Rusiyadan Azərbaycana göndərilən pullarda maraqlı tendensiya başlayır

Tarix: 11.09.2015 / 03:29
Bölmə: İqtisadiyyat

İş üçün Rusiyaya üz tutan miqrantlar burada getdikcə daha böyük problemlərlə qarşılaşmalı olurlar. Əsas səbəb isə Qərbin genişləndirməkdə olduğu sanksiyaların Rusiya iqtisadiyyatına getdikcə daha böyük zərər vurmasıdır. Hazırda problemlərlə üzləşən miqrantların çoxu bu ölkəni tərk etməyə üstünlük verir. Moskva isə miqrantların kütləvi şəkildə ölkəni tərk etməsini istəmir.

Görünür, elə bu səbəbdəndir ki, Rusiya Nazirlər Kabineti miqrantlar üçün müvəqqəti kvotaların artırılması barədə göstəriş verib. Xatırladaq ki, 2015-ci il yanvar ayının 1-dən xarici vətəndaşlar Rusiyada işləmək üçün patent almalıdır. Vahid patentləri zamanla kvota mexanizmi əvəz edəcək və mühacirlərə hüquqi şəxslərin, eləcə də fərdi sahibkarların yanında işləməyə icazə verəcək. Bütün bunlar miqrantların Rusiyadan qaçışının qarşısını almağa hesablanıb. Amma miqrantların sayı azalmaqda davam edir. Bu, miqrantların Rusiyadan göndərdiyi pulların miqdarının azalmasında da özünü göstərir. Qeyd edək ki, Rusiyadan Azərbaycana da göndərilən pullar azalır. Belə ki, bu ilin ikinci rübündə Rusiyadan Azərbaycana 190 mln. ABŞ dolları həcmində vəsait köçürülüb ki, bu da ötən ilin eyni dövrü ilə müqayisədə 144 milyon dollar və ya 43,11% azdır. Bu ilin aprel-iyun aylarında şimal qonşumuzdan ölkəmizə hər əməliyyat üzrə orta hesabla 519 dollar köçürülüb. Xatırladaq ki, 2014-cü ilin ikinci rübündə transsərhəd pulköçürmə sistemləri vasitəsilə Rusiyadan Azərbaycana 334 milyon dollar göndərilib. Bu zaman hər əməliyyat üzrə pulköçürmənin orta məbləği 654 dollar olub. İqtisadçı ekspert Azər Mehtiyev də bildirir ki, Rusiyadan Azərbaycana daxil olan vəsaitlərin həcmi azalıb. Bu, Rusiyada baş verən maliyyə böhranı ilə əlaqədardır. İqtisadçı bildirib ki, Rusiyada baş verən maliyyə böhranı və getdikcə dərinləşməkdə olan proseslər gəlir əldə etmək imkanlarını məhdudlaşdırır: "Rusiyaya tətbiq olunan sanksiyalar, neftin qiymətinin ucuzlaşması kimi amillər Rusiyada iş yerlərinin bağlanmasına gətirib çıxarır. Bu da gəlir əldə etmək imkanlarını azaldır. Bunun nəticəsidir ki, Rusiyadan Azərbaycana daxil olan vəsaitlərin həcmi azalır. Bir müddət öncə hətta Rusiyada olan azərbaycanlı iş adamları bizneslərini qurtarmaq üçün Bakıda olan əmlaklarını belə satırdılar. İndiki dövrdə böhranın daha da dərinləşməsi gözlənir. Çünki dünya bazarında neftin qiyməti aşağı düşməkdə davam edir. Rusiyaya qarşı tətbiq edilən sanksiyalar, təbii ki, bu dövləti geri aparır və vəziyyəti daha da ağırlaşdırır. Bu prosesin hələ də davam edəcəyi gözlənir. Rusiyada baş verən maliyyə böhranına görə müəyyən qədər soydaşımız Azərbaycana üz tutacaq. Lakin bunun geniş miqyas alacağını düşünmürəm. Hesab edirəm ki, bütün hallarda Azərbaycan hökuməti tərəfindən Rusiyada yaşayan və çalışan əmək miqrantlarımızla bağlı ciddi bir proqramın işlənməsinə ehtiyac var". Qarşıdakı dövrdə Qərbin Rusiyaya qarşı tətbiq etdiyi sanksiyaların genişlənməsi gözlənir ki, bu da şimal qonşumuzdan miqrant axınını intensivləşdirəcək. Rusiya xarici işlər nazirinin müavini Sergey Ryabkov da bildirir ki, Donbasda hadisələrin inkişafından asılı olmayaraq, ABŞ və Avropa İttifaqı Rusiyaya qarşı sanksiyaları daha da sərtləşdirəcək. Onun sözlərinə görə, ötən həftə Rusiyada hüquqi şəxslərə qarşı ABŞ tərəfindən əlavə sanksiyaların tətbiq edilməsi Rusiya müdafiə sənayesi kompleksinin işinin və ümumilikdə bütün dövlət mexanizminin zəiflədilməsinə yönəlmiş siyasətdir: "Bizim ABŞ və Avropa İttifaqından olan həmkarlarımız bütün səylərini ortaya qoyacaq. Biz bunu başa düşürük və bu şərtlər daxilində işləməyi öyrənməliyik. Qərb Rusiyaya qarşı sanksiyalarını uzun müddət üçün tətbiq edib və yaxın gələcəkdə onların götürüləcəyinə ümid etmək lazım deyil". Yeni sanksiyalar isə Rusiyadan miqrant axınını artıracaq. MDB ölkələrindən olan əmək miqrantları rublun kəskin dəyərdən düşməsi nəticəsində Rusiyanı kütləvi tərk edir. Ekspertlər deyir ki, 1998-ci ildə yaşanan defoltdan sonra ən dramatik iqtisadi böhranın yaşandığı indiki günlərdə işçi miqrantlar üçün qazanc dalınca Rusiyaya getmək artıq sərfəli deyil. Onların qazandığı pullar sürətlə dəyərdən düşür. Ticarətlə məşğul olanlar isə rublun kursunun kəskin dəyişməsindən ciddi ziyana düşür. Bu ölkənin Miqrasiya Xidmətinin məlumatına görə, 2015-ci ilin avqust ayında Rusiyada 10,9 milyon xarici vətəndaş qeydə alınıb. Onlar, əsasən Ukrayna, Özbəkistan, Tacikistan, Qazaxıstan və Belarusdan olanlardır. Moskva və Moskvaətrafı ərazilərdə məskunlaşanlara gəlincə, burada azərbaycanlılar və moldovalılar liderlik edir.

Tahir TAĞIYEV

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...