İraqın ikinci böyük şəhəri Mosulun İŞİD-dən təmizlənməsi ilə bağlı hərbi əməliyyatlar başladı. Əməliyyat gecə saatlarında başlayıb.
Baki-xeber.com xəbər verir ki, başlanması bir başa televiziyadan dünyaya elan edilən əməliyyata qatılan 30 mindən çox əsgər İraqın ən böyük ikinci şəhərini İŞİD-dən azad etçək üçün hərəkətə keçib. Kürd peşmərgə qüvvələri şərq cəbhəsindən, İraq ordusu və digər qüvvələr isə cənubdan Mosula dağru irəliləyir. Terrorçular isə onlara ağır silahlarla cavab verir. İŞİD həmçinin bomba yüklü avtomobillərdən də istifadə edir. Mosula doğru irəliləyən qüvvələrə koalisiya təyyarələri də dəstək verir.
Son məlumatlara görə, peşmərgənin irəlilədiyi şərq cəbhəsində yeddi kənd İŞİD-dən geri alınıb.
Əməliyyatların əsas bazası şərqdəki Zertek Dağıda Amerika əsgərləri peşmərgə ilə birlikdə hərəkət edir. Onların bir başa döyüşlərə qatıldığına dair xəbərlər var.
“Reuters” Türkiyə ordusundakı mənbələrə istinadən məlumat yayıb ki, Türkiyənin Başika düşərgəsində təlim keçdiyi 1500 sünni silahlı da əməliyyata qatılıb. “Ninova Gözətçiləri” adlı qrupun 1500 nəfərlik ordusu isə hazırda gözləmə mövqeyindədir.
Əməliyyatın başladığını televiziyadan canlı olaraq elan edən İraq baş naziri Hayder El İbadinin sözlərinə görə, Mosula yalnız iraqlı əsgər və polislər girəcək. Türkiyənin etiraz etdiyi şiə silahlılar isə hələlik Mosula girməyəcək.
O da maraqlıdır ki, İbadi açıqlamasında, əvvəlcədən əməliyyata qatılacağı bildirilən və bütün cəbhələrə göndərilən İraq Kürd Regional Muxtariyyətinə (IKBY) bağlı peşmərgə qüvvələri, Türkiyənin təlim keçdiyi yerli mosullulardan ibarət “Ninova Gözətçiləri” və şiələrin silahlı qrupu “Haşdi Şabi” barədə heç nə deməyib.
Ancaq qeyd edildiyi kimi, peşmərgə də, “Ninova Gözətçiləri” də əməliyyatlarda iştirak edir, onların şəhərə girib-girməyəcəyi isə hələlik açıq qalır.
Əməliyyatın başlanmasından sonra bölgədə daha böyük bir təhlükə də gündəmə gəldi. Belə ki, əməliyyat zamanı Mosul su anbarı hər hansı bir zərər görəcəyi halda bölgə daha ciddi bir problemlə qarşılaşa bilər.
Əməliyyatda əvvəl İraqın ən böyük su anbarı olan Mosul anbarının çökmə ehtimalı, xüsusilə ABŞ tərəfindən tez-tez gündəmə gətirilirdi. Mosuldaki böyük əməliyyatın başlamasının ardından bu anbarın təhlükəsizliyi də ciddi əhəmiyyət daşıyır.
Çünki 12 milyard kubmetr su saxlayan sədd çökəcəyi hal Mosulun 4 saat içində 21 metr su altında qala biləcəyi ehtimal edilir. Digər tərəfdən su dalğası Mosulu məhv etdikdən sonra Bağdadın da böyük bir hissəsinin sular altında qalmasına səbəb ola bilər.
Səddin 2014-ci ildə İŞİD-in əlinə keçməsi və bu dövrdə təhlükəsizliklə bağlı heç bir tədbirin görülməməsi vəziyyətin daha da kritik olduğunu göstərir.
Məlumatlara görə, Mosul su anbarının təhlükəsizliyini qorumaq üçün türk əsgərlərinin Başikada təlim keçdiyi “Ninova Gözətçiləri" bölgəyə göndərilib.
TAHİR
