ABŞ-ın sui-qəsd timi kimi tanınan və 11 sentyabrdan indiyə kimi sui-qəsd, edam, gizli işgəncə və adam qaçırma kimi əməliyyatlar aparan xüsusi birlik JSOC-un da Mosul əməliyyatında aktiv rol oynadığı bildirilir.
ABŞ-ın rəhbərlik etdiyi anti-İŞİD koalisiyanın 13 üzvü ilə keçirilən yığıncaqdan sonra açıqlama verən ABŞ müdafiə naziri Eşton Karter gözlənilməz bir etiraf edib və JSOC-un İraqda olduğunu deyib: "Biz əməliyyatlarda Birgə Xüsusi Əməliyyatlar Komandanlığına (The Joint Special Operations Command) da vəzifə verdik".
İraqdakı əməliyyatlarda aktiv rol alan JSOC, uzun müddətdir İraq və Suriyadakı yerli qüvvələrə hərbi təlimlər keçir. Mütəxəssislərə görə, son 3 ayda 35 İŞİD liderinin xüsusi əməliyyatlarla öldürülməsində JSOC xüsusi təyinatlılarının xüsusi rolu olub.
11 sentyabrdan sonra saysız əməliyyatlar başladı
11 sentyabr olaylarından sonra təlimatları birbaşa Ağ Evdən alan ABŞ-ın gizli sui-qəsd timi JSOC sui-qəsd, edam, gizli işgəncə və adam oğurluğu kimi əməliyyatlarda CIA-nı (Mərkəzi Kəşfiyyat İdarəsi) da geridə qoyub.
“Washington Post”un xəbərinə görə, son 10 ildə əsgərlərinin sayı 25 minə çatdırılan Birgə Xüsusi Əməliyyatlar Komandanlığının (The Joint Special Operations Command) minlərlə adamı öldürdüyü ortaya çıxmışdı.
ABŞ mediası deşifrə etdi
Amerika Mərkəzi Kəşfiyyat İdarəsi (CIA), başda Əfqanıstan olmaqla dünyanın digər qaynar bölgələrində pilotsuz təyyarələrlə təşkil etdiyi hücumlarla gündəmə gəldiyi bir vaxtda ABŞ-da işıq üzü görən bir kitab, ABŞ-ın 11 sentyabrdan bu yana sürətlə böyüyən bir başqa “gizli sui-qəsd” timini deşifrə etmişdi.
“Washington Post”un müxbirləri Dana Priest və Uilliam Arkinin “Top Secret America: The Rise of the New American Security State” adlı kitabı JSOC-un 1980-ci ildə qurulduqdan sonra 11 sentyabrdan sonra necə böyüdüyünü ortaya çıxarıb.
Kitaba görə, son 10 ildə JSOC-un xüsusi təyinatlılarının sayı 1800-dən 25 minə çatıb. Pakistanda “Əl Qaidə” lideri Usamə Bin Ladini öldürən xüsusi SEAL birliyinin də bağlı olduğu JSOC sui-qəsd, şübhəlilərin tutulub dindirilməsi və kəşfiyyat toplanması kimi gizli əməliyyatlarda CIA-nı 10-a qat üstələyib.
Əmrləri birbaşa Ağ Evdən alırlar
JSOC keçmiş prezident Corc Buş və xələfi Barak Obamanın əmri ilə İraq və Əfqanıstanda, ABŞ-ın rəsmi olaraq müharibədə olmadığı Yəmən, Suriya, Pakistan, Somali, Filippin və Nigeriya kimi ölkələrdə əməliyyatlar keçirib. Ağ Ev JSOC-a “qara siyahı”dakı şəxsləri tutub birbaşa öldürmək, yəni sui-qəsd səlahiyyəti verir. JSOC-un ölüm siyahısı CIA-dan müstəqil olaraq hazırlanır.
Xüsusi təyinatlılar saxlanma mərkəzlərində insanlara işgəncə vermək, ac saxlamaq, ya da axtarışda olanları təslim olmağa məcbur etmək üçün ailəsi və uşaqlarını oğurlamak kimi taktikalara da əl atıb. JSOC tək Əfqanıstanda 2008-ci ildə 550 hədəfi vurub, min adamı öldürüb. 2009-cu ildə 464 əməliyyatla 500 adam öldürülüb. İraqda 2005-ci ildə bir ayda təxmini 300 əməliyyat keçirilib.
Birbaşa prezident ya da müdafiə nazirindən əmr alan JSOC-un kəşfiyyat təşkilatı, cihadçı saytlara hücum etmək üçün virtual döyüşçüləri, pilotsuz hücum təyyarələri və kəşfiyyat təyyarələri var. Uniformalardan istifadə etməyən xüsusi təyinatlılar “Şimali Virginia Gizli Ordusu” və başqa bir neçə adlardan istifadə edir.
CIA-nın edə bilmədiklərini etdilər
JSOC-ın səlahiyyətlilərindəbn biri bildirir: "Qaranlıq bir məsələyik. Dünyanı idarə edən bir qüvvəyik, amma ortada görünmərik. CIA-nın bizim etdiyim şeyləri etməyə gücü və səlahiyyəti yoxdur".
JSOC-un ilk vəzifəsi 1980-ci ildə Tehranda Amerika səfirliyindəki girovları qurtarmaq məqsədilə təşkil edilən “Şahin Pənçəsi Əməliyyatı”dır. Əməliyyat, o zaman qrupu daşıyan vertolyotun qəzaya uğraması nəticəsində səkkiz nəfərin ölməsilə fiaskoya uğramışdı.
TAHİR
