ABŞ “Citibank”dan Belarusun aktivlərinin blokdan çıxarılmasını və geri qaytarılmasını istəyib. Bu barədə ABŞ prezidentinin xüsusi nümayəndəsi Con Koul sentyabrın 15-də Minskdə Belarus prezidenti Aleksandr Lukaşenko ilə görüşündə bildirib.
Danışıqlar zamanı Koul Belarusun vəsaitlərin geri qaytarılması tələblərini tam dəstəklədiyini vurğulayıb. O, Vaşinqtonun hazırda bu əməliyyatı həyata keçirmək üçün hüquqi və texniki həll yolları axtardığını bildirib.
"Tələblərinizi tam və qəti şəkildə dəstəkləyirəm. Əslində, tamamilə haqlısınız. Bu vəsaitlər dondurulmamış vəziyyətdən çıxarılmalı və geri qaytarılmalıdır. Biz bankdan bu vəsaitlərin dondurulmuş vəziyyətdən çıxarılmasını xahiş etmişik. Hazırda bunun üçün mexanizm hazırlayırıq" - deyə Trampın xüsusi nümayəndəsi bildirib.
Tahir TAĞIYEV
