Pandemiya ilə əlaqədar olaraq bir sıra dünya ölkələrində bu ilin 8 ayında əhalinin nominal gəlirləri bu və ya digər dərəcədə azalıb. İqtisadiyyatda müşahidə edilən dalğalanmalar, fəallığın aşağı düşməsi, ümumilikdə, əhalinin nominal gəlirlərinin azalmasına öz təsirini göstərib.
Ancaq Azərbaycanda bundan fərqli olaraq, sözügedən gəlirlər azalmayıb, əksinə, cüzi də olsa artıb. Belə ki, bu ilin yanvar-avqust aylarında Azərbaycan əhalisinin nominal gəlirləri 36 809,4 milyon manat təşkil edib. Bu isə ötən ilin eyni dövrü ilə müqayisədə 0,1 faiz çoxdur. Bu dövrdә ölkәnin istehlak bazarında qiymәtlәrin artımı әhalinin gәlirlәrinin artımını 2,8 faiz bәndi üstәlәyib. Bütün icbari vә könüllü ödәnişlәr edildikdәn sonra әhalinin sәrәncamında 33171,0 milyon manatlıq vәsait qalıb. 2020-ci ilin yanvar-iyul aylarında ölkә iqtisadiyyatında muzdla çalışan işçilәrin orta aylıq nominal әmәkhaqqı 2019-cu ilin müvafiq dövrünә nisbәtәn 21,7 faiz artaraq 715,4 manat tәşkil edib. Әmәkhaqqı neft-qaz sektorunda 3509,6 manat, qeyri neft-qaz sektorunda 654,8 manat tәşkil edib. Dövlәt müәssisәlәrindә çalışan işçilәrin әmәkhaqları 628,0 manat, özәl müәssisәlәrdә isә 827,5 manat olub.
Bütün bu deyilənlərin fonunda, pandemiya şəraitində Azərbaycanda ötən ilin eyni dövrü ilə müqayisədə əhalinin nominal gəlirlərinin artmasını ekspertlər necə dəyərləndirirlər?
“...ölkə vətəndaşlarının ayrı-ayrı gəlirləri artdı, azalmadı”
Məsələyə münasibət bildirən millət vəkili Aydın Hüseynov Azərbaycanda əhalinin nominal gəlirlərinin artmasını pandemiya ilə bağlı görülən bir sıra qabaqlayıcı tədbirlərlə əlaqələndirdi: “Pandemiya başlayan dövrdə Prezident İlham Əliyevin tapşırığı və birbaşa rəhbərliyilə mükəmməl proqram ortaya qoyuldu. Bütün qarşıya çıxacaq risqlər, potensial çətinliklər hesablandı. Eyni zamanda, digər iqtisadi gərginlik yaradacaq istiqamətlər əvvəlcədən müəyyənləşdirildi və yarana biləcək fəsadların qarşısının alınması üçün mühüm tədbirlər görüldü. Digər tərəfdən, pandemiya ilə əlaqədar dövlət büdcəsindən önəmli miqdarda vəsaitlər ayrıldı. Birinci növbədə muzdlu işçilərin və eləcə də işləməyən vətəndaşlarımızın ailə büdcələrinin formalaşdırılması üçün vəsaitlər ayrıldı. Ümumilikdə, qəbul olunan sosial paket 5 milyon nəfər əhalini əhatə etdi. Başqa bir tərəfdən, sahibkarlara, iş adamlarına dövlət tərəfindən qayğı göstərilir. Bütün bunlar onunla nəticələndi ki, ölkə vətəndaşlarının ayrı-ayrı gəlirləri artdı, azalmadı. Yəni bütün bunlar, ümumilikdə, əhalinin nominal gəlirlərinin artmasına öz müsbət təsirini göstərdi”.
Millət vəkili onu da qeyd etdi ki, postpandemiya dövründə əhalinin nominal gəlirləri indikindən çox artacaq.
Vidadi ORDAHALLI
