DSMF-nin minimum əməkhaqqını qaldırmaq təklifi necə qarşılanır?

Tarix: 03.11.2014 / 02:06
Bölmə: İqtisadiyyat

Oqtay Haqverdiyev: "Minimum əməkhaqqının qaldırılması təklifi təqdirəlayiqdir"

"Minimum əməkhaqqı ixtisassız əməyə və xidmətə görə verilən ən aşağı aylıq əməkhaqqıdır"

Dövlət Sosial Müdafiə Fondunun irəli sürdüyü təklifə əsasən, ölkədə minimum əməkhaqqı differensiallaşdırılmalıdır. Dövlət Sosial Müdafiə Fondunun şöbə müdiri Elşən Məmmədəliyevin mətbuata verdiyi açıqlamaya görə, hökumət əmək bazarına nəzarət tədbirləri çərçivəsində işçilərin sosial müdafiəsinə yönəlik bir sıra addımlar atmağı düşünür:
"Belə ki, iqtisadiyyatın müxtəlif sahələrində işlərin və xidmətlərin növündən və gündəlik iş rejiminin xüsusiyyətindən asılı olaraq fərqli minimum əməkhaqlarının təyin olunması planlaşdırılır. Hazırda sosial ödənişlər mexanizminin təkmilləşdirilməsi məqsədilə iqtisadiyyatın ayrı-ayrı sahələrində minimum əməkhaqlarının müəyyənləşməsi üçün xarici dövlətlərin təcrübəsi öyrənilir. Hazırda dünyanın inkişaf etmiş ölkələri artıq aylıq əməyə görə minimum əməkhaqqından imtina edərək işin və xidmətin vaxtına görə, saat hesabı ilə müəyyən olunmasını tətbiq edir. Məsələn, ABŞ-da 1 saat ixtisaslı iş üçün 5 dollar ödənilir. Fransa və Almaniya 4, Kanadada 6 dollar təşkil edir. Azərbaycan inkişafın elə bir mərhələsinə çatıb ki, bu sosial metodologiyaya keçməlidir. Respublikamız Avropa Sosial Xartiyasına qoşulub və bu metodologiya yaxın illərdə ölkəmizdə də tətbiq olunacaq. Bununla bağlı Fond müvafiq dövlət qurumları ilə müzakirələr aparır. Bu cür fərqli rejimlərin tətbiq olunması işçilər arasındakı sosial bərabərsizliyi aradan qaldıracaq.
Gələn il işsizliyə görə verilən müavinətlərin artırılması da nəzərdə tutulur. Hazırda ölkədə sosial sığorta sisteminin inkişafı bir sıra sahələr üzrə artımların aparılmasına imkan verir. İşsiz kimi qeydiyyata alınanlara verilən müavinətin həddi də azdır və ona görə bu məbləğin artırılması mümkündür. Ölkədə digər kateqoriyalar üzrə də təqaüd və müavinətlərin artırılması realdır. Azərbaycanda sosial sığorta sistemi ilə bağlı islahatların əsas məqsədi əhalinin sosial rifahının daha da yaxşılaşdırılmasına imkan yaratmaqdan ibarət olduğundan, hökumət bu istiqamətdə lazım olan bütün addımları atacaq".
Məsələ ilə bağlı fikir bildirən iqtisadçı-ekspert Oqtay Haqverdiyev "Bakı-Xəbər"ə açıqlamasında qeyd etdi ki, minimum əməkhaqqının qaldırılması təklifi təqdirəlayiqdir. İqtisadçının sözlərinə görə, Avropa ölkələrində minimum əməkhaqqı xüsusi sistem əsasında tərtib olunur. Belə ki, Almaniya, İtaliya, İsveçrə, Avstriya, Norveç, Danimarka və İrlandiya kimi ölkələrdə vahid minimum əməkhaqqı anlayışı yoxdur: "Adıçəkilən ölkələrdə minimum əməkhaqqı səviyyəsi ayrı-ayrı sahələrdə həmkarlar ittifaqları ilə işəgötürənlər arasında kollektiv sazişlər əsasında müəyyən edilir ki, minimum əməkhaqqı məbləğinin dəyişdirilməsi haqqında qərar sahələr üzrə müvafiq şuralar tərəfindən qəbul edilir".
Müsahibimizin sözlərinə görə, minimum əməkhaqqı ixtisassız əməyə və xidmətə görə verilən ən aşağı aylıq əməkhaqqıdır: "Başqa sözlə desək, qanunla bu sahədə müəyyən edilən bir sosial normativdir. Onun mahiyyəti isə bundan ibarətdir ki, həmin əməkhaqqı buna işləyən şəxsin ən azı özünün minimum tələbatını ödəməyə imkan yaratmalıdır. Əks təqdirdə həmin əməyi təkrar istehlak etmək qeyri-mümkün sayılır".

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...