Azərbaycan I Avropa Oyunlarına tam hazırdır

Tarix: 01.05.2015 / 02:00
Bölmə: İdman

Azad Rəhimov: «Oyunlar Azərbaycanın inkişafını, dəyərlərini, mədəniyyətini, qonaqpərvərliyini ən yaxşı şəkildə nümayiş etdirəcək»

«Avropa Oyunlarına 43 gün qalmış ilk akkreditasiyanı almağıma çox sevinirəm. Bu akkreditasiyanın və uniformaların əhəmiyyəti çox böyükdür. İşçi heyətimizin və könüllülərimizin bunlardan qürurla istifadə edəcəklərinə şübhəm yoxdur».

Apasport.az saytının məlumatına görə, bu sözləri gənclər və idman naziri Azad Rəhimov deyib.

Bakı-2015 Avropa Oyunları Əməliyyat Komitəsinin (BAOƏK) baş icraçı-direktoru olan Rəhimov və BAOƏK-nin əməliyyatlar üzrə baş direktoru Saymon Kleq I Avropa Oyunları üçün öz uniformalarını və akkreditasiya kartlarını götürüblər. Nazir Bakı-2015-in Uniformaların paylanması və Akkreditasiya Mərkəzində baş tutan mərasimdə fikirlərini də açıqlayıb.

O bildirib ki, Oyunlara qısa bir müddət qaldığı vaxtda Azərbaycan böyük bir yol keçib: «Bu yol öncə bizə - hazırlıq işləri üçün çalışan gənclərimizə, 1000 nəfərdən artıq Avropa Oyunlarının Təşkilat Komitəsində işləyən heyətimizə, həmçinin 17-18 minə qədər komandamızla çalışan könüllülərə böyük bir təcrübə gətirib. Bütün xalq, Azərbaycan gözəl anları yaşayır. Həqiqətən də ölkəmizdə belə möhtəşəm, belə böyük tədbir heç vaxt keçirilməmişdi. Biz çox sevinirik ki, bu gün - Oyunlara 43 gün qalmış deyə bilərik ki, yarışa tam hazırıq».

Rəhimov iyunun 12-28-də baş tutacaq Oyunlar üçün heç bir sahədə gecikmə olmadığını vurğulayıb. O qeyd edib ki, dünyanın ən yüksək standartlarına cavab verən idman qurğuları inşa olunaraq, istifadəyə verilir: «Bunlar sabah gənclərimizin, sakinlərimizin ixtiyarında olacaq. Bu gün şəhərimiz gündən-günə gözəlləşir. Paytaxtın müxtəlif yerlərində yeni brendinqlərin açılışının şahidi olacaqsız. Tam əminliklə deyə bilərəm ki, Bakı Oyunları keçirməyə və qonaqları qəbul etməyə hazırdır».

Nazirin sözlərinə görə, Bakı-2015 ailəsinin geyinəcəyi uniformalar paytaxtımıza gələcək idmançılar, qonaqlar üçün bu proyektdə nə qədər insanın çalışdığını birbaşa göstərəcək.

Avropa Oyunlarının yüksək səviyyədə keçiriləcəyinə əminliyini ifadə edən Rəhimov yarışın Azərbaycanın tarixində qalacağını, xüsusi iz buraxacağını deyib.

Rəhimov Avropa Oyunlarının təbliğində rol oynayan KİV nümayəndələrinə də təşəkkürünü çatdırıb: «Sizə öz dərin minnətdarlığımızı bildirmək istəyirəm ki, daima bizimlə birgə olmusuz. Bizim bütün addımlarımızı işıqlandırmısız. Şəhərdə bu gün çox gözəl ab-hava var və inanırıq ki, bu Oyunlar Azərbaycanın inkişafını, dəyərlərini, mədəniyyətini, qonaqpərvərliyini ən yaxşı şəkildə nümayiş etdirəcək».

Nazirin ardınca tədbirdə söz alan Saymon Kleq dəstəyə görə Bakı-2015-in Təşkilat Komitəsinin sədri Mehriban xanım Əliyevaya minnətdarlığını çatdırıb. Baş direktor dünya səviyyəli tədbirin plana uyğun getdiyi üçün sevincini də gizlətməyib. O bildirib ki, uniforma və akkreditasiyaların artıq təqdim olunması bizi möhtəşəm idman bayramı üçün bütün əməliyyatların tam hazır olmasına daha bir addım yaxınlaşdırır.

DİGƏR XƏBƏRLƏR

Tarix: 18.06.2026 / 17:40

Azərbaycanın kamandan oxatma üzrə idmançısı IV Avropa Oyunlarında iştirak etmək üçün kvota qazanıb

Tarix: 18.06.2026 / 16:27

Azərbaycanda ilk dəfə paraüzgüçülük üzrə ölkə çempionatı keçirilib

Tarix: 15.06.2026 / 20:44

FIFA prezidentindən sensasiyalı təklif – Fələstin-İsrail matçı ilə açılış edilsin...

Tarix: 11.06.2026 / 09:43

Futbol üzrə dünya çempionatı başlayır - Meksika və CAR bu gün qarşılaşır...

Tarix: 10.06.2026 / 15:39

Milli Paralimpiya Komitəsinin rəhbərliyi medal qazanan parataekvondoçularla görüşüb

Tarix: 09.06.2026 / 20:52

Beynəlxalq media əfsanəvi 10 karateçinin sırasına azərbaycanlını da saldı - Rafael Ağayev

Tarix: 07.06.2026 / 22:39

Parataekvondoçularımız Prezident Kubokunda 1 qızıl və 2 bürünc medal qazanıblar

Tarix: 05.06.2026 / 00:02

Minifutbol millimiz Avropa Çempionu oldu!

Tarix: 04.06.2026 / 17:40

"Fənərbağça" prezidenti Sadettin Saran həbs edildi

Tarix: 03.06.2026 / 10:23

UEFA "Turan Tovuz"u avrokuboklardan kənarlaşdırdı

Tarix: 21.05.2026 / 18:52

İkiqat Olimpiya çempionunun oğlu Azərbaycan üçün yarəşacaq

Tarix: 21.05.2026 / 18:52

İkiqat Olimpiya çempionunun oğlu Azərbaycan üçün yarəşacaq

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...