Bəlli olduğu kimi, fevralın 9-da Lapşinin Azərbaycana ekstradisiyaı Ermənistanda böyük isterika ilə qarşılandıı.
Əslində belə bir isterika gözlənilən idi, çünki on illərdir Azərbaycan torpaqlarını işğal altında saxlayan bu ölkə məhz tipik erməni həyasızlığı ilə dünyanın aparıcı dövlətlərinin gözünə girməyi bacardığından, özünün Qarabağ mövzusunda haqsız mövqeyini də elə bu məkrli həyasızlığı ilə onlara sırıyıb. Təsadüfi deyil ki, işğaldan ötən onilliklər ərzində Azərbaycan hər zaman dünya güclərinin ikili standartları ilə üzləşməli və beləliklə də özünün haqlı mövqeyini bir daha isbat etmək zorunda qalıb. Lakin getdikcə Azərbaycanın istər iqtisadi, istər hərbi cəhətdən güclənərək regionda söz sahibinə çevrilməsi bu kontekstdə mənzərəni əsaslı şəkildə dəyişdi. Azərbaycan münaqişənin hərbi yolla çözümünü son çıxış yolu kimi gündəmdə saxlasa da, son iilər əldə etdiyi diplomatık uğurlarla bu həllə addım-addım yaxınlaxmaqdadır.
Belə uğurlardan biri də Aleksandr Lapşinin ölkəyə ekstradisiya edilməsi oldu. “lapşin işi” Ermənistanda bomba effekti yaratdı. Hətta bu hadisəni Sarkisyanın və Nalbandyanın üzünə vurulan “tərs şillə” kimi xarakterizə edən erməni siyasətçiləri də tapıldı. Ölkəni isə Lapşinin Bakıya ayaq basması ilə aksiyalar bürüdü. Bu aksiyaların iştirakçılarının tələbləri əsasən Belarus səfirinin ölkədən qovulması, bu ölkə ilə diplomatik əlaqələrin kəsilməsi və Sarkisyanın istefasıdır. Bu günlərdə isə Fransa Strateji Tədqiqatlar Mərkəzinin erməni eksperti Kays Minasyan ölkə saytına verdiyi müsahibədə fərqli mövqe ortaya qoyub. Deyib ki, Ermənistan bu məsələdə radikal çıxışlar etməli deyil. Onun sözlərinə görə, guya Azərbaycan Lapşinin Belarusdan ekstradisiya edilməsinə nail olmaqla çox böyük səhvə (!) yol verib və Ermənistan məhz bu “səhvin” üzərindən yeriyərək məsələnin üzərinə getməlidir. Erməni ekspert bu “səhvi” isə onunla əsaslandırmağa çalışır ki, guya Azərbaycan Belarusla bu məsələdə birgə hərəkət etməklə diktaturanın yanında olduğunu göstərib və bununla da Rusiya ilə münasibətlərinə “ziyan vurub”. Əslində isə dördgünlük aprel müharibəsindən sonra bu münasibətlərin pozulması ermənilərin ən böyük arzusudur. Çünki məhz o günlərə qədər arxasını Rusiyaya söykəyib “ulduza hürən” Ermənistan tək qaldığını anladı. İndi istisna deyil ki, Lapşinin həm də Rusiya vətəndaşı olmasını əsas gətirərək, bu ölkənin bəzi qüvvələri qızışdırıcılıq fəaliyyətinə başlasın. Minasyanın sözügedən müsahibədəki fikirlərini də elə bu yöndə çağırış kimi xarakterizə etmək olar.
Sözügedən müsahibəsində erməni ekspert həm də ABŞ və Avropaya səslənir, onları guya Azərbaycanın Qarabağa səfərlərin qarşısını almaqla insan haqlarının pozulmasına yol verdiyinə inandırmağa çalışır. Lakin unudur ki, elə insan haqlarının posulması üzündən Ermənistan getdikcə boşalmaqdadır və elə ermənilərin öz mətbuatının bu yaxınlarda yazdığı kimi, ermənilər adıçəkilən ölkələrə ya qanunsuz pullar mənimsəməyə, ya da oğurluq etməyə gedir...
Samirə
