yaratmağa çalışıblar ki, guya banklar buna dözməyəcək və bu ciddi mənfi fəsadlara gətirib çıxaracaq. Halbuki, adıçəkilən agentliyin beynəlxalq miqyasda kifayət qədər ciddi bir mərkəz olduğunu nəzərə alsaq, bu cür spekulyasiyaların tutarlı əsası yoxdur.

Maraqlıdır, ekspertlər buna necə yanaşır?

Məsələyə münasibət bildirən ekspert Rəsul Cahangirlinin sözlərinə görə, nəinki "Fitch", digər bir sıra nüfuzlu beynəlxalq təşkilatlar da Azərbaycanın iqtisadi vəziyyətini qənaətbəxş səviyyədə qiymətləndirir: "O cümlədən, bank sektorunda vəziyyəti. O baxımdan hesab edirəm ki, ölkənin bank sistemi nəinki 40, hətta bundan da böyük faizlərlə ölçülən devalvasiyaya tab gətirmək iqtidarındadır. Belə olmasaydı, o zaman milli valyutanın fevralda dollar qarşısında devalvasiyası böyük iqtisadi fəsadlara gətirib çıxaracaqdı. Göründüyü kimi, bu baş vermədi. Baxmayaraq ki, ötən ildən başlayaraq neftin dünya bazarında qiyməti kəskin şəkildə aşağı düşüb. O da məlum həqiqətdir ki, bu bütün bankların tab gətirə biləcəyi anlamına gəlmir. Bir çoxlarına və o cümlədən ictimaiyyətə məlumdur ki, bankların müəyyən qismi yerində sayır. Çünki bir sıra bankların zəif olması əvvəldən ictimaiyyətə bəllidir. Zatən həmin bankların əvvəldən kapital imkanları elə də böyük olmayıb.

Bunun nəticəsidir ki, ötən aylarda bir neçə bankın fəaliyyəti dayandırıldı. O üzdən, proses hələ davam edir. Çox güman ki, güclü banklar üzdə qalacaq. Bu da ümumilikdə bank sisteminin vəziyyətə tab gətirməsi və yaşaması deməkdir. Bütün bunlardan çıxış edərək hesab edirəm ki, narahatlığa elə bir əsas yoxdur".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...