Azərbaycanın inkişaf modelinin qlobal böhrana uğurlu müqavimət potensialı...

Tarix: 10.09.2015 / 04:35
Bölmə: İqtisadiyyat

Vüqar Bayramov: "Etiraf etmək lazımdır ki, son illər həm ÜDM-də, həm də büdcə gəlirlərində qeyri-neft sektorunun payı artıb"

"Bütün bunlar qlobal böhranın təsirlərindən az itki ilə çıxmağa kömək edir"

Məlum olduğu kimi, sentyabrın 8-də Azərbaycan Respublikasının Prezidenti İlham Əliyevin yanında iqtisadi məsələlərə və 2016-cı ilin dövlət büdcəsinin hazırlığı işlərinə həsr edilmiş müşavirə keçirilib. Dövlət başçısı müşavirədə çıxış edərək bir sıra məqamlara toxunub. Onun sözlərinə görə, dünya bazarında neftin qiymətinin kəskin ucuzlaşmasına baxmayaraq, ölkə çox yüksək nəticələrlə ili başa vuracaq.

Prezidentin fikrincə, bütün sosial proqramlar, sosial infrastruktur layihələri icra edilir və insanların təhlükəsizliyi və sosial müdafiəsi təmin edilir: "Bu il iqtisadi inkişaf Azərbaycanda çox sürətlidir. Gələn ay biz ənənəvi olaraq hökumətin geniş iclasında 9 ayın yekunlarını müzakirə edərək bunlara da toxunacağıq. Ancaq 6 ayın yekunları deməyə əsas verir ki, biz çox yüksək nəticələrlə ili başa vuracağıq. ÜDM təxminən 6 faiz artıb, qeyri-neft iqtisadiyyatı 9 faizdən çox artıb, inflyasiya çox aşağı səviyyədədir. Kənd təsərrüfatı 7,3 faiz artıb. Qeyri-neft sənayesi 14 faiz artıb. Yəni bütün bunlar böhranlı ildə əldə edilən nailiyyətlərdir".

Prezident deyib ki, dünya miqyasında buna bənzər yüksək nəticələr görmək çox çətindir: "Yenə də nəyə görə? İlk növbədə, bizim güclü siyasi iradəmiz var. Biz öz siyasətimizi ancaq Azərbaycan xalqının maraqları üzərində qurmuşuq. İkincisi, düşünülmüş iqtisadi siyasət və uzun illər aparılan islahatlardır ki, bu islahatlar bu gün beynəlxalq maliyyə qurumları tərəfindən də yüksək qiymətləndirilir. Onu da qeyd etməliyəm ki, bu il "Fitch Ratings" agentliyi Azərbaycanın sabit reytinqini bir daha təsdiqləyib. Bizim BBB səviyyəsində reytinqimiz var. Bu da çox böyük nailiyyətdir. Bunu geniş ictimaiyyət bəlkə də bilmir və mətbuatda da çox qısa xəbər kimi təqdim edilmişdi, halbuki bu, çox böyük hadisədir. İndi baxsınlar başqa ölkələrin kredit reytinqlərinə. Hamısı aşağı düşür, Azərbaycanda isə sabitdir".

Göründüyü kimi, böhranın Azərbaycana təsiri digər ölkələrlə müqayisədə yox səviyyəsindədir. Bunun özü olduqca yüksək göstəricidir. Maraqlıdır, qlobal böhran şəraitində Azərbaycanın iqtisadi inkişaf modeli özünü necə doğrulda bildi?

Məsələyə münasibət bildirən iqtisadçı-ekspert Vüqar Bayramov bunu bir sıra faktorlarla əsaslandırdı. Onun sözlərinə görə, artıq iqtisadi siyasət məhz aşağı neft gəlirlərinə uyğunlaşdırılmalı və əsas hədəf iqtisadiyyatın diversifikasiyası olmalıdır: "İqtisadiyyatın şaxələnməsi birmənalı şəkildə imkan verəcək ki, Azərbaycan neftin dünya bazar qiymətindən asılılığını aradan qaldıra bilsin. Etiraf etmək lazımdır ki, son illər həm ÜDM-də, həm də büdcə gəlirlərində qeyri-neft sektorunun payı artıb. Belə ki, büdcə gəlirlərində qeyri-neft sektorunun payı son 3 ildə 25 faizdən 35 faizədək yüksəlib. ÜDM-in isə 62 faizi qeyri-neft sektorunun payına düşür. Bununla yanaşı, Azərbaycan ixracatında da qeyri-neft sektorunun payının artırılmasına ehtiyac var. Hazırda Azərbaycan ixracatının 94 faizini neft məhsulları təşkil edir. Bu baxımdan, iqtisadi diversifikasiya qeyri-neft sektorunun potensialının yüksəlməsinə və neftdən asılılığın aradan qaldırılmasına xidmət edəcək.

Böyük investisiya layihələrinin həyata keçirilməsinin təxirə salınması imkan verib ki, iqtisadiyyat qlobal iqtisadi böhranın təsirlərindən ciddi ziyan çəkməsin. Neftin baha olduğu dövrlərdə bir sıra iri infrastruktur layihələrinin icra olunması da qeyd olunmalıdır. Bütün bunlar qlobal böhranın təsirlərindən az itki ilə çıxmağa kömək edir".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...