Mosulda İŞİD-ə qarşı güc göstərməyən İraq hökuməti terror təşkilatına qarşı döyüşən “Haşti Vatanı”dəstəsinin başçısı Əsil Nuseyfiyə savaş açaraq barəsində yaxalanma qərarı çıxarıb.
“Yeni Şafak” qəzeti yazır ki, İraqın Baş naziri Abadini pərdə arxasından idarə edən ABŞ isə “Türkiyə-İraq savaşı çıxa bilər” təhdidini səsləndirib. Maraqlıdır ki, müsəlmanların məzhəb savaşına sürükləndiyi Mosulda da Türkiyəyə yönəlik həmlələr ard-arda gəlir. Belə ki, Başıka döyüşləri üçün təlim keçdiyi “Haşdi Vatani” (Ninova Mühafizləri) sayəsində Mosul xalqının məzhəbçi qətliama qurban getməsini önləmək istəyən Ankaraya pərdə arxasında savaş şantajı edilir. Halbuki, Bağdad hökuməti 2014-də İŞİD-ə qarşı döyüşçülər hazırlamaq üçün Mehmetciyi özü dəvət etmişdi. Bu gün isə Türkiyə ordusunu işğalçı adlandırır və “İraq ordusu” adı altında şiə Haşdi Şabini onunla qarşı-qarşıya gətirərək məzhəb savaşı açmaq niyyətini göstərir. Pentaqonun Türkiyə ordusunun “hücuma keçə biləcəyi” xəbərdarlığı isə əslində bu durumda “yanğına körüklə getmək”dən başqa bir şey deyil.
Digər tərəfdən mühasirədə olan Mosul şəhərindən həyəcanlı xəbərlər gəlməkdədir. Gələn xəbərlərə görə, ətrafındakı dartışmalar səbəbindən zaman qazanan İŞİD şəhərdə tunellər qazıb və küçələrə konteynerlər yerləşdirərək istehkamlar qurub. Bütün bunlar isə şəhərdə qanlı döyüşlərə hazırlığın getdiyindən xəbər verir. Xəbərdə o da bildirilir ki, döyüşlər zamanı İŞİD, deyildiyi kimi, şəhər əhalisindən qalxan olaraq deyil, girov qismində istifadə edəcək. Haydar Abadinin isə bu döyüşlərə PKK-nı da daxil etmək istədiyini bildirən mənbə deyib ki, indiyə kimi də İraq baş naziri bu istəkdə olub, lakin bəzi şərtlər buna imkan vermirdi. Bu arada Başikada təlim keçən əsgərlərin komandanı , Mosulun keçmiş valisi Əsil Nuseyfi haqqında yaxalanma qərarının çıxarılması isə Bağdadınyeni bir atəşi fitilləməyə çalışması kimi dəyərləndirilir. Nuseyfi isə sosial şəbəkədə verdiyi cavabla barəsində çıxan qərara meydan oxuyub. O deyib ki, “Ninova mühafizləri”nə təlimi Türkiyə keçib və onlar Mosulu qoruyacaq tək gücdür. “Iki il yarımdır şəhərim İŞİD-ə peşkəş edildiyi üçün qurtuluş gününə kimi xalqımın yanındayam”- deyə o yazıb.
Xatırladaq ki, Nuri el-Malikinin baş nazirliyi dönəmində də prezident müşaviri Tarık Haşimi haqqında yaxalanma qərarı çıxarılmış, Haşimi Türkiyəyə sığınmışdı.
Baki-xeber.com
