Dahi Azərbaycan şairi Məhəmməd Füzulinin 530 illiyinin qeyd edilməsi haqqında Azərbaycan Respublikası Prezidentinin Sərəncamına əsasən Xətai Rayonu 221 saylı orta məktəbin qabaqcıl və fəal müəllimlərindən Azərbaycan dili və Ədəbiyyat müəllimi Lalə Məmmədlinin təşkilatçılığı ilə Məhəmməd Füzulinin anadan olmasınım 530 illiyinə həsr olunmuş ədəbiyyat gecəsi keçirilib.
"Füzuli 530" adlanan tədbirdə məktəb rəhbərliyi, Xətai rayon İcra Hakimiyyətinin İctimai-Siyasi və Humanitar Məsələlər şöbəsinin müdiri Pənah İmanov, "Qoşa Ulduz" jurnalının təsisçisi, şairə-publisist Gülzar Şəmkirli, "Qoşa Ulduz" jurnalının redaktoru və şairə-publisist Qızbəs Qəbələ iştirak edib.
Vaxtaşırı birbirindən rəngli kompazisiyaları ilə Xətai rayon məktəbləri arasında özünəməxsus tədris metodikası ilə sayılıb seçilən Müəllimə Lalə Məmmədlinin şagirdləri olan 5 "C" və 8 "C" sinfinin bütün yetirmələri Azərbaycan ədəbi-bədii fikrinin inkişafında müstəsna yer tutan, Yaxın və Orta Şərq ölkələri ədəbiyyatına mühüm təsir göstərən qüdrətli şair Məhəmməd Füzulinin qəzəllərindən parçalar səsləndirib, "Rindü-zahid", "Leyli və Məcnun", "Söhbətül-əsmar" əsərlərini səhnələşdirməyə müvəffəq olublar.
Azərbaycan ədəbi zənginliklərini gənc nəslə sevdirməyi bacaran Lalə Məmmədlinin verdiyi məlumata görə Cənab Prezident İlham Əliyevin Məhəmməd Füzulinin 530 illiyi ilə bağlı verdiyi sərəncamdan dərhal sonra bu tədbirin hazırlıqlarına başlanılmasına qərar verilib.
Lalə Məmmədlinin sözlərinə görə məktəb müdürü Günel Səmədova isə hər zaman elmə qiymət verən ziyalı bir şəxsiyyət olduğu üçün belə tədbirlərin hazırlanmasında dəstəklərini heç bir zaman əsirgəmir. Peşəsinin aşiqi olan Lalə xanım əsas məqsədinin bilikli, savadlı, elmli gənc nəsil yetişdirmək olduğunu vurğalayaraq, bugün şagirdlərinin uğurlu çıxışlarını izlədikcə sevinc gözyaşları içində onları izlədiyini söyləyirdi:
"Əziyyətim boşa getməyib. Əsas məsələ budur! Azərbaycan ədəbiyyatı çox zəngindir. Dilimizin zənginliyini, ədəbi irsimizin zənginliyini şagirdlərimə aşılamaq bir müəllimə olaraq həm məsləki borcum, həm də onları savadlı bir fərd olaraq yetişdirə bilmək mənim vətəndaşlıq borcumdur deyə düşünürəm.
Hesab edirəm ki, müəllimlik peşəsi istedadlı və savadlı hər bir fərdin təməlini qoyan ən ali peşədir. Hər bir ailə mənə əgər öz övladını etibar edibsə, mənim bu etimada sahib çıxmam gərəkir, bu etimadı doğrultmam gərəkir. Ona görə də, mən bugün əminəm ki, bugün izlədiyiniz istedadlı gənclərimiz sabahın məşhur liderleridir. Onların sorağını hələ biz çox duyacağıq. Ən ali yerlərdən gələcək onların sorağı. Çünkü bugün burada çıxış edən hər bir gəncin əsas yaşam devizi Vətənə və millətə xidmətdir!" dedi.Daha sonra gənc istedadların gərçəkləşdirdikləri səhnələrlə bağlı məlumat verən Lalə Məmmədli tərbirdə "Leyli və Məcnun" əsərindən bir parçanın səhnələşdirildiyini bildirdi: "Səhnədə Leyli rolunda Hülya Paşazadə, Lelinin anası rolunda Nəzrin Əhmədzadə, Məcnun rolunda isə Xəlilli Yusif oynadı. Əsərdə Leylinin anasının Leyliyə nəsihəti, Leylinin özünün hüquqsuzluğundan danışması və Məcnun bu sevgidən əl çəkməyişi hissələri təqdim edilmişdir.Dahi Fizulinin bir digər səhnələşdirilən əsəri isə "Rindü-Zahid" idi. Tamaşada müəllifin sözlərini Məmmədli Rəhimə, Zahidin sözlərini Məstəlizadə Elmir, Rindunun sözlərini isə Məmmədli Yusif, qoca rolunu isə Osmanlı Əlirıza canlandırdı. Tamaşada Məhəmməd Füzuli obrazını Məmmədov Əli oynadı. Dahi Füzulinin təzkirəçisi olan Əhdi-Bağdadi rolunu isə Cahangirli Telman canlandırdı. Belə ki, tamaşa Füzuli və Əhdi-Bağdadi arasında gedən söhbətə uyğun olaraq səhnələşdirilməsinə nail olunmuşdur.Şagirdlərim arasında ayrıseçkilik qoymadan hər birinin ismini çəkmək istəyirəm: İbrahimov Elmar, Sarıyev Əli, Əhmədzadə Nuray, İskəndərova Kəhriz, Əsədova Nuray, Ağayeva İlknur, Osmanlı Əlirıza, Məmmədli Rəhimə, Fərzəliyeva Mədinə, Məstəlizadə Elmir, Məmmədli Solmaz, Əlizadə Yağmur, Əhmədli Mədinə, Rzazadə Esma, Priyeva Lalə, Səmədli Xədicə, Bağırova Aysun, Məmmədzadə Gülay, Əmiraslanova Əsmər, Paşazadə Həmid, Mirzəzadə Kənan, Səlimov Nicat, Kərimli Aylin, Əliyev Kənan Həbibov Yasin, Xubarzadə Zaur, Əliyev Əli, Bayramova Ayan kimi birbirindən dəyərli gənclərin ismini isə dahi Füzulinin müxtəlif dillər əzbəri olan qəzəllərinin səslədirilməsində dinləmək mümkün oldu" dedi.
