İlk Avropa Oyunlarının məşəli Salyan və Neftçalada böyük təntənə ilə qarşılandı

Tarix: 05.05.2015 / 02:44
Bölmə: İdman

"Bakı-2015" birinci Avropa Oyunları məşəlinin növbəti dayanacağı Salyan rayonu olub. Mayın 4-də birinci Avropa Oyunlarının məşəli Cəlilabaddan Salyana gətirilib. "Trend"in məlumatına görə, bu münasibətlə Salyan şəhərinin giriş qapısında təşkil olunan mərasimdə məşəl estafetinin iştirakçılarını yüzlərlə rayon sakini böyük coşqu ilə qarşılayıb.
Birinci Avropa Oyunlarının rəmzi qapısında kikboksinq üzrə məşqçi Rahil İsgəndərov Olimpiya məşəlini qəbul etdikdən sonra yürüşə start verilib. Məşəli növbə ilə bir-birinə ötürən on məşəlçi birinci Avropa Oyunlarının rəmzi qapısından başlayaraq 3,2 kilometr məsafə qət ediblər. Salyan şəhərinin Heydər Əliyev, Xəlil Rza, Yusif Qasımov, Aslan Hüseynov, Səməd Vurğun, Məmməd Əmin Rəsulzadə, Əli bəy Hüseynzadə, Təbriz Xəlilbəyli küçələri ilə hərəkət edən idmançılar məşəli Heydər Əliyev parkına gətiriblər.
Birinci Avropa Oyunlarının məşəl estafetini qəbul edən idmançıları meydana toplaşanlar hərarətlə alqışlayıb.
Azərbaycan Dövlət Bədən Tərbiyəsi İnstitutunun tələbəsi Cavid Quliyev səhnəyə qalxaraq birinci Avropa Oyunlarının məşəlini alovlandırıb.
Salyan şəhər 1 nömrəli məktəb-liseyin şagirdi Zərxanım Ağabəyova yandırdığı ilk Avropa Oyunlarının çırağını yarışlar başa çatanadək saxlanması üçün Heydər Əliyev Mərkəzinə təhvil verib.
Mərasimdə Atəşgah məbədində birinci Avropa Oyunları məşəlinin alovlandırılması mərasiminin əks olunduğu videoçarx nümayiş etdirilib.
Birinci Avropa Oyunlarının məşəli günün ikinci yarısında Salyandan Neftçalaya yola salınıb.
Bakı-2015 Avropa Oyunlarının məşəli Salyandan Neftçalaya ötürülüb. Azərbaycanın ən böyük çayı Kürün Xəzər dənizinə töküldüyü ərazidə yerləşən rayona axşama doğru yetişən məşəl sevinclə qarşılanıb. Cənub-şərqi Şirvan və Salyan düzü, qismən Muğan düzündə, dəniz səviyyəsindən 22 m aşağıda yerləşən, adının mənası "Neftli çala" olan Neftçalada səsinin ahənginə görə sevilən müğənni Anatollu Qəniyev və xalq şairi Xəlil Rza Ulutürk kimi insanlar dünyaya göz açıblar. Uşaq-gənclər idmanının sistemli inkişaf etdirildiyi 20 il ərzində rayondan boks, güləş, ağırlıqqaldırma kimi aparıcı idman növlərində ölkədaxili və beynəlxalq yarışların qalib və mükafatçıları yetişib.
Şəhər mərkəzində təşkil olunmuş yürüşü Azərbaycanın ərazi bütövlüyünün müdafiəsi zamanı fiziki sağlamlığını itirmiş mədəniyyət işçisi Ceyhun Mehdiyev başlayıb. Mirzə Ələkbər Sabir küçəsi və Heydər Əliyev prospekti boyunca qət edilən 4 km-ə yaxın yol boyunca bədən tərbiyəsi müəllimi Ülkər İbrahimova, məktəbli Səyyarə Səmədzadə, mədəniyyət işçisi Kamran Əsədov, boks üzrə gənclər arasında ölkə çempionatının qalibi Elmar Abbasov və finalçısı Həsənağa Həsənov, boks məşqçisi Xəyal Mustafayev, "Neftçala" FK-nın məşqçiləri Mehman İbrahimov, Fəxrəddin Mürvətov məşəli növbə ilə daşıyıblar.
Bu mərasimdə Bakı-2015-in ulduz elçiləri, sevilən aktyorlar Rafael İsgəndərov və Coşqun Rəhimovun da iştirak etməsi mərasimi izləməyə toplaşmış çoxsaylı Neftçala sakinlərinin xüsusi coşğusuna səbəb olub. Son məşəlçi, futbol məşqçisi Dilavər Yaqubov Bayraq meydanına gətirərək səhnəyə qalxıb. Burada yandırılmış və coğrafya fənni üzrə respublika olimpiadasının qızıl medalçısı İlham Səmədovun ictimaiyyətə təqdim etdiyi çıraq Oyunların sonuna qədər şəhərə hədiyyə edilib.
Bayraq meydanında keçirilən təntənəli qarşılanma mərasimi zamanı rayon sakinləri qonaqlarla, xüsusən də Bakı-2015-in ulduz elçiləri Coşqun Rəhimov və Rafael İsgəndərovla səmimi söhbət edərək, Birinci Avropa Oyunlarının Azərbaycanda keçirilməsindən məmnunluqlarını ifadə ediblər və idmançılarımıza uğurlar arzulayıblar.
Məşəl yürüşündə iştirak etmiş veteran futbolçu, hazırda Neftçalanın eyniadlı klubunda məşqçi kimi çalışan Mehman İbrahimov estafetlə bağlı təəssüratlarını bölüşüb: "Birinci Avropa Oyunlarının ən mühüm mərasimlərindən birinin iştirakçısı olduğum üçün sevincim hədsizdir. Bu etimada görə təşəkkür edirəm. Tarixdə yerini alacaq Oyunların idmanımızda xüsusi yeri olacaq və həmişə xatırlanacaq. Bu anların, bir xoş xatirə kimi, mənim də həyatımda xüsusi izi qalacaq. Məşəl estafetinin layiqincə, gurultu ilə qarşıladıqları üçün bütün həmyerlilərimə minnətdaram və onları bu bayram münasibətilə təbrik edirəm. Avropa Oyunlarında isə idmançılarımızın hər birinə uğurlar arzulayır və onlardan qələbələr, ən əsası, layiqli çıxış gözləyirəm".
Daha sonra məşəl Azərbaycanın balıqçılıq və kürü sənayesinin aparıcı müəssisəsi olan məşhur nərə təsərrüfatına aparılıb. Kür çayı sahilində salınmış yeni Bayraq meydanında ecazkar axşam mənzərələri seyr edilib, yelkən səyahətinə çıxılıb.
Xəzər dənizində palçıq vulkanları nəticəsində formalaşmış Kür daşı adası ilə də diqqət çəkən Neftçalada başa çatan estafet günü mayın 5-də Şirvan və Hacıqabulla davam etdiriləcək.
Alovun səyahəti barədə az.baku2015.com/Flame veb səhifəsindən ətraflı məlumat almaq olar.
Xatırladaq ki, "Bakı-2015" birinci Avropa Oyunlarının məşəl səyahətinə mindən çox məşəlçi cəlb olunub. İyunun 10-u məşəl proqramının son günü olacaq və məşəl Bakıya gətirilənədək təxminən 5500 kilometr məsafə qət edəcək.
İyunun 12-28-də idmanın 20 növü üzrə keçiriləcək ilk Avropa Oyunlarında Avropanın 50 ölkəsindən altı mindən çox atlet 253 dəst medal uğrunda mübarizə aparacaq.

