Avropa Oyunlarının məşəli Atəşgahda yandırılıb, bütün Azərbaycanı gəzəcək

Tarix: 21.04.2015 / 02:21
Bölmə: İdman

Dünən Bakı-2015 Avropa Oyunlarının məşəl proqramının təqdimatı keçirilib.
Trend-in məlumatına görə, təqdimatda Azərbaycanın gənclər və idman naziri və Bakı-2015 Avropa Oyunları Əməliyyat Komitəsinin (BAOƏK) baş icraçı direktoru Azad Rəhimov, BAOƏK-in əməliyyatlar üzrə baş direktoru Saymon Kleq, Bakı-2015-in mərasimlər üzrə direktoru Katerina Uqvu və digər qonaqlar iştirak ediblər.
Tədbiri giriş sözü ilə açan gənclər və idman naziri A.Rəhimov qeyd edib ki, Avropa Oyunları Avropa idmanı və Azərbaycan üçün tarixi hadisədir: "Bu, Avropa ailəsinin müstəqil, gələcəyə ümidlə baxan bir üzvü kimi, ölkəmizin inkişafına böyük təsir göstərəcək".
Nazir qeyd edib ki, Bakı-2015-in məşəli aprelin 26-da Odlar Yurdu Azərbaycanın qədim və müqəddəs Atəşgah məbədində alovlandırılacaq.
A.Rəhimov bildirib ki, ölkə boyunca 60 rayona səyahət edərək Oyunların ruhunu yayacaq və insanların qəlblərini isidəcək alov 47 gün sonra, iyunun 12-də təşkil olunacaq açılış mərasiminədək təxminən 5500 km məsafə qət edəcək: "Özünəməxsusluğu ilə fərqlənəcək bu səyahət Azərbaycanın tarixi, təbii imkanları, idman və mədəni sahədəki uğurlarını nümayiş etdirəcək".
Nazir deyib ki, 660 sm hündürlüyü olan məşəlin gövdəsi Bakı-2015 brendində yer alan nar ağacını xatırladır. Onun sözlərinə görə, alovu qoruyan mis başlıq da nar formasındadır - onun 50 dənəsi Oyunlarda iştirak edən ölkələrin sayını təmsil edir.
A.Rəhimov vurğulayıb ki, alov hər məntəqədə Məşəl və Oyunların brendindən götürülmüş, nar ağacı motivləri əsasında Azərbaycanın milli-mədəni dəyərlərini əks etdirərək hazırlanmış neftlə yanan çıraqlara ötürüləcək.
Nazirin sözlərinə görə, Məşəl səyahətində 150 yaradıcı komanda, 132 nəqliyyat vasitəsi iştirak edəcək: "Məşəl iyunun 7-də Bakıya qayıdacaq və Oyunların açılış gününə qədər paytaxtda maraqlı tədbirlər keçiriləcək. Onların sırasına 8 iyun tarixində İdman arenaları günü, 9 iyunda İçərişəhər günü, 10 iyunda İncəsənət və memarlıq günü, 11 iyunda isə Məşəl proqramının son günü olaraq keçiriləcək tədbirlər daxildir".
A.Rəhimov əlavə edib ki, Bakı-2015-in məşəl və çırağını YARAT-ın bədii rəhbərliyi ilə Sebastian Berqne dizayn edib: "Dizayner məşəlin hazırlanmasında Azərbaycanın ənənəvi metal işləmə sənətindən bəhrələnib. Beləliklə, məşəl milli-mənəvi varlığımızı tərənnüm edən daha bir vasitəyə çevriləcək".

Bakı-2015-in mərasimlər üzrə direktoru K.Uqvu isə qeyd edib ki, Alov səyahəti Avropa Oyunlarına gedən yolda yüksək əhvali-ruhiyyənin və marağın yaranmasına səbəb olacaq. Onun sözlərinə görə, səyahət bundan sonra baş verəcək hadisələrin gedişatını müəyyən edəcək.
K.Uqvu bildirib ki, səyahət zamanı ümumilikdə 1000-dən çox məşəlçi iştirak edəcək: "Məşəl yer üstündə avtobus, funikulyor, velosiped, yer altında Bakı metrosu, suda qayıq, havada isə təyyarə ilə daşınacaq". Daha sonra Məşəlin və Çırağın dizaynı ictimaiyyətə təqdim edilib.

DİGƏR XƏBƏRLƏR

Tarix: 23.08.2026 / 11:48

Sidney Marafonu təşkilatçılarının səhvi sosial mediada açıldı - medallara səhvən Münhen stadionunun şəkli vuruldu…

Tarix: 15.08.2026 / 18:26

İlham Zəkiyev 10-cu dəfə Avropa çempionu oldu

Tarix: 03.08.2026 / 13:56

Bosfor Qitələrarası Üzgüçülük Yarışı 38-ci dəfə keçiriləcək

Tarix: 29.07.2026 / 13:00

Futbol dünyası ŞOKda... FİFA prezidentinə milyardlarla dollarlıq gizli təklif - Tramp ailəsi Dünya Kubokunu ələ keçirir...

Tarix: 26.07.2026 / 11:50

Ermənistan güləşçiləri dünya çempionatında iştirak etmək üçün Bakıya gəldi

Tarix: 20.07.2026 / 18:10

Aslan Ercan beynəlxalq karate turnirində qızıl medal qazandı - FOTO

Tarix: 19.07.2026 / 11:37

Üçüncü yer uğrunda Fransa-İngiltərə oyunu tarixə düşdü...

Tarix: 19.07.2026 / 09:22

İspaniya, yoxsa Argentina? - Bu gün dünya çempionu bəlli olacaq...

Tarix: 18.07.2026 / 10:10

DŞ-2026: 3-cü yer uğrunda mübarizə başlayır - İngiltərə-Fransa

Tarix: 16.07.2026 / 13:18

Federasiya Hidayət Heydərovu sosial şəbəkə paylaşımlarına görə cəzalandırdı

Tarix: 15.07.2026 / 10:07

Fransa məğlub oldu - İspaniya 2010-cu ildən bəri ilk dəfə Dünya Kubokunun finalında...

Tarix: 15.07.2026 / 09:44

DÇ-2026: İngiltərə Argentinaya qarşı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 24.08.2026 / 20:58

Azərbaycan-Özbəkistan əməkdaşlığı dünya üçün Avrasiya məkanının strateji əhəmiyyətini artırır

Tarix: 24.08.2026 / 14:41

Ermənistan xarici siyasətdən Rusiyanı tamamilə silmək yolunu tutdu...

Tarix: 20.08.2026 / 21:55

Azərbaycan və daha 2 türk dövləti Avrasiyanın "orta gücləri"nə çevrilir...

Prezidentin xüsusi nümayəndələrinin daha səmərəli fəaliyyəti üçün zəruri şərt... Bu olarsa...