Çevriliş olayları ilə bağlı Ərdoğanın ABŞ hərbçilərinə ittihamları konkretləşir

Tarix: 04.08.2016 / 01:21
Bölmə: Dünya

Ölkəmizin əsas müttəfiqi sayılan Türkiyədə dövlət çevriliş olayları təkcə bu ölkə daxilində yox, həmçinin regionda da proseslərin ümumi axarına ciddi təsir etməkdədir. Belə görünür ki, baş verənlər Qərblə Türkiyə arasında münasibətləri gərginləşdirdiyi bir vaxtda Moskva və Ankaranı daha sürətlə bir-birinə yaxınlaşdırır. Bütün bunların kökündə duran odur ki, Qərb əslində Türkiyəyə qarşı yenə qərəzli mövqe tutub.

Belə bir vaxtda Türkiyə prezidenti Rəcəb Tayyip Ərdoğan keçən ay baş verən çevriliş cəhdinin ölkə xaricindən planlaşdırıldığını bir daha vurğulayıb: "Bu çevriliş cəhdi sadəcə ölkə içində planlaşdırılmayıb. Bunun iştirakçıları xaricdə yazılmış ssenari əsasında hərəkət edib"- deyə Ərdoğan televiziyada çıxışı zamanı bildirib. Bu arada xatırladaq ki, Türkiyə ABŞ-dan 75 yaşlı Fətullah Gülənin ekstradasiyasını tələb edib və onun çevrilişdə əli olduğuna dair sənədləri ABŞ rəsmilərinə göndərib. Lakin ABŞ prosesi hələ də uzadır və belə görünür, Güləni Türkiyəyə vermək niyyətində deyil. Bu o fonda baş verir ki, Türkiyədə məlum çevriliş cəhdində ABŞ-ın bir sıra generallarının əlinin olmasına dair ittihamlar artır. Bu günlərdə Türkiyənin "Yeni Şəfəq" qəzeti yazmışdı ki, qiyamı hazırlayan və idarə edən şəxslər arasında ABŞ Silahlı Qüvvələrinin generalı, Beynəlxalq Təhlükəsizliyə Dəstək Qüvvələrinin (İSAF) sabiq komandanı Con Kempbell də olub. Hərbi çevrilişə cəhdə qədər gizli şəkildə iki dəfə Türkiyəyə səfər edən general Kempbell həm Ərzurumda, həm də Adanadakı "İncirlik" bazasında görüşlər keçirib. Eyni zamanda o, çevriliş zamanı rütbəsindən asılı olaraq zabitlərin atacağı bütün addımları da öncədən müəyyən edib. Amma ABŞ bu ittihamları rədd edir.

Bununla belə, bir neçə gün əvvəl ABŞ Silahlı Qüvvələrinin Mərkəzi Komandanlığının rəhbəri general Cozef Votel Türkiyədəki hərbi çevriliş cəhdindən danışarkən bildirmişdi ki, Türkiyə hökumətinin baş verənlərə reaksiyası Pentaqonun bölgədəki əməliyyatlarına zərər verəcək. O, hətta həbsə atılan hərbçilərin bəziləri ilə yaxın təmaslarının olduğunu da gizlətməmişdi. Həmin vaxt Ərdoğan Votelin bəyanatını sərt tənqid edib: "Amerikalı general qiyamçıları dəstəkləyir. Belə bir bəyanatla o özünü ifşa etdi. Siz kimsiniz? Buna sizmi qərar verəcəksiniz? Siz çevriliş cəhdinin qarşısını alan bu dövlətə təşəkkür etmək əvəzinə, qiyamçıların yanında dayanırsınız. Onların lideri sizin ölkənizdə yaşayır".

Ankara Avropa dövlətlərindən də narazılıq edir. Məsələn, elə Ərdoğan 15 iyul çevriliş cəhdindən sonra Qərbi terrorizmi dəstəkləməkdə ittiham edib: "Təəssüf ki, Qərb terrora dəstək verir və çevriliş törətmək istəyənlərin yanında dayanır. Bizim dost saydığımız insanlar çevriliş törətmək istəyənlərin və terrorçuların yanında yer alır". Hesab edilir ki, araşdırmaların sonrakı gedişində Qərbin bu məsələdə nə dərəcədə iştirak etməsi daha dəqiq bilinəcək. Bu arada qeyd edək ki, Türkiyə Böyük Millət Məclisi dövlət çevrilişinə cəhdi araşdırmaq üçün xüsusi komissiya yaradıb. Komissiyada, hakim partiya ilə yanaşı, Cumhuriyyət Xalq Partiyasının (CHP) və Milliyyətçi Hərəkat Partiyasının (MHP) nümayəndələri də yer alıblar. Komissiya Konstitusiyaya nəzərdə tutulan dəyişikliklə bağlı əvvəlcədən hazırlıq işi görəcək və bunu partiya sədrlərinə təqdim edəcəklər. On beş nəfərlik tərkibdə yaradılacaq Komissiyanın fəaliyyət müddəti üç ay nəzərdə tutulub.

