Məşhur bank neftlə bağlı çox bədbin proqnoz verdi

Tarix: 28.10.2014 / 01:58
Bölmə: İqtisadiyyat

Neftlə bağlı son proseslər hələ də bu istiqamət üzrə bazarda hasilatçılar üçün xoşagəlməz vəziyyətin yarandığını göstərir. Məhz belə bir vaxtda Amerikanın qabaqcıl sərmayə banklarından olan "Goldman Sachs Group" neft qiymətlərinə dair proqnozlarını aşağı salıb. Bank 2015-ci ilin birinci rübündə Brent nefti ilə bağlı qiymət proqnozunu 100 dollardan 85 dollara, ABŞ xam neftinə dair təxminini isə 90 dollardan 75 dollara endirib.
Bankın proqnozuna görə, gələn il Şimali Amerika hüdudlarından kənarda yerləşən ölkələrdə neft hasilatı artacaq. Analitiklərin fikrincə, Səudiyyə Ərəbistanının, Braziliyanın, Şimali Amerikanın, eləcə də Azərbaycanın hasilatı artırması 2015-ci ildə bazarda təklifi yüksəldəcək. Nəticədə dünya bazarında neftə olan tələb təklifdən geri qalacaq, bu da qiymətlərin daha da ucuzlaşmasına səbəb olacaq.
Proqnozlara görə, son iki ayda başlamış ucuzlaşma tendensiyası davam edəcək. "Newedge Group"dan analitik Kena Haseqava deyib ki, OPEK hasilatı azaltmaq barədə qərar qəbul etməyənə qədər qiymətlər aşağı enməkdə davam edəcək. Onun fikrincə, dünya bazarlarında qiymətlərin necə dəyişəcəyi OPEK-in gələn ay keçiriləcək toplantısında qəbul edilən qərarlardan asılı olacaq. OPEK isə Səudiyyə Ərəbistanına görə hasilatla bağlı hələ dəqiq qərar qəbul edə bilmir. Belə ki, Səudiyyə Ərəbistanı bazarda mövqeyini saxlamaq üçün hasilatı azaltmaq niyyətinin olmadığını açıqlayıb. Ötən ay dünyanın iri neft ixracatçısı olan Səudiyyə Ərəbistanı bazarda öz yerini qoruyub saxlamaq üçün hasilatı 0,5 faiz artıraraq gündə 9,65 milyon barrelə çatdırıb. ABŞ-ın neft istehsalını artırması da qiymətlərə öz təsirini göstərir. Birləşmiş Ştatların Energetika Nazirliyinin məlumatına görə, hasilat 2011-ci ildən bəri 47 faiz artaraq sutkada 5,7 milyon barreldən 8,4 milyon barrelə çatıb. Bu artımın 2020-ci ildə pik həddə çatacağı və sutkada 9,6 milyon barrel olacağı ehtimal edilir ki, bu da ABŞ-ı qlobal neft ixracatçısına çevirəcək. Təbii ki, neftin gələn il ərzində də qiymətdən düşməsi ölkəmiz üçün problem yarada bilər. Xatırladaq ki, gələn il üçün neftin bir barrelinin qiyməti Azərbaycan dövlət büdcəsində 90 dollardan götürülüb.
Millət vəkili Vahid Əhmədov da 2015-ci il üçün dövlət büdcəsi ilə bağlı layihələr barədə açıqlama verərkən qeyd edib ki, əsas məsələlərdən biri neftin qiyməti ilə bağlıdır. Vahid Əhmədov bildirib ki, neftin qiyməti 90 dollar nəzərdə tutulsa da, 2015-ci il üçün 80 dollar səviyyəsində götürülsə, daha yaxşı olar:
"Büdcədə əlavə vəsait yaradılarsa, qiymətin 90 dollar olmasına baxmaq olar. Ümumi götürdükdə, büdcənin göstəriciləri müsbətdir. Dövlət Neft Fondundan 10.3 milyard transfer var, bu da büdcənin təxminən 51 faizini təşkil edir. 2015-ci il üçün dövlət büdcəsində sosial layihələr yerinə yetirilərsə, heç bir problem və sıxıntı olmayacaq; hesab edirəm ki, yetiriləcək də. Çünki 53 milyard dollarlıq ehtiyat fondumuz var. Ancaq yenə də neftin qiyməti ilə bağlı ehtiyatlı davranmaq lazımdır". Millət vəkili "axar" portalına açıqlamasında neftlə bağlı digər məqamlara da toxunub: "Noyabrın 16-17-də Milli Məclisin plenar iclasında təkliflərimiz neftin qiyməti, ipoteka kreditləri, bizim seçildiyimiz dairələrlə əlaqədar yaranan bir neçə problemlə bağlı məsələlər olacaq".
Hələlik isə, qeyd olunduğu kimi, neft ucuzlaşmaqda davam edir. Əksər analitiklər qiymətlərin aşağı düşməsini neftin böyük həcmdə istehsalı ilə izah edir. Hazırda sutkada 29,5 milyon barrel neft istehsal edən OPEK gələn il tələbatın sutkada 1,19 milyon barrel artacağını, bununla yanaşı, hasilatın 300 min barrel azalacağını proqnozlaşdırır. Lakin enerji balansında proqnozlaşdırma problemləri də yaşanır. Bu, əsasən Liviya, İraq və İranda istehsalın qiymətləndirilməsində yaranan çətinliklərlə bağlıdır. Liviya hökuməti neft istehsalının sutkada 800 min barrelə çatdığını bildirsə də, bəzi yataqlar hərbi əməliyyatlar səbəbindən təhlükə altındadır. Səudiyyə Ərəbistanının əsas rol oynadığı OPEK-ə daxil olan bu üç ölkə ümumilikdə sutkada 7 milyon barrel neft istehsal edir. Buna görə də həmin ölkələrin istehsal həcmindəki dəyişikliklər dünya neft bazarına əhəmiyyətli dərəcədə təsir edə bilər. Liviya və İraqda müharibənin nə qədər davam edəcəyini, Qərblə İran arasında münasibətlərin necə dəyişəcəyini qabaqcadan demək çətindir. Sanksiyaların mümkün zəifləməsi İranın daha çox neft ixrac etməsinə şərait yarada, bu da mövcud balansı poza və qiymətlərin kəskin azalmasına gətirib çıxara bilər. Hər halda, neftlə bağlı çox gərgin vəziyyət hökm sürür. Bu mənada hesab olunur ki, Azərbaycan istənilən prosesə hazır olmalıdır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...