22/10/2020 14:12
728 x 90

Koronavirus Azərbaycanın kənd təsərrüfatını da vura bilmədi – hamıdan fərqli olaraq, 6 ayda 1,9 faiz artım...

Vüqar Bayramov: “Hesab edirəm ki, bu, çevik və sistemli siyasətin nəticəsində mümkün olub”

img

Koronavirus pandemiyası bu və ya digər dərəcədə bir sıra ölkələrin kənd təsərrüfatına mənfi təsir edib. Nəticədə məhsul istehsalı azalıb. Belə ki, müxtəlif növ kənd təsərrüfatı məhsullarının istehsalında azalma qeydə alınıb. Bu da, paralel olaraq, sözügedən məhsulların ixracının azalmasına təsir göstərir. İstehsal olunan məhsul əsasən daxili tələbatın ödənilməsinə yönəldilir.

Ancaq çətinliklərə baxmayaraq, Azərbaycanda kənd təsərrüfatı məhsullarının istehsalında artım qeydə alınıb. Belə ki, Dövlət Statistika Komitəsindən əldə edilən məlumata əsasən, 2020-ci ilin yanvar-avqust ayları üzrә kәnd tәsәrrüfatının ümumi mәhsulunun faktiki qiymәtlәrlә dәyәri 5 milyard 722,1 milyon manat tәşkil edib. Onun da 2 milyard 799 milyon manatı heyvandarlıq, 2 milyard 923,1 milyon manatı isә bitkiçilik mәhsullarının payına düşüb. Әvvәlki ilin müvafiq dövrü ilә müqayisәdә kәnd tәsәrrüfatının istehsalı 1,9 faiz, o cümlәdәn, heyvandarlıq mәhsulları üzrә 3,2 faiz, bitkiçilik mәhsulları üzrә isә 0,6 faiz artıb.

Belə bir çətin vəziyyətdə Azərbaycanın kənd təsərrüfatında qeydə alınan artımı ekspertlər necə dəyərləndirirlər?

  • “...aqrar sektorda artım tempini qoruyub saxlaya biləcəyik”

Məsələyə münasibət bildirən millət vəkili Vüqar Bayramov pandemiya şəraitində Azərbaycanın kənd təsərrüfatında qeydə alınan artımı bir sıra səbəblərlə əlaqələndirdi: “Aqrar sektor ərzaq təhlükəsizliyi baxımından vacib sahə hesab olunur. Azərbaycanda pandemiya dövründə əsas hədəf vətəndaşları qorumaq oldu. Bununla yanaşı, pandemiya dövründə fəaliyyətinə icazə verilən sektorlara xüsusi diqqət göstərildi. Onlardan biri də aqrar sektor idi. Məlum olduğu kimi, karantin dövründə kənd təsərrüfatı müəssisələri fəaliyyətini davam etdirdi. Bununla bağlı hər hansı bir çətinlik olmadı. Aqrar sektorun subsidiya və digər formada dəstəklənməsi davam edir. Eyni zamanda, sərt karantin vaxtı fermerlərin məhsul satışına icazə verildi. Bu, xüsusən də ərzaq təhlükəsizliyi baxımından çox vacib idi. Çünki pandemiya aqrar sahəyə təsir etmişdi. Dünyada kənd təsərrüfatı mahsullarının qiymətində artım var idi. Azərbaycan isə yerli istehsalı qoruyub saxlaya bildi. Hesab edirəm ki, bu, çevik və sistemli siyasətin nəticəsində mümkün olub. Növbəti illərdə də kənd təsərrüfatında artımın qorunub saxlanacağı gözlənir. Çünki aqrar sektor artım tempini qoruyub saxlaya bilən sahələrdən biridir. Bu isə ondan xəbər verir ki, 2020-ci ildə aqrar sektorda artım tempini qoruyub saxlaya biləcəyik”.

Millət vəkilinin fikrincə, belə nəticənin əldə olunması müsbət göstəricidir.

Vidadi ORDAHALLI

Son xəbərlər