Qızıl bazarında yeni durğunluq başlayır

Tarix: 29.10.2014 / 02:28
Bölmə: İqtisadiyyat

Dünya bazarlarında dolların bahalaşması fonunda qızılın dəyərdən düşəcəyi proqnozlaşdırılsa da, tamamilə əks proses müşahidə olunur. Bu qiymətli metal yenidən dəyər qazanmağa başlayır və ona tələbatın artması müşahidə olunur. Təbii ki, bu da qızılın qiymət artımı ilə nəticələnir. Ölkəmizdə də qızılın qiymətində son günlərdə artım qeydə alınır.
Lakin buna paralel olaraq qızıl mağazalarında satışın azalması da diqqətdən yayınmır. Araşdırmalar göstərir ki, son iki həftə ərzində Bakının qızıl mağazalarında satışlar kəskin azalıb. Qızıl satışı ilə məşğul olan mağazalar da "fins" portalına bu faktı təsdiq ediblər. Qeyd olunur ki, son 15 gündə qızılın satışı 60%-ə yaxın aşağı düşüb. Satıcılar bunu məhərrəmlik ayının başlaması və toy mərasimlərinin dayandırılması ilə izah edir. Onların sözlərinə görə, nəticədə qızıl satışı 60-70% azalıb: "Əvvəl bir ay ərzində 10 min manatlıq zinət əşyaları satmaq olurdusa, indi bu rəqəm cəmi 3-4 min manatdır". Satışın azalması, bahalı və ya ucuz modellərdən asılı olmayaraq, bütün zinət əşyalarında eynidir.
Qeyd edək ki, ölkədə qızıl və daş-qaşa tələbatın aşağı düşməsi ilin əvvəlindən müşahidə olunur. Dövlət Gömrük Komitəsinin məlumatlarına görə, 2014-cü ildə ölkəyə gətirilən zinət əşyaları, yəni mirvari, qiymətli və ya az qiymətli daşlar, qiymətli metallar, üzərinə qiymətli metal çəkilmiş metallar və onlardan hazırlanan məmulatlar, bijuteriya, sikkələr azalıb. Belə ki, ötən ilin ilk 9 ayında Azərbaycana 672,1 milyon dollarlıq zinət əşyaları gətirildiyi halda, bu il həmin göstərici 2 dəfədən də çox azalaraq 292,4 milyon dollara enib. Lakin qızılın qiymət artımı da proseslərə təsirsiz ötüşməyib. Qızılın qiymətinə təsir göstərən faktorlara gəldikdə, rəylərə görə, qızılın qiymətindəki artıma dolların məzənnəsinin avroya nisbətdə artması, eləcə də investorların öz vəsaitlərini qızılla saxlamaq niyyətləri təsir edir. İnvestorların qızıla vəsait yönəltməsi bu metalın bahalaşmasına yol açıb. Ancaq qızılın qiymətinin artması yalnız valyuta bazarında baş verən dəyişikliklə bağlı deyil. Digər səbəblərdən də dünya bazarında qızılın qiymətində ciddi dəyişiklik müşahidə olunur. Qeyd edək ki, son 1 ildə qızılın qiymətində 6%, son 6 ayda isə 4 faiz azalma müşahidə edilirdi. Ancaq son bir ayın yekunlarına əsasən, qızılın qiymətində 2% artım olub. Ümumiyyətlə, praktik olaraq son bir ayda qızılın qiymətindəki azalma tempi zəifləyib. Belə ki, bir ay öncə bir qram qızılın qiyməti 38 dollar idisə, hazırda bu rəqəm 40 dollar hesablanır. Faktiki olaraq qızılın qramı bir ayda 2 dollar yüksəlib. Bu yüksəliş neftin qiymətinin aşağı düşməsi fonunda qızıla tələbatın artması ilə bağlıdır. Uzun müddət idi ki, qızıla tələbatın azalması müşahidə edilirdi. Ancaq son bir ayın yekunları onu göstərdi ki, qızılın qiymətində artım var. Bunun da əsas səbəbi investorların son bir ayda qızıla olan marağının yenidən bərpa edilməsi ilə bağlıdır. Avropa iqtisadiyyatında proqnozlaşdırılan, amma müşahidə edilməyən artım templəri, eləcə də işsizlik səviyyəsinin artması investorların vəsaitlərinin bir və yaxud əsaslı qismini qızıl almağa yönəltməsinə gətirib çıxarıb. Qiymətli metal böhran dövründə ən etibarlı yığım vasitəsi hesab olunur. Likvid qiymətli material kimi böhran dövründə qızıla tələbat artır. Bu isə, öz növbəsində, neftin qiymətinin aşağı düşməsindən irəli gəlir. İnvestorlar neftin qiymətinin aşağı düşməsi və bu tempin növbəti dövrlərdə də davam edəcəyi ilə bağlı narahatlıq keçirir və vəsaitlərini qızılda saxlamağa üstünlük verirlər.
Ekspertlər qeyd edir ki, neftin qiymətində azalmalar davam edərsə, bu, avtomatik olaraq qızıla tələbatı artıracaq. Belə vəziyyət qızılın qiymətinin yüksəlməsinə gətirib çıxaracaq. Qızılın qiymət dəyişikliyinin başqa səbəbi isə son dövrlər avronun məzənnəsinin son 6 ayda azalmasının səngiməsi və son iki həftədə dollara nisbətən müəyyən dəyişikliklərin olması ilə bağlıdır. Bu baxımdan valyuta bazarında ciddi dəyişikliklər baş verir. Ümumilikdə həm valyuta bazarında dəyişikliklərin baş verməsi ilə bağlı çətinliklər, həm də neftin qiymətinin düşməsi qızıla tələbatın artmasına gətirib çıxarır. Sözügedən artım qızılın qiymətinin yüksəlməsinə təsirsiz ötüşmür. Qiymət yüksəlişi isə bazarlarda satış həcmini azaldır. Satıcılar ölkəyə qızılın daha çox Türkiyə və Dubaydan gətirildiyini bildirir. Bunun səbəbi isə buradan gətirilən qızılın nisbətən ucuz olmasıdır. Lakin indi həmin ölkələrdən gətirilən qızılın da qiymətində artım müşahidə edilir ki, bu da satış həcminə təsirsiz ötüşmür.

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...