Rusiya lideri Vladimir Putin NATO-nun Rusiya sərhədinə görülməmiş hərbi qüvvə toplamaq qərarına reaksiya verib.
Baki-xeber.com xəbər verir ki, ABŞ və Qərb ölkələrilə Rusiya arasındakı gərginliyi şərh edən Putin ölkəsinin heç bir ölkəyə hücum planlaşdırmadığını deyib: "Rusiya, heç bir ölkəyə hücum etməyi düşünmür. Bu komik, axmaq bir fikirdir. Bu iddialar, digər ölkələrin hərbi xərclərini artırmaq üçün istifadə etdikləri bir hekayədir”.
Bu gün demək olar ki, altı üstünə gətirilən Orta Şərqi yenidən ayağa qaldırmaq üçün Rusiya lideri sürpriz bir təklifi də gündəmə gətirib. Bu çərçivədə Putin İkinci Dünya Müharibəsindən sonra ABŞ-ın tətbiq etdiyi “Marşall planı”na toxunub: "Yaxın Şərqdə baş verən nəhəng dağıntılar, uzun müddətli və əhatəli proqramlar həyata keçirilməsini tələb edir. Bölgədə yenidən canlanma və inkişaf üçün müasir “Marşall planı”na ehtiyacı var".
Hələbdəki hücumları dayandırmayacaqlarını deyən Putin bildirib ki, bəzi ölkələr BMT qərarlarını saymır: “BMT nizamnaməsindəki qaydaları tətbiq etsək, xaos yaranar. ABŞ əvvəl keçmiş Yuqoslaviyada, sonra İraqda, sonra da Suriyada BMT qaydalarını pozdu. Suriyanın Hələb şəhərində mülki insanların olmasına baxmayaraq, yaraqlılarla döyüşməkdən başqa variantımız yoxdur".
Rusiya lideri ABŞ prezidenti Barak Obama ilə əldə etdiyi Suriya razılaşmasının icrasına Vaşinqtondakı bəzi qüvvələr tərəfindən maneə törədildiyini iddia edib: "ABŞ prezidenti Barak Obama ilə əldə etdiyimiz Suriya razılaşmaları həyata keçmədiyi üçün təəssüflənirəm. Vaşinqtondakı bəzi qüvvələr bu razılaşmaların tətbiq olunmaması üçün əllərindən gələni etdi".
Putin ABŞ-dakı seçkilərə Rusiya təsiri barədə deyilənlərə də toxunub: "Bəziləri ciddi olaraq Rusiyanın Amerika xalqının seçiminə təsir edə biləcəyini düşünürmu? Amerika bir banan ölkəsidirmi? Amerika böyük gücdür. Əgər haqlı deyiləmsə lütfən mənim sözlərimi düzəldin.
Moskva, ABŞ-dakı prezident seçkilərini təsir etmir. Rusiyaya qarşı bu ittihamlar hekayədir.
Bir ölkənin seçki sisteminə digər ölkənin kiberhücum yolu ilə müdaxilə etməsi qəbuledilməzdir. Ölkələr kiber mühitdə ortaq davranış qaydaları üzərində razılaşma əldə etməlidir.
ABŞ seçkilərində kimin qazanacağının Rusiya üçün fərqi yoxdur. Çünki Donald Tramp və ya Hillari Klintonun seçkini qazandıqdan sonra necə davranacağını bilmirik.
Trampın Rusiyanın favoriti olduğuna dair xəbərlər də tamamilə axmaq fikirdir. Mətbuatın Trampı Moskvanın favoriti kimi göstərməsi təsadüf deyil. Bu xəbərlər manipulyasiya məqsədilə ortaya atılır".
TAHİR