Baş nazir Binəli Yıldırım isə bu fonda vətəndaşlara müraciətində Türkiyə dövlətinin və iqtisadiyyatının çevriliş cəhdindən sonra daha da gücləndiyini deyib. Xalqın demokratiyaya, milli iradəyə sahib çıxdığını deyən baş nazir qeyd edib ki, Türkiyə hüquqi dövlət olduğu üçün dövlət çevrilişinə cəhd göstərənlərin cəzası da hüquq müstəvisində veriləcək. Çevrilişə dəstək verən qurumlarla bağlı gərgin iş aparıldığını bildirən baş nazir diqqətə çatdırıb ki, saxlananların və həbs edilənlərin ifadələrindən hər gün yeni məlumatlar əldə olunur.

O, Türkiyə Silahlı Qüvvələri və Milli Kəşfiyyat Xidmətinin daha da təkmilləşdiriləcəyini bildirib. Həmçinin qeyd edib ki, çevriliş cəhdindən sonra 3 min 499 nəfər istefaya göndərilməklə, ümumilikdə 62 min nəfər işindən kənarlaşdırılıb. Baş nazir vurğulayıb ki, çevriliş cəhdi ilə bağlı təhlükə hələ bitmədiyi üçün onun aradan qaldırılması vaxt tələb edir.

Tahir TAĞIYEV

DİGƏR XƏBƏRLƏR

Tarix: 26.09.2026 / 16:17

Pezeşkian İranın 60 faiz zənginləşdirilmiş uranı yenidən "qarışdırmağa" hazır olduğunu bildirdi...

Tarix: 26.09.2026 / 15:56

Tramp Zelenskiyə Moskvaya get demədi, rədd cavabı da almadı...

Tarix: 26.09.2026 / 08:50

Tramp CNN jurnalistlərini yenə “bortdan kənarda” qoydu - məhkəmə qərarına rəğmən…

Tarix: 25.09.2026 / 23:11

Türkiyə Səudiyyə-Husi savaşına qoşulacaq? – Ərdoğan “məcbur deyilik” dedi, ancaq…

Tarix: 25.09.2026 / 14:25

Rusiya Kiyevdə Ali Ədliyyə Şurasının binasını vurdu… - FOTO

Tarix: 25.09.2026 / 13:45

Ukraynanın dron zərbələri Rusiyanın daha bir neft zavodunu iflic etdi…

Tarix: 25.09.2026 / 13:32

Vaşinqton Ukrayna-ABŞ-Rusiya danışıqlarının BƏƏ-də keçirilməsini təklif etdi…

Tarix: 25.09.2026 / 10:38

Xəzərdə itkin düşən daha iki qazax hərbçinin meyiti tapıldı...

Tarix: 24.09.2026 / 23:37

İran qonşu ölkələrdəki hava limanlarını bağlamaqla hədələdi - ABŞ-a qoşulsalar...

Tarix: 24.09.2026 / 17:40

Peskov növbəti dəfə Ermənistana çağırış etdi - AİB və Aİ ilə bağlı qərarınızı verin…

Tarix: 24.09.2026 / 14:14

Xəzər dənizində təlim zamanı 9 Qazaxıstan hərbçisi həlak oldu

Tarix: 24.09.2026 / 14:09

Ukrayna Aİ-nin sanksiya siyahısına Usmanov və Fridmanın yerinə başqa iki rus oliqarxın salınmasını təklif etdi - Lisin və Potanin…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 24.09.2026 / 18:37

1500 il alban patriarxlığının iqamətgahı olmuş yerləri ermənilər necə mənimsəyə bilər?!...

Tarix: 24.09.2026 / 16:09

Azərbaycan mədən sənayesini yenidən qurur - qızıl, mis, dəmir...

Tarix: 24.09.2026 / 15:15

İrəvana gedən azərbaycanlı ekspertlər düşmən hesab edildi.... Fakt...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır