İrak Türkləri Dərnəyi Genəl Mərkəz Yönətim Kurulu dünya ictimaiyyətinə, mediaya, türk dövlətlərinə və beynəlxalq təşkilatlara həyəcanlı xəbərlərlə müraciət edib.Müraciətdə
1- ci dünya müharibəsindən sonra İrak türkmənlərinin həm krallıq, həm də cümhuriyyət dövründə dəhşətli zülmlərə məruz qaldıqlarını bildirirlər. 35 illik Səddam diktaturası dövründə isə türkmənlərə edilmiş zülm cild- cild kitablara sığmaz.Səddamdan sonra türkmənlər ilk böyük zərbəni 2003- cü il Konstitusiyası ilə aldılar.ABŞ güclərinə güvənən KDP və KYP peşmərgələri Kərkük daxil bütün türk bölgələrinə təcavüzə başladılar.ABŞ işğalının ardınca 2003- 2017- ci illərdə Kərkük şovinist kürdlərin hakimiyyəti altına girdi .Kərkük valisi Nəcməddin Kərimin dönəmində türkmənlərə qarşı gecə zorlamaları, qətliamlar, sui- qəsdlər, adam oğurluqları dəhşətli şəkil aldı .Ərazinin demoqrafik tərkibi zorla köçürmələr hesabına dəyişdirildi.2003- cü ildə 850 min olan Kərkük əhalisi 2017- ci ildə 1.800.000 - ə çıxarıldı. Bunlar Kərkük türklərinin təbii çoxalması hesabına yox, kənar məskunlaşmalar hesabına baş verdi.İrakın quzeyindən gətirilən toplu köçlər hesabına Kərkük əhalisini 14 ildə 2 dəfə artırdılar və Kərkükün təbii demoqrafiyasını sarsıtdılar.Bu günlərdə Türkiyənin XİN Hakan Fidanın İrak rəhbərliyi ilə, Şimali İrak Kürd yönətimi ilə və Türkmən siyasətçiləri ilə bir araya gəlməsinin dərhal ardından İrak baş naziri Məhəmməd Şiya əs- Sudaninin ani bir qərarı ilə Kərkükdə 33 karakol qərargahının KDP peşmərgələrinə təslim ediləcəyi bildirildi. Bu qərar Bağdad parlamentində gündəmə alınmadan Kərkük türklərindən xəbərsiz şiə və sünni ərəblərin kürd partiyaları ilə gizli razılaşması əsasında hazırlanaraq məclisdə səsverməyə çıxarılmışdır.Lakin parlamentin yeganə türkmən millət vəkili Ərşad Salihin sərt etirazı və dirənişi ilə geri qaytarılmışdı.İndi biz türkmənlər Türkiyə cümhur başqanı R.T.Ərdoğanın İraka gözlənilən səfəri zamanı mərkəzi hökumətlə bu xüsusda nə müzakirə aparacağını səbrsizliklə gözləyirik. 2012- ci ildə eyni ilə bu kürsüdən etdiyimiz müraciəti bir daha təkrar edirik.Türkiyəni vasitəçilik səylərini artırmağa ,qarantorluq missiyasını üzərinə götürməyə çağırırıq.Əks halda bölgə ilə heç bir əlaqəsi olmayan güclər türkmənlərin və bütün türklərin taleyi ilə oynayacaqlar.Kərkük məsələsi çoxdan bölgəsəl çərçivədən çıxıb.Bütün türk dünyasına müraciət edirik ki, Kərkük məsələsi ilə ciddi məçqul olsunlar.Ortada Kərkükü türkmənlərdən tam təmizləmə siyasəti var .Kərkükdən vaz keçmək tək Türkmənelindən deyil, Kıprısdan, Şuşadan, bütün Qarabağdan vaz keçməkdir. 1959, 1980,1991,1996, 2003- də eyni zehniyyətin türkmənlərə yaşatdıqları qəsbkarlığın təkrar edilməməsi üçün səsimizə hay verməyinizi istəyirik.
Mətləb