DİGƏR XƏBƏRLƏR

Tarix: 23.08.2026 / 11:48

Sidney Marafonu təşkilatçılarının səhvi sosial mediada açıldı - medallara səhvən Münhen stadionunun şəkli vuruldu…

Tarix: 15.08.2026 / 18:26

İlham Zəkiyev 10-cu dəfə Avropa çempionu oldu

Tarix: 03.08.2026 / 13:56

Bosfor Qitələrarası Üzgüçülük Yarışı 38-ci dəfə keçiriləcək

Tarix: 29.07.2026 / 13:00

Futbol dünyası ŞOKda... FİFA prezidentinə milyardlarla dollarlıq gizli təklif - Tramp ailəsi Dünya Kubokunu ələ keçirir...

Tarix: 26.07.2026 / 11:50

Ermənistan güləşçiləri dünya çempionatında iştirak etmək üçün Bakıya gəldi

Tarix: 20.07.2026 / 18:10

Aslan Ercan beynəlxalq karate turnirində qızıl medal qazandı - FOTO

Tarix: 19.07.2026 / 11:37

Üçüncü yer uğrunda Fransa-İngiltərə oyunu tarixə düşdü...

Tarix: 19.07.2026 / 09:22

İspaniya, yoxsa Argentina? - Bu gün dünya çempionu bəlli olacaq...

Tarix: 18.07.2026 / 10:10

DŞ-2026: 3-cü yer uğrunda mübarizə başlayır - İngiltərə-Fransa

Tarix: 16.07.2026 / 13:18

Federasiya Hidayət Heydərovu sosial şəbəkə paylaşımlarına görə cəzalandırdı

Tarix: 15.07.2026 / 10:07

Fransa məğlub oldu - İspaniya 2010-cu ildən bəri ilk dəfə Dünya Kubokunun finalında...

Tarix: 15.07.2026 / 09:44

DÇ-2026: İngiltərə Argentinaya qarşı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 24.08.2026 / 20:58

Azərbaycan-Özbəkistan əməkdaşlığı dünya üçün Avrasiya məkanının strateji əhəmiyyətini artırır

Tarix: 24.08.2026 / 14:41

Ermənistan xarici siyasətdən Rusiyanı tamamilə silmək yolunu tutdu...

Tarix: 20.08.2026 / 21:55

Azərbaycan və daha 2 türk dövləti Avrasiyanın "orta gücləri"nə çevrilir...

Prezidentin xüsusi nümayəndələrinin daha səmərəli fəaliyyəti üçün zəruri şərt... Bu olarsa...