Şairə-publisist Gülzar Şəmkirli isə Lalə Məmmədlinin təşkilatçılığı və gənc şagirdlərin səhnələşdirdikləri tamaşa ilə bağlı fikirlərini bizimlə də bölüşdü:"Lalə xanım möhtəşəm kompozisiyalar hazırlanmışdı. Çox gözəl, çox gözəl, çox gözəl! İlk öncə dövlət himnimiz səsləndirildi. Şəhidlərimizin ruhu bir dəqiqəlik sükutla yad edildi. Sonra uşaqlar Məhəmməd Füzulinin əsərlərindən kompaziyaları möhtəşəm səviyyədə təqdim etdilər. Olduqca yüksək səviyyədə hazırlanan bu tamaşa baxmayaraq ki, sadəcə Lalə Məmmədlinin təşkilatçılığı ilə hazırlanmışdı, Orada böyük əmək vardı.
Bir komadanın görməsi gərəkən işi, çiyinlərinə alması gərəkən məsuliyyəti Lalə Məmmədlinin bir ədəbiyyat müəllimi olaraq bunu reallaşdırması heç bir sözlə ifadə edilməyəcək böyük miqyaslı zəhmətin bəhrəsi idi. Mən bir yazçı olaraq böyük zöv aldım. Lalə Məmmədli kimi müəllimlərimiz çox olmalıdır.
Gənclərimizin istedadını tədbirdə çıxışım zamanı da vurğuladım. Hətta təklif də etdim ki, Təhsil Nazirliyi məktəblər arasında belə fəaliyyətlərin müsabiqəsini təşkil etməlidir. Bu həm gənc istedadlarımızın üzə çıxmasında böyük rol oynayar, həvəsləndirmə mexanizmi olaraq daha böyük nailiyyətlərə tövhə verər, həm də Lalə Məmmədli kimi gecəsini, gündüzünü peşəsinə həsr edən müəllimlərin örnək müəllim olaraq fərq edilməsində müstəsna rol oynayardı. Ümid edirəm mənim səsimi duyacaq, zamanında elmə və biliyə önəm verən Heydər Əliyev mirasına sahib çıxacaqlar!" Gülzar Şəmkirli tədbirlə bağlı fikirlərini ifadə etdi.
"Qoşa Ulduz" jurnalının redaktoru şairə-publisist Qızbəs Qəbələ isə öz növbəsində çıxışında uşaqların fəaliyyətini alqışladı: "Bu uşaqları ürəkdən alqışlayıram. Əsasən də onları belə yetişdirən müəllimi ayaqda alqışlayıram. Müəllim ən səmimi, böyük və həssas varlıqdır. Mən bu səmimiyyəti, bu həssaslığı bugün bu uşaqların həvəslə çıxışlarında görmək mümkündür. Lalə Məmmədli kimi müəllimlər çox olmalıdır. Günel Səmədova kimi məktəb direktorları çox olmalıdır. Gənc nəslə öz istedadlarını nümayiş etdirə bilməsi üçün belə bir platforma yaratdıqları üçün başda direktor və Lalə xanım olmaqla, bütün məktəb kollektivinə öz təşəkkür edir, dəvətə və çıxış üçün söz verdikləri üçün də minnətdarlığımı bildirmək istəyirəm" dedi.
Qeyd edək ki, Azərbaycan mədəniyyətinin və ədəbi zənginlikırinin məktəblilərə bu dərəcə sevdirən müəlliməninin səsi-sorağı qardaş Türkiyə mətbuatının da marağına səbəb olub. Məktəbin özəl yox, dövlət məktəbi olmasına baxmayaraq, Lalə Məmmədli kimi peşəsinə aşiq pedaqoqların belə həvəslə fəaliyyəti isə Türkiyə ictimaiyyəti tərəfindən təəccüb ilə qarşılanıb.
