Bir neçə bank üzərində təhlükə dumanı qatılaşır

Tarix: 30.10.2014 / 02:07
Bölmə: İqtisadiyyat

Rəşad Həsənov: "Mərkəzi Bank bağlanma ehtimalı olan bankların adını açıqlamamaqla məsuliyyəti öz üzərinə götürür"

"Bankların bağlanması ilə bağlı vətəndaşları narahat edən əsas məsələ hazırda əmanətlərin geri qaytarılmasında yarana biləcək problemlərdir"

Məlum olduğu kimi, Mərkəzi Bank cari ilin sonuna kimi banklara kapital tələbini yerinə yetirməsi öhdəliyini qoymuşdu. İlin sonuna 2 ay qalmasına baxmayaraq, bəzi bankların bu sınaqdan üzüağ çıxması real görünmür.
Məlum məsələ ilə bağlı fikir bildirən Mərkəzi Bankın sədri Elman Rüstəmov mətbuata açıqlamasında qeyd edib ki, bank kapitalının 99 faizini əhatə edən banklar Mərkəzi Bankın kapital tələbini yerinə yetirəcək. Onun sözlərinə görə, ölkədə 5-6 bankın AMB-nin kapitala olan tələbini yerinə yetirməyəcəyi proqnozu var.
Bununla belə, E.Rüstəmov bu bankların aktivlərinin ümumi bank aktivlərinin 1 faizi ətrafında olduğunu da dilə gətirib. AMB rəhbəri onu da əlavə edib ki, bu banklarda əhalinin əhəmiyyətli həcmdə əmanətləri olmadığından, əmanətçilər və müştərilər üçün qorxulu bir hal yoxdur.
E.Rüstəmov bildirib ki, kapital tələbini yerinə yetirməyən banklardan ikisi xarici kapitallı bankdır: "Ümid edirik, xarici kapitallı banklar bir tədbir görəcək, hazırda onlarla danışıqlarımız gedir. Bir daha deyirəm, bu banklar çox zəif banklardır. Kapital tələbini yerinə yetirə bilməyən banklarla fərdi şəkildə rəftar olunacaq. Biz onlarla müxtəlif ssenariləri müzakirə edirik, gəlin bu barədə danışmağa tələsməyək".
İstisadçı-ekspert Rəşad Həsənov "Bakı-Xəbər"ə açıqlamasında bildirdi ki, bəzi bankların Mərkəzi Bankın kapital tələbini yerinə yetirməyəcəyi əvvəlcədən bəlli idi: "Bankların bağlanması ilə bağlı vətəndaşları narahat edən əsas məsələ hazırda əmanətlərin geri qaytarılmasında yarana biləcək problemlərdir. Lakin güman olunur ki, bankların kredit portfelinin geri toplanması, sığortalanan əmanətlərə Sığorta Fondunun ödədiyi kompensasiyalar nəticəsində vətəndaşların əmanətlərinin geri qaytarılmasında problem yaşanmayacaq".
R.Həsənov onu da əlavə etdi ki, bankların bağlanmasından vətəndaşlar ciddi zərər çəkməyəcək. Hansı bankların bağlanacağı hələ açıqlanmır: "Bu da böyük ehtimalla proses başlamadan öncə vətəndaşlar arasında ajiotaj yaranmamasına, banklara əmanətçi axınının qarşısının alınmasına xidmət edir. Mərkəzi Bank bağlanma ehtimalı olan bankların adını açıqlamamaqla məsuliyyəti öz üzərinə götürür. Bankların adının açıqlanmamasının bir səbəbi də Mərkəzi Bank tərəfindən həmin bankların maliyyə vəziyyətinin qiymətləndirilməsidir və bu sahədə ciddi problemin olmayacağı güman olunur".

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...